1 DLAŊ MULINARA 23:28 - Boy Lonana

²⁸ Asi col ni u gaɗta vi goryoŋ Aaronda a li sunda hu Ziŋ Yawera, hu taraŋga, hu ziginina, mbuɗ tlesuu hinisi ki a sundana ki teteɗ u sunda laɗ hu Ziŋ Lonara.

1 DLAŊ MULINARA 23:28 ပူးပေါင်းရင်းမြစ်များ

NEHEMI 13:9

An hin di olo ana mbuɗ ziginina ki teteɗ. An hin yow tlesuu sun suu hu zira vi Lonara aya, tlesuu ɦasi ɦawana u mbitla.

2 DLAŊ MULINARA 31:11

Mulna Ezekiyas ɦal voɗta ana cuk u tlesuu hinna kalafi hu Ziŋ Lonara hu li ma agi fasina gaw gaw.

EZEKIYEL 42:13

Sana hin dan ana, «Zigini suu ii mbayawna u suu ii dalina asina ni zigini suu teteɗna. Muli suu li ɓivunna suu li sunda hu Ziŋ Lonara hin ti tlesuu teteɗna ni hu zigini asina. Asi ni zigini suu ki teteɗna, cuk tlesuu teteɗ suu li ɓivunna ni hurusiya. Ni tlesuu ɦasi ayna u tlesuu ŋgaɗasi a li ɓivun ma bulum cora kina halaŋ cukusi ni huwa.

EZEKIYEL 42:3

Keŋ maa dew ni fiyekem ŋga meter doogo ni keŋeɗ ma ii Ziŋ Lonara nana. Keŋ ma hiŋŋa ni ii huu taraŋga ki mbuyra may. Taɓi ko tasi ni u voɗ mayra ɗiŋ kolo hu zira jakki kolo kay taɗ hindira.

EZEKIYEL 41:26

Kolo kay vun zira ni ii zira kaa, mini u foto manawna huwa eg goŋga lay ni foto namma ka huwa.

JEREMI 35:4

An mbaasi ay hu ziŋ Lonara, hu huruɗ maa dew ma vi goryoŋ Hananna, goryoŋ Igdaliya huna sa vi Lonana. Huruɗ mayra eg taɗ ura vi suu ŋgolo suu sundara, kolo kay ta vi Maaseya ma goŋ Salum ma gol u vun goŋga.

NEHEMI 11:24

Petahiya ma goŋ Mesezabelna, duk goryoŋ Zera ma goŋ Yudana ay kaki eg mul ma Persna kay dlara li eg suu Israelnara.

EZDRAS 8:29

Gologisina jiviya ta ta agi hin ŋgaagisina ki fok muli suu vi suu li ɓivunnana, suu wi dlara, malayaŋ zi suu Israel suu hu Yerusalem hu Ziŋ Yawera.»

2 DLAŊ MULINARA 29:5

Ni kay a dasi ana, «Humungi vunun haa, agi njaf suu vi Levina, cemi wanda ni danagi tagi ki na teteɗ. Lagi Ziŋ Yawera ki na teteɗ may. Nammi Lo ma vi somoyogina. Tlesuu njenje suu hu Ziŋ Lonarana yowogisina ki bel bel.

1 DLAŊ MULINARA 28:13

Kay dee suu li ɓivunna, kay suu Levina, kay joɓ mayra kay sunda laɗ hu Ziŋ Yawera, kay tlesuu sun suu li Ziŋ Yawerana.

1 DLAŊ MULINARA 23:4

Dukusi ni suuna 24,000 a li sun Ziŋ Yawera. Suu ɓii magaara u suu kaɓakŋa ni 6,000 may.

1 DLAŊ MULINARA 18:17

Benaya goŋ Yoyadana ti mulla kay suu Keretena u suu Peletena, suu gol yam mulna, goryoŋ Davidna ni suu jew eg mulnana.

1 MULINA 6:5

Asi min zira daŋga ha pay Ziŋ Yawera, ŋgufuɗ ki kay Ziŋ Lonara na cutl. Ni a goo zira goora taɓ ha egeɗ hura.

1 DLAŊ MULINARA 23:27

Na may u boy ma David dam daganna, goryoŋ Levina ndumusi ki ni ko wanda na col ha kay suu basaɗasi su dok-mbana.

1 DLAŊ MULINARA 23:29

Asi tasi ki ni kay mappa ma li ɓivunna, fuɗta li ɓivunna, komnjoɗi ma bay kuffa, komnjoɗi ma cufina, komnjoɗi ma tlumi u tlenana u tlesuu ŋga tlena u suu saɓakŋa.

2 DLAŊ MULINARA 23:6

Ka sa kal hu Ziŋ Lonaraɗi. Suu cuk huna ni muli suu li ɓivunna u dee suu vi Levina doy hol a li sun masira, kay asi ki ŋgaɓi ni kay sun ndaɗta. Suu ɦawana mba hum u gaɗta Yawe daɗ doo ki ana sa kalɗira may.

2 DLAŊ MULINARA 29:15

Asi tok gorsesina suu li sunda hu Ziŋ Lonara, mbay u gaɗta mulna daɗta ko boy ma vi Yawena dira na may, mba mbuɗ huu Zira vi Yawera ki teteɗ.

2 DLAŊ MULINARA 31:2

Ezekiyas ka ii muli suu li ɓivunna ki hu liisi na cuɓ cuɓ u dee suu vi Levina lay, gegelay ni u sun mamba kom hu ii liimma liimma, kurufu hu Ziŋ Lonara, muli suu li ɓivunna u dee suu vi Levina, sun masira ni kay a li ɓivunna bel, ɗowba a li ɓivun ma taɓ duk ɦoŋga, ɗowba li sun mayra gol tokka ni kay a geleɗ Yawe, ŋgaamu, ɦam ŋgolla may.

EZEKIYEL 40:17

Sa namma tuɗun ay ki huu taraŋga hu Ziŋ Lonara, huu taraŋga ki mbuya, goŋŋina ki ŋguyra kaɗ na dok-hindi.

EZEKIYEL 44:14

An hin ɦasi kosi ni sunda huu Ziŋ Lonara ɦawaa.

2 DLAŊ MULINARA 23:4

Gola agi tuɗ lagi ko ndal wanda na, hu li ma muli suu li ɓivunna u njaf suu vi Levina cuk a li sunda wa hu buu ma vi Lonana ni suu ka irisi jewna lak a juɓ vun Ziŋ Lonara.