1 DLAŊ MULINARA 28:5 - Boy Lonana

⁵ Duk goryon halaŋ kay ana Yawe ɦan gorra bolow cocoo. Nam man goronna, Salomon, a nam kak kay dlamba mulla vi Yawera kay suu Israelna.

1 DLAŊ MULINARA 28:5 ပူးပေါင်းရင်းမြစ်များ

1 MULINA 1:13

Ndak tuɗ kal u mulna David dam ana, Aŋ sa ŋgol manna, mulna vi vunuŋ u caaŋga sunda ana gorokŋa Salomon hin kak a mulna balamanni namu ni ka aŋgi su? Nam hin kak ka kay dlamba mulla ni namu naɗi su? Cemi ni Adoniya hin mbuɗ ki a mulna ni kay mege?

1 MULINA 1:20

Aŋ may ni sa ŋgol manna, suu Israelna halaŋ irisi ka cuki ni kaŋu, a aŋ takasi sa ma hin kak ka hu dlamba mulla vi sa ŋgol manna ŋgorom daganna.

1 MULINA 1:30

ko ndal an suruk u Yawe Lona vi suu Israelna, gorokŋa Salomon hin ti mulla ka balamanni namu. Nam hin kak ka kay dlam manda mulla balammi namu. Cemi ni gaw ni an hin li dla ndaɗta kiyo.»

1 MULINA 1:35

Agi hin hoŋ ay u nam kolo kay ceeremu. Nam mba kak hu dlam manda mulla. Nammi sa ma hin ti mulla ka balamanna. Nammi sa ma an kakam a mulna kay suu Israelna u suu Yudana halaŋŋa.»

1 MULINA 2:15

Ndak wi lay ana mulla ginni manda, suu Israelna halaŋ ay ki toki ni unu ana anni mulna, mulla hin suɗ ki konu, tuɗ ki ni vi wayanna nam faɗ na ni u minda vi Yawera daŋ may.

1 MULINA 8:20

Yawe li dlara nam daɗta kiwa. Anni sa ma varak ka kay balam bun Davidna. An kak kay dlamba mulla vi suu Israelna ko ndal Yawe dira na. Cemi an min zira a yi sem Yawe Lona vi suu Israelna huwa.

1 DLAŊ MULINARA 17:14

An hin kakam iiri a fafaɗta hu ziinda, hu mul manda, mul mamba hin li saɓakŋa ni a fafaɗta.»

1 DLAŊ MULINARA 23:1

David mbuɗ ki maara, buuna ndakam wa hu li ma nam tin goromma, Salomon, mulna kay suu Israelnana.

1 DLAŊ MULINARA 29:1

Mulna David di suu tokina halaŋ ana, «Goronna Salomon ma Lona manam ki dewna ni gogoona, maŋi lay, sunda ŋgol cocoo kay zi ma namma ka ni maŋ saɗi ni vi Yawe Lona.

1 DLAŊ MULINARA 29:23

Salomon kak kay dlamba mulla vi Yawera a mulna balam bum David. Nam li dlara yalna cocoo. Suu Israelna halaŋ humum coco may.

1 DLAŊ MULINARA 29:28

Nam miɗ ni mbuɗ maara u jivira daɓ buu mamma kiyo, fi bege mamba u bibiŋilla kiyo. Goromma Salomon ti mulla balamamu.

2 DLAŊ MULINARA 9:8

Gi deɓ Yawe, Looŋŋa, ma min a kakaŋ kay dlam mamba mulla ko mulna na a sun Yawe Looŋŋara. Ni kay ana Looŋŋa min suu Israelna cocoo. Kay a njafasi li ha fok gak gakka nam tiniŋ fokosi a mulna, kay a aŋ li ni dlara gasira u ɗegeera.»

GA 8ATAMBARA 17:15

Sa ma agi hin kakam kagi a mulna namma li ni nanagelay manammi Yawe Loogina. Agi hin kak sa ma mulna ni duk gorsegina tok, agi ka ndak a tli sa ma koyna kakam kagi a mulnaɗi.