1 DLAŊ MULINARA 25:1 - Boy Lonana

¹ David u suu ŋgolo asgaa suu goryoŋ Azafna, goryoŋ Heman u Yedutun suu cukusi ki keŋ kay sunda ɓak boyna jokom ki u diŋŋa lay u tlesuu bu suu daŋŋa lay. Gola ni ndum suu hinisi ki kay sun ndaɗtana,

1 DLAŊ MULINARA 25:1 ပူးပေါင်းရင်းမြစ်များ

1 MULINA 10:12

U gu ma yam ana santal namma, mulna li gu mbal ma vi Ziŋ Yawera kolo eŋga ni u namu. Li mbalna hu ziŋ mulnara lay. Nam ceɗ gi diŋŋa u dadarina maŋ suu gi soolla may. Hin ŋgoo dagan gu ma yam santal namma ka mba oloɗi, sa ka wam oloɗi lay ta ta cemi.

2 MULINA 3:15

May cemi wanda ni yangi sa ma bu diŋ maa ay dew.» Hu li ma sana ka bu tlena na ni, ko Yawe mbay kay Elize ni na gaw.

1 DLAŊ MULINARA 12:28

Olo, Yoyada, Komanda ma vi suu vi Aaronna, suuna ummi 3,700.

1 DLAŊ MULINARA 13:8

David u suu Israelna halaŋ luu njoŋŋa fok Lona, gi soolla may, bu diŋŋa u diŋ ma zewem bolowna may, dadarina may, tlesuu bu suu daŋŋa u tokolomma may.

1 DLAŊ MULINARA 15:28

Suu Israelna halaŋ tli Zandukka Galamba vi Yawera, tum soora uɗ may, bu tokolomma may, bu diffa may, bu diŋ ma zewem kalavandina may.

1 DLAŊ MULINARA 23:2

Olo nam tok suu ŋgolo suu muli suu Israelna kaŋga halaŋ halaŋ, suu li ɓivunna u suu njun Levina.

1 DLAŊ MULINARA 25:2

Goryoŋ Azafna ni Zakur, Yosef, Netaniya u Asrela. Goryoŋ Azafna tuɗ ni fun Azaf kay nam jok ki ni boy ma ay fun mulnana.

1 DLAŊ MULINARA 25:3

Yedutun goryommi Gedaliya, Seri, Yesaya, Hasabiya, Matitiya u Simey. Asi karkiya halaŋ tuɗ ni u vun busi Yedutun kay nam jok boyna ki ni u diŋŋa a gi soolla geleɗ Yawera.

1 DLAŊ MULINARA 25:9

Ŋgaɓpa jewra ni kay Azaf, kay Yosef. Ta mbara ni kay Gedaliya, Nam u gorsemma halaŋŋi doogo yam mba'.

1 DLAŊ MULINARA 6:16

Gola ni suu David ɦasi voɗta a gi soolla hu Ziŋ Yawera hu li ma Zandukka Galamba fi li ma koɗ tarana.

1 DLAŊ MULINARA 6:33

Gorsesi suu Levina mbaasi ay ki hu sunda hu Ziŋ Lonara.

1 DLAŊ MULINARA 6:39

Gola ni li ma asi kak huna, ko asi ka irisi hu kaŋ masina hu ndaŋga masirara na, goryoŋ Aaronna ni hu deera vi Kehatta na, kay ana asi ni suu ŋgaɓpa mba kasi jewna.

1 DLAŊ MULINARA 6:44

Azan u zi ma ŋguy kaɗna, Bet-Semek u zi ma ŋguy kaɗna.

1 DLAŊ MULINARA 9:33

Suu gi soolla, suu fok suu vi Levina buu ni hu zira kurufu, sunda daŋ ka kosiɗi kay ana asi li sun masira ni faali may, njeŋge lay.

2 DLAŊ MULINARA 23:1

Hu basara kiɗisiyara ni mul ma li ɓivunna Yoyada so um ki taɓ ko tam u suu ŋgolo suu asgaana usi kis kisna, Azariya ma goŋ Yeroam, Ismael ma goŋ Yohananna, Azariya ma goŋ Obedna, Maaseya ma goŋ Adayana u Elisafat ma goŋ Zikrina.

2 DLAŊ MULINARA 23:13

Ndaɗ gol iriɗ ha na ni wi mulna ka ki coli kolo kay vun zira. Mulina u suu bu tokolomma ka njaari egem na tok. Suuna halaŋ ka furiya. Asi bu tokolomma may. Suu bu tlena bu gi dadari masisina may, ka tuɗ fok suu geleɗ mulnana. Ataliya haa barawi maɗsina ki, oo uɗ kolo di ana, «Duuna. Duuna.»

2 DLAŊ MULINARA 23:18

Ŋgoo dagan Yoyoda hin sunda juɓ u Ziŋ Lonara ni ko njaf suu vi Levina suu li ɓivunna. David ɓorowosi irisi ka ki cuɓ cuɓmi namu kay a li ɓivunna hu Ziŋ Lonara ko gaɗta vi Moiz dira na. Nam ɓiirisi ka ki ana asi daɓ sun ndaɗta ni u soolla furira.

2 DLAŊ MULINARA 23:9

Suu ŋgolo suu suuna usi kis kisna nam ɦasi saɓagina u mbarina zeɗ zeɗ kosiya, mbari ma vi mulna David ma ay cuki kalafi hu Ziŋ Lonarana.

