1 DLAŊ MULINARA 25:6 - Boy Lonana

⁶ Asi halaŋŋi tuɗ u vun busi a gi soolla hu Ziŋ Yawera, bu diŋŋa may, bu tlesuu daŋŋa a li sunda hu Ziŋ Lonara u vun mulna, u vun Azaf, Yedutun u Heman may.

1 DLAŊ MULINARA 25:6 ပူးပေါင်းရင်းမြစ်များ

KOLOSNA 3:16

Ko boyna vi Kristu u ɦiz mamba halaŋ kak hurugiya haɗagi tagiya gaɗagi tagi duk tagiya tagiya u ne mayra jivira. Gagi soolla gi deɓpa maŋ Lona u hurugi halaŋ, gagi soolla gi deɓpa ɗegeera, u soolla furira ta Musukka haɗagirara.

EFESNA 5:19

Njunugi tagiya tagiya, u soolla, gi soolla geleɗta u soolla Musukka, gi soolla geleɗ Bu Suuna, geleɗem u hurugi halaŋ.

SOOLLA 68:25

Haa, Lona suuna halaŋ wi saɓak ma aŋ su kay suunana wa, asi wi ki ana aŋ kal hu Ziiŋŋa wa, mul manna.

1 DLAŊ MULINARA 23:5

Suu juɓ u vun zira 4,000 may. Suu geleɗ Yawe u tlesuu bura suu David di kasi ana, nam minisi a geleɗem u wanna.

1 DLAŊ MULINARA 15:22

Kenaniya sa ŋgolma fok suu Levina ma yow tlena, gi ii tlesuu yowosina, kay ana nam ndaki kay dla ndaɗta.

1 DLAŊ MULINARA 15:19

Duk suu gi soolla ni, Heman, Azaf u Etan dif mayra yi Kolo u ndaɗta kosiya.

1 DLAŊ MULINARA 15:16

David di suu ŋgolo suu fok suu njun suu li ɓivunnana ana asi tin gorsesina hu sunusi a gi soolla u tlesuu bu suu gi soolla, a buusi ki kolo eŋga a li furira.

2 SAMUEL 6:5

David u suu Israelna halaŋ li furi masira fok Yawe u soolla u del tlesuu bura halaŋ halaŋ, diŋŋa, diŋ ma zewem bolowna u dadarira u cakayawra lay.

2 DLAŊ MULINARA 29:25

Nam cuk njaf suu vi Levina kalafi hu Ziŋ Yawera ni u tlesuu bura zeɗ zeɗ diŋŋa u gi dadarina ko ndal David dira na, u dira vi sa ma jok vun Lona, Natan u Gad, sa vi mulna ma wi dlara li ha fokkana. Kay gaɗ ndaɗta col ay ni ko Yawe fun suu mam suu jokom vunumma.

1 MULINA 10:12

U gu ma yam ana santal namma, mulna li gu mbal ma vi Ziŋ Yawera kolo eŋga ni u namu. Li mbalna hu ziŋ mulnara lay. Nam ceɗ gi diŋŋa u dadarina maŋ suu gi soolla may. Hin ŋgoo dagan gu ma yam santal namma ka mba oloɗi, sa ka wam oloɗi lay ta ta cemi.

2 DLAŊ MULINARA 20:28

Asi cuk vo Yerusalemmi u bura bu diŋŋa, bu tokolomma gak gak tuɗ tew ki fun Ziŋ Lonara.

2 DLAŊ MULINARA 23:13

Ndaɗ gol iriɗ ha na ni wi mulna ka ki coli kolo kay vun zira. Mulina u suu bu tokolomma ka njaari egem na tok. Suuna halaŋ ka furiya. Asi bu tokolomma may. Suu bu tlena bu gi dadari masisina may, ka tuɗ fok suu geleɗ mulnana. Ataliya haa barawi maɗsina ki, oo uɗ kolo di ana, «Duuna. Duuna.»

2 DLAŊ MULINARA 29:13

Duk suu vi Elisafanna ni Simri u Yeyel. Duk suu vi Azafna ni Zekari u Mattaniya.

NEHEMI 11:17

Mataniya ma goŋ Mikana, goŋ Zabdina, goŋ Azaf ma gijaŋ cenda jew giŋgiŋga. Bakbukiya ma kay cee gorsemma a mbarana, Abda ma goŋ Sammuana, goŋ Galalna, goŋ Yedutunna,

NEHEMI 12:24

Suu ŋgolo suu fok suu Levi na ni Hasabiya, Serebiya u Yesua ma goŋ Kadmiyelna, vogosi ŋgurufi u gorsesina a gi soolla ko gaɗta David sana vi Lona ɦaɗta na, gegelay ni u ŋguyra sunda, gi solla geleɗta u gi deɓpa.

NEHEMI 12:46

Kay ana ay fok jew hu cokira vi David u Azaffa suu ŋgolo suu fok suu gi soolla kaa, suu gi soolla gi deɓpa u geleɗta maŋ Lonara.