1 DLAŊ MULINARA 29:11 - Boy Lonana

¹¹ Ŋgolla, saɓakŋa, bibiŋilla, mulla ni maŋ aŋ Yawe kay ana tlesuu huulonana halaŋ, tlesuu kay ndaŋgarana halaŋŋi maŋsina. Mulla u ŋgolla kay suuna halaŋga ni maŋ aŋ, Yawe.

1 DLAŊ MULINARA 29:11 ပူးပေါင်းရင်းမြစ်များ

URA TIN AYRA 1:1

Lona gijaŋŋa ay jewni li huulona, li ndaŋgara.

URA TIN AYRA 14:19

Nam paɗ vunum kay Abram ki ko wanda na ana, «Ko Lona ma Kolona ma li huulona u ndaŋgara paɗ vunum ki kay Abram.

URA TIN AYRA 14:22

Abram hoŋ dira maŋ mul ma Sodomma ana, «An tli kon kolo suu tan fok Yawe, Lo ma Kolona ma li huulona u ndaŋgarana,

1 DLAŊ MULINARA 29:10

David gi deɓpa maŋ Yawe fok suu tokina di ana, «Ko suuna ŋgaaŋŋi seŋu, Yawe, Lona vi suu Israelna, bumi ma ay day day a fafaɗtana.

2 DLAŊ MULINARA 20:6

Asi cen Lona ana, «Yawe, Lo ma vi somoyomi suu jew dayna, aŋ ti mulla ay kolo huulona ni aŋu. Aŋ ti mulla kay njaf suu warna halaŋŋi aŋ lay. Saɓakŋa u garaaŋga halaŋ ay ni koŋu. Sa ma ndak a col fokoŋ kaɗi.

NEHEMI 9:5

Suu Levina, Yesua, Kadmiyel, Bani, Hasabneya, Serebiya, Hodiya, Sebaniya, Petahiya di ana, «Yowogi kolo gagi deɓpa maŋ Yawe, Loogina, ma ay hu fokka day a fafaɗtana. «Ko asi geleɗeŋ seŋ ma bibiŋilna, ma su ki kay ŋgara u geleɗta halaŋŋa.

JOB 37:22

Kiɗik mayra wi cocora col ay mbayaw na. Ŋguy kay Lona na weleɗ mayra li tara ndaana cocora.

SOOLLA 10:16

Yawe ni mulna a fafaɗta, suu bay vina sa ha ka egem oloɗi.

SOOLLA 103:19

Yawe tin dlam mamba mulla ka kolo huulona, mul mamba ti kay suuna halaŋ.

SOOLLA 104:1

An gi deɓ maŋ Bu Suuna. Yawe, Loonna, aŋ dlaŋ ŋgol cocoo. Aŋŋi sa ma bibiŋil ma dlam ŋgolna,

SOOLLA 145:1

Soolla geleɗta vi David. Loonna, mul manna, an geleɗeŋu, an gi deɓpa u seŋ na gak gak.

SOOLLA 145:6

Asi di ki kay saɓak maŋ ma mbuɗ mbuɗta, an waŋ sun maŋga dlaɗ ŋgolla.

SOOLLA 21:13

Aŋ tinisi mbuuru maŋga kasiya. Asi hoŋ dagan wa.

SOOLLA 29:4

Del Yawe ka bay u saɓakŋa, ka takam ŋgol mamba kiyo.

SOOLLA 46:10

Nam doo duuna ki kay yam mbassa halaŋ, nam kus mbuurura u saɓpa kiyo, nam ŋgal pus pus ma duuna ki lay.

SOOLLA 47:9

Lona ti mulla kay njaf suuna halaŋ, Lona kak kay dlam mamba teteɗta.

SOOLLA 57:11

Kay ɗegee maŋga tuɗ ta ta huulona, bibiŋil maŋga oy yam daŋgara halaŋ, tuɗ ta ta su kay ɗugulla.

SOOLLA 57:5

An buuri ni duk dlona, ni duk suu kom suu warna. Siisi ni ko saɓpa cok sana na, ko mbuura lay, sinisi ni ko ŋgew ma digiina na.

SOOLLA 57:6

Lona, tak ŋgol maŋga ay ki kolo huulona, tak bibiŋil maŋga ki hu duliyara may.

SOOLLA 89:11

Aŋ ci suu Egiptena ki halaŋŋi aŋu, aŋ njay suu duu u aŋŋa ki u bik koŋ ma saɓakŋa.

SOOLLA 97:1

Yawe ni mulna. Ko suu kay ndaŋgarana halaŋ geleɗemu, mbo lumma lay furiya.