2 DLAŊ MULINARA 29:13

Duk suu vi Elisafanna ni Simri u Yeyel. Duk suu vi Azafna ni Zekari u Mattaniya.

2 DLAŊ MULINARA 29:14

Duk suu vi Hemanna ni Yehiyel u Simey. Duk suu vi Yedutumma ni Semaya u Uziyel.

2 DLAŊ MULINARA 31:2

Ezekiyas ka ii muli suu li ɓivunna ki hu liisi na cuɓ cuɓ u dee suu vi Levina lay, gegelay ni u sun mamba kom hu ii liimma liimma, kurufu hu Ziŋ Lonara, muli suu li ɓivunna u dee suu vi Levina, sun masira ni kay a li ɓivunna bel, ɗowba a li ɓivun ma taɓ duk ɦoŋga, ɗowba li sun mayra gol tokka ni kay a geleɗ Yawe, ŋgaamu, ɦam ŋgolla may.

2 DLAŊ MULINARA 34:12

Suu sunda li sun masira ki jivi u voɗoɗ ɗegee u suu ŋgolo suu hu njaf ma vi Levi suu ka fokosina, ni gi Yahat u Obadiya. Asi ni hu deera vi Mararira, Zakari u Mesulammi hu deera vi Kehatta may u njaf suu vi Levi suu daŋ suu wi yal bu tlesuu gi soolla.

2 DLAŊ MULINARA 35:15

Dee suu vi Azaf suu gi soolla lak ni hu liisi ma asi lak huna may. U tlege suu bura suu vi David u Azafna, Heman u Yedutum suu ŋgolo suu ɗegee mulnana, suu juɓ vun grekŋa laki hu liisi may. Dukusi ni sa ma jok um ki hin sun mamba kaŋga kaɗi, kay ana dee suu vi levi suu daŋŋa ka yasi funa ay may.

2 DLAŊ MULINARA 5:12

Suu deera vi Levi suu gi soolla ni Azaf, Heman, Yudutum u goryosi lay u suu daŋ suu hu dee masirana lay, cuk tasi ni baraw dlemba dereŋga. Asi ka njaari u diŋŋa, diffa u diŋ ma zewem bolowna, njaari ii u maɗiina keŋ givin ma togolla na. Muli suu li ɓivunna ka njaari egesi hu na tok. Asi ni kis duk dok-mba'. Asi ni suu wi yal bu tokolomma may.

2 DLAŊ MULINARA 8:14

Salomon li ni ko dlara bum David laɗ kara na may, nam tin muli suu li ɓivunna ki hu liisina zeɗ zeɗ halaŋ. Suu vi Levi suu ka ŋga Yawe hu buuna tew tewna u suu ka njun muli suu li ɓivunna hu sundana, suu zii nekka lay, ni ko ndal sunda vi dee taaragelay ta ɦasira ka kosi a asi laɗta na may. Dla ndaɗta David sa ma vi Lonna daɗ ka na ni namu.

EZDRAS 2:41

Suu gi soolla, goryoŋ Azafna 128.

EZDRAS 6:18

Asi tin suu li ɓivunna ni u basaɗasiya, suu Levina u deeresiya a li sunda maŋ Lona hu Yerusalem u gaɗta hu magaara vi Moizza.

NEHEMI 11:17

Mataniya ma goŋ Mikana, goŋ Zabdina, goŋ Azaf ma gijaŋ cenda jew giŋgiŋga. Bakbukiya ma kay cee gorsemma a mbarana, Abda ma goŋ Sammuana, goŋ Galalna, goŋ Yedutunna,

NEHEMI 12:24

Suu ŋgolo suu fok suu Levi na ni Hasabiya, Serebiya u Yesua ma goŋ Kadmiyelna, vogosi ŋgurufi u gorsesina a gi soolla ko gaɗta David sana vi Lona ɦaɗta na, gegelay ni u ŋguyra sunda, gi solla geleɗta u gi deɓpa.

NEHEMI 12:27

Kay luu ma lam kay gulumun ma Yerusalemma, asi tuɗ hal suu Levina ay ki hu lina halaŋ halaŋ a mbaasi ay ki Yerusalem a li luuna u furira, gi soolla geleɗta, bu tlesuu luuna uɗ may.

SOOLLA 81:2

Gi soolla geleɗ Lona u furira, nammi saɓakaya, ŋgaagi Lo ma vi Yakobma.

SOOLLA 81:3

Gagi soolla luuna, buugi dadarina u diŋŋa u tlesuu luuna zeɗ zeɗ.

EZEKIYEL 40:44

Hu vun ma mbayaw nana ni zira ka mini keŋ kurufu huwa ii ma dalina na, ta hiŋga ay mini ii ma dalina na vunuɗ ay ii mbayaw na may.

1 SAMUEL 10:5

Aŋ hin mba hu Gibea ta vi Lonara, olo hu li ma suu ŋgolo suu Filistinna ka huna. Hu li namma lini aŋ kal ki hu hoŋzina wa ni aŋ hin ndi kay suu jok vun Lona bolow cocoo. Suu col ay kolo kay li ma mbuyna, suu bu diŋŋa u suu bu darina u suu bu tokolomma may tuɗ fokosiya. Asi tasira hin mbuɗ ki a va komba vi suu jok vun Lonana.