11 David ŋga fiyek li ma fun zirana maŋ goromma Salomon. Li ma vi zigininana ma vi zigini suu mol tlena huna u zigini suu kolo fiyekina, hurusi ma kurufuna ma vi zira bulum cora ki huruɗta.
Yal dlara nam tini hurum gin a laɗ kay li ma fun Ziŋ Yawerana lay ma kay zigini suu ŋguy kaɗna halaŋ lay, ma kay li ma begera vi Lonara huna u ma kay tlesuu teteɗ suu li ɓivunnana lay.
Muli suu li ɓivunna tuɗ Zandukka Galamba vi Yawera kalafi hu liiɗu. Hu zi mayra teteɗta kalafi hu Ziŋ Lonara, hu Li ma ki Saɓaki Teteɗna. Tiniɗ kaŋga u garaŋ Serubimma.
Nam min zira ŋgolla. Asi ay jew cuk tlesuu ɦasi ki ɦalla ɦawarana huwa, mbitla, tlesuu sunda, nus fuɗ wa ble ma doogona, sum veŋ ma wilina u mbulna suu ɦal voɗta ki kasi maŋ muli suu li ɓivunna, suu gi soolla u suu kak fun zira u tlesuu yowosi ay maŋ muli suu li ɓivunnana lay.
Muli suu li ɓivunna jok ay ni va ma ay ɓiiri jewna, ni ŋgus tlesuu ka kolo huulonna. Dla ndaɗta tli taɗ ni u mayra li ay u Moizza. Hu li ma nam a tuɗ min mbutluɓma wanni Lona dam anaba, «Aŋ tuɗ minim ko ma an takaŋŋa ay kolo kay yam ɦinirana na.»