1 DLAŊ MULINARA 28:9 - Boy Lonana

⁹ «Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 DLAŊ MULINARA 28:9 ပူးပေါင်းရင်းမြစ်များ

JEREMI 29:13

Agi hin halanu, hin fan may. Agi hin halanni huurugi tagira kurufuwa.

JEREMI 24:7

An hin ɦasi yal ma hin takasi voɗta asi wanda. Gasi an ni Yawe, asi hin mbuɗ ki suu mansina, an hin li ni a Loosina, asi hin hoŋ ay egen u hurusi halaŋ.

1 MULINA 8:61

Ko agi tok hurugi halaŋŋi maŋ Yawe, Looygina na dew, kay a agi poy ni u gaɗ mamba, li u gaɗ mamba halaŋ ko ndal agi ka li cemi wandara na.»

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

SOOLLA 9:10

Yawe ni ɦoŋzi ma saɓakŋa kay suu ka lasna, hu li ma lassa ka lasina, nam suɗusiya.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»

Boy Ma Ayra Ma JAŊ Ɓiirimma 4:24

Lona ni Musukka, suu a goɓomma goɓommi u Musukka u gasira may.»

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

SOOLLA 139:2

lini an buuri gaa, kaki koloo, halaŋ aŋ ka wanu. Ay ki day ni aŋ wi dlara an laɗta ki dew dew halaŋ,

JEREMI 9:24

Buuna ka mbaa, Yawe ɓak na, ma an hin kaɓakŋa kay suu caw ɗiwisi ki may, ɦal tasi ni hu tliwisi ɦawana,

Boy Ma Ayra Ma JAŊ Ɓiirimma 17:3

Iirira ka daɓ kiɗira ni ana asi waŋ ana, aŋŋi Lo ma gasina dew, wi Yesu Kristu ma aŋ sunum ayna may.

Magaara Vi Sa Jok Vun Lona OZE 4:1

Humugi boy ma vi Yawena haa, goryoŋ Israelna. Yawe ka li ɓakŋa u suu hu mbassana, kay ana dlara gasira u minda kaɗi lay, wira wi Lonara ka hu mbassa oloɗi.

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

2 MULINA 20:3

«Ҥii, Yawe, wan hahawan na wige, aŋ wi ana an tuɗ fokoŋŋi u ɗegeera u huu ma tini kaŋŋa. An li dlara iriŋ jivira lay.» Ezekiyas tii u simina cocoo.

JEREMI 22:16

Nam tli dlaŋ sa hahawra u ma hawra komu, ni jivira. Wira wanda ni naɗi su? Di na ni Yawe.

KALKIRA 15:2

Saɓakan u sool manda ni Yawe. Nammi sa ma suɗun kina. Nammi Loonna an geleɗemu. Lo ma vi bunna an ŋgaamu.

1 DLAŊ MULINARA 29:9

Suuna li furira kay ɦal masira u hurusi dewra kay ana asi ɦal tlena ni u hurusi dew maŋ Yawe. Mulna David furi ŋgol coco lay.

1 MULINA 8:39

aŋ may ni humusiya. Bulumusi coosira kiyo. Aŋ, Yawe, Lona ma ay kolo huulona dayna mbay njunusiya. Aŋ li gegelay ni u poy mamba kay ana aŋ wam hurumu. Aŋ dew ni sa ma wi huu suuna ki halaŋŋa.

SUNDA 17:30

Hu li ma suuna ay ka wi va tuɗina Lona ka ŋga va kayambi, cecemi nam yi suuna hu lina halaŋ, asi mba jok iiri masira ki zeɗ.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

SOOLLA 101:2

An min so tan a tuɗ hu voɗ maŋga ɗegee. Aŋ hin mbay egenni saɓage? Hu ziinni an wi yal ma ŋgom tanna, kak u hurun ɗegee.

SOOLLA 7:9

Yawe kaɓakŋa kay suuna. Takan jivi manda kiyo, Yawe, u ɗegee manda kay an li va kaɗi.

GA 8ATAMBARA 31:21

Hu li ma yoora ŋgolla u hahawra mba kasi wa ni sool ndaɗta ni a di ki kasi, kay a goryosi hin gi sool ndaɗta ka ni na tew tew. An lay ni wi dlara asi ka laɗ cemi wandara ni jew bay an a cukusi hu mbassa an suu tan ki a ɦasirara tu lay.»

HEBRENA 12:28

Ni kay ndaɗta aygi fi mul mayra uɗ ka jok kiɗira, gaygi deɓ Lona u sunda sunum jivira lam ndaaramu, hum um may.

2 MULINA 22:2

Josiyas li dlara ɗegee ii Yawera tli kommi voɗta vi bum ŋgolo Davidta na ɗegee, ka tuɗ irim bik njufu bik guluɗi lay.

