1 DLAŊ MULINARA 21:13 - Boy Lonana

¹³ David di Gad ana, «Anni hu hahawra ŋgolla. Ko an ndi ni hu duk ko Yawe na ɗow, kay ana oo mamba ŋgolo, na may ko an ndi hu duk ko suu warnaɗi.»

1 DLAŊ MULINARA 21:13 ပူးပေါင်းရင်းမြစ်များ

2 MULINA 6:15

Sa sunda vi sa ma jok vun Lonna kal ay ki bunsu maɗii na feɗet. Nam wi suuna ŋguy yam ɦoŋzina ki na cutl u kulumina u pus pusna. Nam di Elize ana, «Ҥii, sa ŋgol manna, ay hin lay tay karammi nanage?»

2 MULINA 7:4

Lini aygi min a cukŋi vo hu ɦoŋzina aygi hin laɓ ki lay, kay ana va ma ti ha ka hu ɦoŋzina oloɗi. Lini aygi lakaygi ni tani ni aygi hin laɓmi na lay. Mariyaɗ ni tuɗuygi hu kaŋ ma vi suu Sirina. Lini asi hiniygi iiri wa ni taygi donwa, li asi caygi kiyo ni aygi hin miɗ may.»

2 DLAŊ MULINARA 28:9

Sa ma jok vun Lona ma vi Yawena ka dew sem ana Obed, kal ay ki ŋgaf vok suu duuna suu hoŋ ay vo Samarina, dasi ana, «Yawe, Lo ma vi somoyogina, hurum ɓeŋ eg suu Yudana. Kay ndaɗta nam ɦagisina ki hu duk kogiya. Agi hin ci suu daŋŋa ki u huu ma cona cocoo ta ta dlasi tuɗ gak gak tew ha ki kolo huulona.

ESTER 4:11

«Suu sunda vi mulna halaŋ u suu hu ɦoŋzi ma bagina vi mulna wi ana gasi lini gegelay sa njufu, caa ma tuɗ eg mulna hu taraŋga bay yam haa ni gaɗta kam dewra ni cira cam kira, hol li ni mulna takam tokolo mamba lorra wa ni nam hin kak iiriya. Kan anni buuna jak ki dok hindi bay sa yan a tuɗ hu taraŋga vi mulna.»

ESTER 4:16

«Tuɗ tok suu Juif suu ka hu Suzna halaŋ, lagi laara kanu, tagi vaɗi lay, cagi vaɗi lay buuna hindi, faaliɗi lay, njeŋgeɗi lay. An tanda u goryon suu gorɓiina, an hin li laara ni na lay. Kay ndaɗta ko gaɗta dira na ni an hin tuɗ eg mulna li ni an a miɗ ki lay ni an hin miɗa.»

SOOLLA 103:8

Yawe ni sa ma wi hahaw suuna u minda, nam ka mbuɗ ya na zakgi, nammi sa ma ɗegeena.

SOOLLA 106:7

Somoyomi ay hu Egipte ni hum dlara mbuɗ mbuɗta aŋ laɗta kaɗi. Asi maa ki kay jivi maŋga halaŋ, asi mbuɗ tasi a suu duu u aŋŋa fun mbo Lum ŋgol ma Cerewna.

SOOLLA 119:156

Yawe oo maŋga ka ndumbi, hinin kak iiri u boy ma aŋ damma.

SOOLLA 130:4

May aŋ tin vaɗ huuna kay suuna, kay ndaɗta asi hin laŋ ndaaraŋu.

SOOLLA 130:7

Agi suu Israelna tin saa magira kay Yawe, kay Yawe ni sa ma li oora kay suuna, nam ndaki a suɗ suuna ki halaŋ.

SOOLLA 5:7

Aŋ ba suu kaboyna kiyo. Yawe mbuɗ yara eg sa ma ci maɗna, u sa ma hurum mbambana.

SOOLLA 69:13

Suu laki vun grekŋana ka luu wa, suu ci summa gi soolla ni u senu.

SOOLLA 69:16

Hinin a mbo ma ɓaɗna tlanɗi, hinin a an mba hu li ma ndufunnaɗi, hinin a goloŋga dug vunuɗ kanɗi.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

VUN ŊGOLNA 12:10

Sa ma ɗegeena wi may yoori mamsina. May sa ma dlam cona ka wi hahaw vaɗi.

EZAYI 46:7

Asi tasira hin ziirim kelesi ni asi tok lay. Asi tinim hu li ma nam koɗ tamma ni asi lay. Nam hin sami ni hu li ma dewna ka jok umbi lay. Sana yam kolo lay ni nam ka humbi lay. Nam ka suɗ sa hu hahaw mambaɗi lay.

EZAYI 47:6

An hurun ɓeŋ ay eg suu mansina, An mbuɗ suu mansina ki zolona. An hiniŋsina ki aŋ lasasiya. Aŋ wasi hahawasi ka na ndeɗi lay. Aŋ las suu maarina lay, golosi kaɗi.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

EZAYI 63:15

Ay kolo huulona, hu liiŋ ma teteɗ ma aŋ kaki huna, gol iriŋ aya, gol dlara ka lamira, min maŋga aŋ suɗumi ki u ndaɗta ni arage? Ҥuɗ taŋ ha ki egemi dayɗi.

EZAYI 63:7

An min di ki kay jivira vi Yawera, ŋgara ay ŋga Yawera kay dlara Yawe laɗ kaygira halaŋ. Na daŋ may ni kay jivi mamba ŋgolla nam laɗ kay suu Israelnara. Nam vi loɓ namma kammi u jivi mamba ŋgolla.

YOORA 3:32

Lini nam li dla cora lay ni, hurum oyra u oora u jivi mamba ŋgolla.

JONAS 3:9

Sa ndak wiɗi lini Lona hurum heɓa, hin mbuɗ hurum a hiniygi kalage, hu li namma aygi ka ndak a ba kiɗi.»

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

HABAKUK 3:2

Yawe, an hum boy ma aŋ ɓakamma, an mbuɗ ki ndaana. Yawe li sun maŋga hu basara. Hu basara ni aŋ tak sun maŋga ki hu li ma wi hawra ana gasi aŋŋi sa wi hahaw suuna.

Boy Ma Ayra Ma JAŊ Ɓiirimma 12:27

«Cecemmi ŋgusun paɗ ki kan ɦay. An di ni dla me ologe? An hin di ana, Bunu, suɗun ki hu dlara mba kan hu faɗta wanda. Ni kay ndaɗta an mba ni a kak duk wihaw ndaɗta ɗaŋ may.

FILIPINA 1:23

An gol tan ko irin ɓorowi duk mba' na, an saa kay a hin iirira wanda kay a tuɗ kak eg Kristu ni mayra an hin miniɗta.

HEBRENA 10:31

Sana a ndi ki kaŋga ko Lona ma iirina ni loɓ cocoo.