1 DLAŊ MULINARA 21:17 - Boy Lonana

¹⁷ David di Lona ana, «An di ana ndum suuna aya ni ka anɗi su? Anni sa li sulukŋana, ni sa li dla corana. Na may ni timigii asina li ni me may ɗaŋge? Yawe Loonna ko koŋ li kan u suu mansina may ko kay suu maŋsina dla ndaɗta li kasi a dla coɗi.»

1 DLAŊ MULINARA 21:17 ပူးပေါင်းရင်းမြစ်များ

URA TIN AYRA 44:33

Van vunun kay hinin an kak ka kay sem goona a mbaɓu maŋŋa, hin gogoona hoŋ vo u gorsemma.

2 SAMUEL 12:10

Na ɗaŋŋi ŋgewna hin ka ɦuɗ tam ki hu ziiŋgi kay ana aŋ hinin kiyo, aŋ tli caŋ Uri ma Hetnara, mbuɗuɗ ki a caaŋga.

2 SAMUEL 24:1

Yara vi Yawera mbuɗ ŋgolla eg suu Israelna olo, nam so u David a lasi dla cora egesi di ana, «Tuɗ ndum suu Israelna u suu vi Yudana.»

2 SAMUEL 24:17

David ɓak Yawe hu li ma nam wi sa sunda huulona ci suunana. Nam di ana, «Anni sa li sulukŋana. Anni sa li dla corana. Na ɗaŋŋi timigii suu wanna li ni me mayge? Ko koŋ li ni kan an u suu varanna.»

2 SAMUEL 7:8

Cecem wanda ɗaŋŋi, aŋ hin ɓak saan ma sunda David ana, Yawe ma Saɓakŋa Kom Belna ɓak ana, Anni sa ma tlaŋ ay hu li ma taarana, ay ŋgoo yoorina a aŋ mbuɗ ki mul ma Israelna kay suu mansina.

1 MULINA 22:17

Mise hoŋom dira ana, «An wi suu Israelna njay ki kolo kay ɦinira ko ndal timigii suu sa taarasi ka usiɗira na. Yawe di ana, suu asina sa ma fokosi kaɗi. Ko gegelay ni hoŋ vo hu ziim u heɓpa.»

1 DLAŊ MULINARA 21:8

Na ɗaŋŋi David di Lona ana, «An li ni suluk ma ŋgolna. Cecem wanda ɗaŋŋi heɓ huruŋ ki kay suluk ma vi saaŋ ma sundana kay ana gasi daŋ may ni an li dla ndaɗta ni ko sa puluɗina na.»

SOOLLA 44:11

Aŋ mbuɗumi yow liŋŋa fok suu babali mamsina, suu gonok mamsina ɦurumumi tlegeyemi ki wa.

SOOLLA 51:14

Ҥan furira a kal hu suɗ maŋga, hin a ŋgussa jivira takan voɗta.

SOOLLA 51:4

Mbusun ki ko coonda na mbus ge, ɦokon ki ko suluk manna.

SOOLLA 74:1

Soolla haɗta vi Azaf. Lona, aŋ zuɗumi ha ki na gak gakŋi kay mege? Huruŋ ɓeŋi eg yoori suu ka hu katlaŋ maŋga na gakŋi amege?

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

EZEKIYEL 16:63

Kay ana humuk hin gaku, ndak hin mbuɗ ki zolona. Hu li namma ni ndak ka a mal vunuk a di boy oloɗi. Hu li ma an bulumuk dla cookka ndak laɗta kina. Di ni Bu Suuna, Yawe.»

JONAS 1:12

Nam dasi ana, «Tlangiya gangi ki duk mbona, ni babaana hin seŋ tamu. An wi ki ana babaana lagi cocora ni kay boy manna.»

ROMMA 9:3

An min ana lini Lona gan vunna ɓorowon duk ɦoŋon ki u Kristu kay gorsen suu hu njafanna lay ni giya.

JOSUWE 22:18

Agi may ni, cemi ni agi min a garak dukugi ki u Yawe olo, agi cemi ni min duu u Yawe, vini wanni nam hurum hin ɓeŋ ki ni eg suu Israelna halaŋ may.

1 JAŊ 3:16

Gola aygi wi ana minda ni ana mege? Ni ana Yesu Kristu ɦal iiri mamba ki kaygiya aygi may ni ɦal maygira ki kay gorseygina may.