SOOLLA 97:9

Kay aŋŋi Yawe, ma Kolo Day kay ndaŋgarana, aŋ su ki kay loogi suu daŋŋa halaŋ.

SOOLLA 98:1

Soolla. Gagi soolla wilira maŋ Yawe, kay nam li dlara mbuɗ mbuɗta cocoo. Bikim ma njufna u kom halaŋ ki teteɗ, nam su kay tlena halaŋ.

SOOLLA 99:1

Yawe ni mulna, suuna halaŋ dlak ndaana komu. Nam kak kay Serubim, sa sunda huulona, ndaŋgara ka dlak ndaana komu.

EZAYI 12:4

Agi hin ɓak hu buu namma ana, Gagi deɓpa maŋ Yawe, yagina sem ha koloo, dam sun mamba ha ki duk suuna, dagi ki ana semmi dlam ŋgol cocoo.

EZAYI 42:5

Lona Yawe di ana, sa ma li huulona ni anu, sa ma beɗem ki kolo nana ni anu. Sa ma ɦal musukka huu tlesuu iiri coco kay ndaŋgara wanna ni anu. An ɦal musukŋa huu tlesuu tuɗ kaɗna halaŋ.

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

JEREMI 27:5

Anni sa li ndaŋgara u suu warna layna, li mburi suu kay ndaŋgarana lay, an lasi ni u saɓakanu. An ndak a ɦasi maŋ gegelay ma an minimma.

DANYEL 2:20

Danyel gijaŋ ɓakŋa hin di ana, «Ko suuna ŋga ni sem Lona, ko ay hu fokka na a fafaɗta, kay ana yalna u saɓakŋa ni varamu.

DANYEL 4:3

An ɦal voɗta ana mbaan suu wi dlara hu Babilonna ay fokon halaŋ, a asi buɗun u doy ndaɗta kiyo.

DANYEL 4:30

Hu li namma gaw ni dla ndaɗta li ki eg Nabukodonosor. Asi dikim ki duk suuna. Nam ti haɗna ko mbutlina na, tam mbus ki u mbaɗagira huulonara ta ta, tlimiɗ yam si ko tlimiɗ ɓarawna na, liviɗ kom siira ko liviɗ layagina na.

DANYEL 4:32

Suu kay ndaŋgarana halaŋ ka mdak ii vaɗi, nam li ni u min mamba, kay asgaa suu kolo huulonana u suu kay ndaŋgarana, sa ma ndak a cam u kom kaɗi, ndak a dam ana, aŋ li nimegena kaɗi lay.

MATIYE 6:13

Hinimi hu ndembaɗi. Suɗumi ki ko Ma Cona suɗu. [Kay mulla lay maŋga, garaŋga lay maŋga, ŋgolla lay maŋga. Amin.]

1 TIMOTE 1:17

Mul ŋgol ma didinna ma miɗɗina, ma sa ka wam u irimbina ni Lona dew, geleɗta u ŋgolla ni mamba a fafatɗa Amin.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

JOSUWE 3:11

Gologiya Zandukka Galamba vi Yawe ma kay ndaŋgara belna hin tuɗ ha fokogi duk mbo lum ma Yurdanna.

JOSUWE 3:13

Hu li ma sem muli suu li ɓivunna suu zii Zandukka Galamba vi Yawera tin ha ga duk mbo lum ma Yurdanna may ni, mbo lum ma Yurdanna irim ɓorow kiyo, mbo ma ɓaɗ ay kolo kay ɦinira Amonda col ha gaw may, mbona tok ha ki kolo kel tam hu li ma dewna.

Magaara JUD Ɓiiriɗta 1:25

Ni maŋ Lona hol Saay ma Suɗta, Bu Suuna Yesu Kristu, ŋgolla u ŋgolla, bibiŋilla u saɓakŋa u eŋga, gijaŋŋa ay jewra day cecemmi lay, ha fokka lay gak gak a fafatɗa, Amin.

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»

WIRA ŊGAYRA 19:1

Ŋgoo dagan an hum del suuna ay kolo huulona eŋga, ko del suuna bolow coco na, di ana, «Geleɗegi Lona! Bu Suuna, suɗta, bibiŋilla, saɓakŋa, halaŋŋi maŋ Looygina.

1 SAMUEL 15:29

Na lay ni, «Bibiŋilla vi Israella ka mbuɗ ki kaboyɗi lay, ka hom ki kaŋgaɗi lay kay ana nam ka sa warɗi, dlara nam a hom kaɗ kaɗi.»