1 DLAŊ MULINARA 22:14 - Boy Lonana

¹⁴ «Gola an haw lay ni, an min tlena ka kaŋga kay zira vi Yawera lorra kelew 3,000,000, doonora kelew 30,000,000. Walakka u kawina ni sa ka ndak a tlasi nekesiɗi. Asi ŋgol cocoo. An min guna lay, gogoyra lay, aŋ hin hal ka fun tuwa.

1 DLAŊ MULINARA 22:14 ပူးပေါင်းရင်းမြစ်များ

1 DLAŊ MULINARA 22:3

David min kawina ŋgol cocoo, pondina kaay vun goŋga. Kay tlesuu gaɓ kolona, nam yoo walakŋa ŋgol coco lay. Sa ndak ka tlam nekembi.

2 MULINA 25:16

Kay mbal ma duk mbana u tassa ŋgol ma dew ma go yo ma mbus zozoɗta u semma suu Salomon minisi ka hu Ziŋ Yawera u kawi ma tlawna sa ndak ka a ŋgaasi nekesiɗi.

1 MULINA 10:14

Hu basara dewra mulna Salomon fi lorra ni kelewna na buɓ buɓ dok-mba' vo hu Yerusalem.

2 KORINTNA 8:2

Suu vina wihawra fasi ŋgol lay ni furi masira ay ŋgol suwa, asi haw ŋgol lay ni ɦizza, minda hurusira kaa.

JEREMI 52:20

Mbal walakŋa ma fiyekina mba', ŋgal walak hin kaŋga ni dew daŋ, mbutli walak suu doogo yam mba' suu ziriɗ uɗ mayra pereɗta mulna Salomon laɗ hu zira vi Lonara, sa ka ndak ŋga nek walak nammaɗi, ma li tlesuu sunda namma.

1 MULINA 7:47

Salomon tin tle asina ki hu liisi dew dew bel. Sa ndak ka a ŋgaasi nekesiɗi kay asi bolow cocoo.

1 DLAŊ MULINARA 22:15

Suu li sunda ka ŋgol cocoo. Suu li sun guna u suu ceɗ gogoyra ka bolow coco lay. Njaf suu wi yal sunda lira halaŋ kaa.

NDUMBA 7:85

Tassa doonora dew ni nekem ii sikle 130, ŋgal doorona dew ni nekem ii sikle 70. Tle asina nekesi taɓ halaŋŋi ii sikle 2,400 ni u sikle hu Mbutluɓ ma Teteɗna.

1 DLAŊ MULINARA 29:2

An min tlena ka kay Ziŋ Loonnara u saɓakan halaŋ, lorra kay tlesuu hin lasi u lorrana, doonora kay tlesuu hin lasi u doonora, walakka kay tlesuu hin lasi u walakkana, kawina kay tlesuu hin lasi u kawinana, guna kay tlesuu hin lasi u gunana, ɦinira keleɗta, ɦinira ceɗira, ɦinira warra taɗ ndalira, ɦinira jivira iriɗ zeɗ zeɗ bel coco may.