1 DLAŊ MULINARA 29:1 - Boy Lonana

¹ Mulna David di suu tokina halaŋ ana, «Goronna Salomon ma Lona manam ki dewna ni gogoona, maŋi lay, sunda ŋgol cocoo kay zi ma namma ka ni maŋ saɗi ni vi Yawe Lona.

1 DLAŊ MULINARA 29:1 ပူးပေါင်းရင်းမြစ်များ

2 SAMUEL 3:39

An karam ki maŋiya, u fuura fuurun tinin a mulnara lay, suu asina, goryoŋ Seruyana asi saɓak suunu. May Yawe warak sa ma cona ni u coomba may.»

1 MULINA 1:20

Aŋ may ni sa ŋgol manna, suu Israelna halaŋ irisi ka cuki ni kaŋu, a aŋ takasi sa ma hin kak ka hu dlamba mulla vi sa ŋgol manna ŋgorom daganna.

1 MULINA 3:7

Cemi wanda Yawe, Loonna, aŋ kak saaŋ ma sunda a ti mulla balam bun David ni aŋu. Anni gogona ɦawaa, ka wi yal ma a kak fok suunaɗi lay.

1 DLAŊ MULINARA 22:2

David ɦal voɗta ana tok suu koyogi suu hu mbassa Israellana kiyo. Nam hin yow suu ceɗ gogoyra a min Ziŋ Yawera.

1 DLAŊ MULINARA 22:5

David di ana, «Goronna, Salomon, goo tu lay, maŋi lay, zira a miniɗ maŋ Yawera dlaɗ hin li ni ŋgol coco hu mbassa halaŋ kay ŋgoloɗ lay kay bibiŋil maɗta lay. An hin minim tlena ka ki kaŋga ni mamu.» Ko ndaɗta na David min tlena ka ŋgol jew a nam miɗta.

1 DLAŊ MULINARA 28:1

David tok muli suu fok suu Israelna hu Yerusalem halaŋ, suu hu njaf suunana u suu hu dee suunana suu li sunda vi mulnna, suu fok suu buɓ buɓma, suu fok suu kis kisna u suu kay begera u yoori suu vi mulnana u goryomu, suu fokomma, suu duuna u suu dlasi ŋgolona halaŋ.

1 DLAŊ MULINARA 28:10

Aŋ gol cemmi wanda, Yawe manaŋ ki a minim zira li ma li ɓivunna, kak ɗegee li sunda.»

1 DLAŊ MULINARA 28:8

Cecem wanda ɗaŋŋi ii suu Israelna halaŋ, suu vi Yawe suu toki fok Looyginana, vagiya takagi gaɗta vi Yawe Looyginara ki halaŋ a agi fagi mbas mayra jivi ndaɗta hiniɗ ka a jona maŋ goryogi ŋgoorogi dagan a fafaɗta.

1 DLAŊ MULINARA 29:19

Ҥal huu ma ɗegeena maŋ goronna, Salomon, a vaŋ gaɗ maŋga, vi vun maŋŋa, gaɗ maŋga a li sunda miniŋ ziiŋ ma an min tlena ka kamma.»

2 DLAŊ MULINARA 1:2

Salomon ɓak suu Israelna na halaŋ, suu ŋgolo asgaarina u suu ŋgolo suu ɦoŋzinana, suu kaɓakŋa u suu Israelna bel bel.

2 DLAŊ MULINARA 13:7

Suu ka wi dlaɗina, goryoŋ suu ɦulla tok tasi ay umu. Asi min a ɦeɓ Roboam ma goŋ Salomonna. Roboam ay ni goozoŋŋa ɦawaa, ka saɓakgi lay, col ay ka fokosi eŋgi.

VUN ŊGOLNA 4:3

An lay ay vo vi bunni a goo ma jivina, sun minin coco ko goo dewna na.

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.