1 DLAŊ MULINARA 22:13 - Boy Lonana

¹³ Na ɗaŋŋi sun maŋga hin tuɗ foko lini aŋ gol u gaɗ ndaɗta a takaɗ ki kiɗiki, gaɗta u vun ma Yawe ɦam ka maŋ Moiz kay suu Israelnana. Li saɓaki, ɦiŋŋi, li ndaaɗi.

1 DLAŊ MULINARA 22:13 ပူးပေါင်းရင်းမြစ်များ

1 MULINA 2:2

«An tuɗ ni hu voɗta suuna halaŋ tuɗ huruɗta. Aŋ li ka saɓaki, kak eŋ a sa njufna.

1 MULINA 2:3

Gol gaɗta vi Yawe, Looŋŋara jiviya, tuɗ ni hu voɗ mamba, li u gaɗ mamba u neemba, dlara nam miniɗta u gaɗta nam coli kaɗta ko ndal ɓiiri hu magaara gaɗta vi Moizza na. Aŋ liwa na ni hin fi hu dlaaŋga aŋ a laɗta halaŋ,

1 DLAŊ MULINARA 28:10

Aŋ gol cemmi wanda, Yawe manaŋ ki a minim zira li ma li ɓivunna, kak ɗegee li sunda.»

1 DLAŊ MULINARA 28:20

Na ɗaŋŋi David di goromma Salomon ana, «Li sunda u huruŋ dew, so taŋ funu. Li ndaaɗi, dlakgi lay kay ana Yawe Lona, Loonna ka u aŋu. Nam hin ka hiniŋ kiɗi, ka noyoŋ kiɗi lay ta ta sun Ziŋ Yawera hin daɓ kiyo.

1 DLAŊ MULINARA 28:7

An tinim mul mamba ni a fafaɗta lini ko ndal karam na nam kak ɗegee, takan gaɗ manda ki may li u vunun ma an vamma may.

2 DLAŊ MULINARA 14:6

Nam di suu Yudana ana, «Miniygi ɦoŋzina, gaygi gulumunna ki kamu. Miniygi zira fiyekka vun grekŋa duk vun grekŋa ki u cokorom kawina. Mbassa cemi ka koɗ taɗu kay aygi hal Yawe Looygina. Aygi halamu, nam ɦaygi koɗ tara hu lina wa halaŋ.» Asi min zina ki halaŋ ko asi minda na may.

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

2 DLAŊ MULINARA 26:5

Hu li ma Zakari ka iiri tuna ni nam hal Lona cocoo. Nam ka haɗam kay ɗegeera laɗ u Lonara. Hu li ma nam ka kaki ɗegee u Lonana ni Yawe ɦam tlena cocoo.

2 DLAŊ MULINARA 32:7

«Lagi ndaaɗi. Lakagi saɓaki, lagi ndaa vaɗi, lagi ndaa mul ma Asirina u suu mam suu um bolow canaɗi. Suu saɓak cocona ka uygi ni su mamsina.

SOOLLA 1:3

Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

SOOLLA 119:6

Lini an li u gaɗ maŋga wa halaŋŋi an ka ndak a puk ga oloɗi.

SOOLLA 72:1

Soolla vi Salomon. Lona, haɗ yal kaɓak ma jivina maŋ mulna, tak ɗegeera maŋ goryoŋ mulnana may.

Magaara Vi Sa Jok Vun Lona AGE 2:4

Cecem wanda Yawe di ana Zorobabel so uŋ kiyo, so uŋ kiyo Josuwe, goŋ Yossadakŋa, mul ŋgol ma li ɓivunna, soogi ugi kiyo agi suu hu mbassa hiŋga halaŋ. Yawe di ana lagi sunda, kay an ka u agiya. Yawe, ma saɓakŋa kom belna, di na.

ZAKARI 8:9

Yawe, ma Saɓakŋa Kom Belna, ɓak ana, Soogi ugiya, agi suu hum boy ma suu jok vun Lona damma. Hu buu ma hin gi u zira vi Yawe kaŋga a hoŋoɗ mindana.

MATIYE 3:15

Yesu hoŋom dira ana, «Hin na ta! Mbusun ɗow. Ay li wa na ni, dlara Lona miniɗta.» Jaŋ hurum viya, mbusum batemma gaw.

SUNDA 13:22

Ŋgoo dagan asi hin Sol ki tani, Lona hin ɦasi David a mulna. Lona hin di kam ana an fi David goŋ Jese ni sa ma irin jivina, nam hin li dlara an dam ana nam laɗura halaŋ.

1 KORINTNA 16:13

Lakagi neeya, kak eŋ hu vira, lagi ɦiŋi, lakagi saɓaki.

GALATENA 6:2

Njun u tagi a zii nekka vi tagira, agi li wa na ni hummi u gaɗta vi Kristura.

EFESNA 6:10

Kay ndaɗta soogi tagi hu taɓ magira u Bu Suuna hu saɓak mamma ŋgolna.

2 TIMOTE 2:1

Aŋ, goronu, so taŋ u boyna vi oora ta aygi faɗ hu taɓpa u Kristu Yesu dewra.

Magaara JAK Ɓiiriɗta 2:8

Lini agi lagi u va ma gaɗta dam kay mulla huulonara u voɗom ko ɓiira dira na ni jiviya, «Min ndaraŋŋa ko taŋga na.»

JOSUWE 1:18

Sa may ma ka min a hum u boy ma aŋ dammaɗi, ka min humuŋ gaɗ maŋga aŋ damiraɗina hin cam ki ni ciya. Na daŋ may col eŋŋe, so uŋ kiyo.»