SUNDA 1:24

Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina,

Boy Ma Ayra Ma JAŊ Ɓiirimma 21:17

Nam hin joɓom a yamba hindira ana, «Simon, goŋ Jaŋŋa, aŋ minin su?» Piyer ɗus irim na dum dum kay joɓpa Yesu joɓom a yam hindira ana «Aŋ minin su?» Nam hoŋom dira ana, «Bu Suuna aŋ wi tlen halaŋ, aŋ wi kaŋ ana an miniŋu.» Yesu dam ana, «Golon timigii mansina.

Boy Ma Ayra Ma JAŊ Ɓiirimma 2:25

Nam ka min ana sa haɗam kay suunaɗi, nam u tamba wi dlara huu suunara.

Magaara Vi Sa Jok Vun Lona OZE 4:6

Suu mansina lay hin mbuɗ ka ɓakgi, ni cora kay asi ka wi dlaɗira, kay ana asi zuɗ wira wi dlara kiyo an hin zuɗuŋ ha kiyo. Aŋ hin ka li a mul man ma li ɓivunna oloɗi, aŋ maa gaɗta vi Looŋara kiyo, an may ni hin maaraŋ goryoŋ kiyo.

GA 8ATAMBARA 4:35

Yawe takagi dla ndaɗta ki na ni kay agi mba wi ki ana nam dew ni Lona, lo ma daŋ ma ko nam na kaɗi.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

EZEKIYEL 38:10

«Bu Suuna, Yawe, di ana, hu li ma buu namma ndak wa ni saara cora zeɗ zeɗta hin cuk huruŋu. Aŋ hin gijaŋŋa saa ni dla cora.

JEREMI 11:20

Yawe, ma Saɓakŋa Kom Belna, aŋ sa ti mulla u ɗegeerana, aŋ sa wi huu suuna u saarasi layna. An hin wi dlara aŋ hin lasira egesira kay ana an hin tanni hu duk koŋu.

VUN ŊGOLNA 17:3

Zul mayra veg doonora kaa. Caf mayra yoo lorra ka may, may Yawe dew ni sa ma gol huu suuna.

EZDRAS 8:22

Kay an li zolona joɓ mulna ka nam ɦaygi suu kulumina doo suu bablira ki kaygi hu voɗtaraɗi, gasi daŋ may aygi di mulna ana, «Ko Lona ma jivina ka kay suu halamma halaŋ may, yaamba ŋgol coco kay suu noyom kina.»

KALKIRA 3:16

Tuɗ tok suu ŋgolo suu Israelna dasi ana, Yawe, Lo ma vi somoyogina, Lona vi Abraham, Lona vi Isaak, Lona vi Yakob tak tam ki irin dan ana, An min a kal tan hu boy magina, kay dlara asi lagira egegi hu Egipte wanda.

JEREMI 20:12

Yawe ma Saɓakŋa Kom Belna, aŋ sa wi saara vi sa ɗegeena, sa wi dlara huu suunara u saara, an hin waŋ aŋ sa sukuluŋ u asiya, kay ana an hin dlaanda halaŋŋi koŋu.

SOOLLA 18:2

Nam di ana, An miniŋ cocoo, Yawe, ma ɦan saɓakŋana.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

SUNDA 17:23

An poy hu ɦoŋzina tani wi li ma agi tok a li cenda huna, an wi givin ma togolla ma cenda dew ɓiiri kam kolo ana, lo ma sa ka wambina. Ni jiviya ma agi cen sa ka wambi namma an dagi ni kamu.

Boy Ma Ayra Ma JAŊ Ɓiirimma 8:55

Na may, agi ka wambi, anu, an wamu. An di wa ana an ka wambi ni, an mbuɗ ni sa kaboyna ko agi na may. An wamu, an hum u boy mamma lay.

Boy Ma Ayra Ma JAŊ Ɓiirimma 1:47

Yesu wi Natanael mbay egem na ni, nam di kam ana, «Gola ni sa Israel ma gasina ma mbambara ka hurumbina.»

SOOLLA 89:26

An hin ɦam lum ŋgolna ni mamu, ay hu lum ŋgol ma dukŋa ta ta mbo lum ma Efratana ni varamu.

1 MULINA 3:6

Salomon hoŋ dira ana, «Aŋ li jivira maŋ saaŋ ma sunda bun David cocoo, kay ana nam li sunda fokoŋŋi u ɗegeera u jivira may u huu ma haɓma fokoŋ may, aŋ golom u jivi ndaɗta gak gak ɦam goo ma hin varak ka balamam kay dlam mamba mullana may.

EZAYI 1:28

Suu babalira u suu li dla cora hin ba ki halaŋ. Suu noy Yawe kina halaŋ hin ba kiyo.

URA TIN AYRA 28:13

Yawe coli kolo kay jaŋalana di ana, «Anni Yawe, Lona vi buŋ ŋgolo, Abraham, Lona vi buŋ Isaak, ndaŋgara aŋ buuri kaɗ wanda an hin ɦaŋga ni maŋ u njafaŋu.

2 KORINTNA 8:12

Lini sana tin hurum ma jivina wa a ɦala ni, Lona ŋgani ɦal mayra ka ko sanara, va ma kaɗina nam ka ŋgaambi.

1 KORINTNA 15:34

Hoŋogi ay hu gasira ko ay lira na, lagi coraɗi, suu dukugi ɦiw ni ka wi Lonaɗi an di na ni kay zolo magina.

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

2 KORINTNA 9:7

Sana ɦal ni u va ma nam saa hurum a ɦamma, ka va ma sa yoo tam kambi, ka ko ɦeɓpa naɗi lay. Lona min sa ma ɦal u furira.

1 MULINA 8:43

aŋ hum ay kolo huulona day ziiŋ ma aŋ ka huna. Li dlara koy namma joɓoŋ kaɗta kay ana suu warna kay yam ndaŋgara halaŋ waŋ seŋ kiyo, a asi laŋ ndaraŋ ko suu maŋ suu Israelna na may. Asi wi ki ana seŋ ka yi hu zira an miniɗ ndaɗta.

2 MULINA 21:22

Nam noy Yawe, Lo ma vi somoyomma, kiyo, ka min a tli voɗta vi Yaweraɗi.

1 DLAŊ MULINARA 22:19

Cecem wanda ɦagi hurugiya, hinigi tagi a hal Yawe, Loogina. Cologi koloo, minigi Ziŋ Lonara vi Yawe, Lonana, a hoŋ Zandukka Galamba vi Yawera u tlesuu li ɓi vun suu vi Lonna ay hu zira miniɗ u sem Yawera.»

1 DLAŊ MULINARA 28:8

Cecem wanda ɗaŋŋi ii suu Israelna halaŋ, suu vi Yawe suu toki fok Looyginana, vagiya takagi gaɗta vi Yawe Looyginara ki halaŋ a agi fagi mbas mayra jivi ndaɗta hiniɗ ka a jona maŋ goryogi ŋgoorogi dagan a fafaɗta.

2 DLAŊ MULINARA 6:30

aŋ ay kolo huulona hu li ma aŋ kaki huna day ni, bulum cora kiyo, li sana ni ko poy mamba nam poyra na may, kay ana aŋ wam hurum kiyo. Aŋ dew ni sa ma wi huu suu warna kina.

SOOLLA 89:38

ko tilna ka tew tew coli eŋga na, ni va ma ka diki kay ɗegeera hu ɗugullana.»

VUN ŊGOLNA 3:6

Hu poy maŋga halaŋŋi humuŋ mba gaŋ kamu, nam hin takaŋ dlara aŋ laɗta halaŋ.

EZAYI 38:3

Nam di ana, «Ҥii, Yawe, humuŋ gaŋu kay an poy uŋŋi u ɗegeera u huu ma dewna an li ni dlara iriŋ jivira halaŋ.» Ezekiyas tii u simina.

GA 8ATAMBARA 10:12

Cemi ni agi suu Israelna va Yawe Loogina ka juɓum kogina ni mege? Va ma nam juɓumma ni ana agi li ndaa Yawe Loogina, tuɗugi hu voɗ mamba na ɗegee. Min a sun Yawe Loogina u hurugi halaŋ, u mbalatagi halaŋ lay.

1 SAMUEL 12:20

Samuel di suuna ana, «Lagi ndaaɗi. Agi ni suu li dla co ndaɗtana daŋ may. Na may ni ɦuɗugi tagi ki day eg Yaweɗi, may sunugi Yawe u hurugi halaŋ.

2 DLAŊ MULINARA 12:5

Sa ma jok vun Lona, Semaya, mbay eg Roboam u muli suu Yudana, hu li ma asi ka toki Yerusalem a ŋgaf Sisak a duunara dasi ana, «Gola, Yawe di ana, Agi hinin kiyo ni, an may ni hinigi ki hu duk ko Sisak may.»

SOOLLA 7:10

Doo dla cora suuna landa egenda kiyo. Col suu ɗegeena eŋe. Aŋ ma wi huu suuna kurufuna, Lo ma ɗegeena.

SOOLLA 17:3

Aŋ golon hurunu, njeŋge lay aŋ ka wanu, aŋ golon hurunu, fi co ka huɗi. Vunun ka di dlara coɗi lay.

VUN ŊGOLNA 4:4

Bun haɗan ay ni ko ndal wanda na, mal huruŋ ki a van boy manna. Hum u gaɗ manda aŋ hin kak iiriya.

JEREMI 29:14

Agi hin fan may. Di na ni Yawe. An hin hoŋogi balamagiya, an hin tokogi eg tagi u njafagi bel, ay hu li ma an njayagi ay ki huna bel may. Di na ni Yawe. An hin hoŋogi hu li ma an yowogi ay huna may.

EZEKIYEL 11:5

Musukka vi Yawe mbay kanu, dan ana an tuɗ dasi boyna ana, «Yawe di ana, agi suu Israelna ɓak dlara na ni an huma, an wagi saa magira ki jiviya.