1 DLAŊ MULINARA 18:13 - Boy Lonana

¹³ Nam tin suu komandana hu Edom, suu Edomma halaŋ mbuɗ ki ni suu li sunda maŋ Davidna. Yawe ɦal saɓakŋa maŋ David hu li ma nam tuɗ huna halaŋ.

1 DLAŊ MULINARA 18:13 ပူးပေါင်းရင်းမြစ်များ

1 DLAŊ MULINARA 18:6

Na ɗaŋŋi David tin suu komandana ki hu Siri ta Damassa. Suu Sirina mbuɗ ki ni suu vi David ɗaŋŋi suu warakam taara hum umma. Yawe ɦal saɓakŋa maŋ David hu li ma nam tuɗ huna halaŋ.

URA TIN AYRA 27:37

Isaak hoŋ di Ezaw ana, «An tinim ki ni a ŋgol maŋga, an ɦam gorsemma halaŋ ki ni a suu sunumma, an ɦam wana u sum veŋŋa ki ni mam lay, goonna, an ka ndak a laŋ va ma daŋ oloɗi.»

2 KORINTNA 11:32

An ay hu Damas mul ma li sunda vi mul ŋgolna Aretas, cuk suuna gol vun grekŋa ɦoŋzi ŋgolna kay a vanda.

SOOLLA 144:10

Aŋ ɦal saɓak ma su kay suu duuna maŋ mulina ni aŋu. Aŋ suɗ saaŋ ma sunda, David, ki ko ŋgew ma vi suu ci maɗnana.

SOOLLA 121:7

Yawe hin goloŋ ko dla cora halaŋ, nam hin goloŋ iiri maŋga.

2 SAMUEL 23:14

David ki ni hu liim ma ŋgayra ɗaŋ suu duu suu Filistinna ka ki doli hu Betlehem may.

1 SAMUEL 14:1

Hu buu maa dew Jonatan ma goŋ Solna di gogoo mam ma sunda ana, «Mbaya, ɦuɗuy hu li ma vi suu Filistinna ma ha ki ii ko hiŋŋana.» Na may ni nam ne yam bum kaɗi.

1 SAMUEL 13:3

Jonatan ci sa ŋgol ma vi suu Filistinna ki hu Gibea, suu Filistinna hum boy namma. Na ɗaŋŋi Sol bu tokolomma hu mbassa halaŋ di ana, «Ko suu Hebrena hum boy namma haa.»

1 SAMUEL 10:5

Aŋ hin mba hu Gibea ta vi Lonara, olo hu li ma suu ŋgolo suu Filistinna ka huna. Hu li namma lini aŋ kal ki hu hoŋzina wa ni aŋ hin ndi kay suu jok vun Lona bolow cocoo. Suu col ay kolo kay li ma mbuyna, suu bu diŋŋa u suu bu darina u suu bu tokolomma may tuɗ fokosiya. Asi tasira hin mbuɗ ki a va komba vi suu jok vun Lonana.

NDUMBA 24:18

Edom hinni mbassa ki tlira. Suu babali mam suu hu Seirna hin tlasi ki lay. Israel hin tak saɓak mamma kiyo.

URA TIN AYRA 27:40

Aŋ hin doo kay taŋŋi u ŋgew maŋŋa, aŋ hin lini sa sun wayaŋŋana. Lini aŋ tuɗ ki cow cow ni aŋ hin buɗ taŋ ki ko nekka vi wayaŋŋara.»

URA TIN AYRA 27:29

Ko suuna halaŋ li ni gaa uŋu, ko njaf suuna halaŋ goɓ kaŋga fokoŋu. Aŋ li ni a ŋgolla vi gorseŋŋa. Ko goryoŋ suŋŋa lay goɓ kaŋga ni fokoŋu. Sa ma gaŋ vunnana sa hin gam vunna may, sa ma paɗ vunum ki kaŋŋa paɗvunna hin li kam may.»

URA TIN AYRA 25:23

Yawe daɗ ana, «Njaf suuna ka hurukŋi mba', deeresi hin ɓorow ki zeɗ zeɗ. Njaf sa ma dew hin li su ma hiŋŋa, ma ŋgolna hin sun ma goona.»

1 MULINA 11:15

Hu cokira David duu ay u mul ma Edommara, saam ma ŋgol asgaana Joab tuɗ u suu duuna a pi suu Israel suu miɗ fun duunana. Asi ci gor njufii suu Edomma ki halaŋ halaŋ.

1 DLAŊ MULINARA 18:12

Absay, goŋ Seruyana, ci suu Edomma buɓ buɓ doogo yam kalavandi hu ɦuɗugumba vuvuna.

1 DLAŊ MULINARA 18:14

David ti mulla kay suu Israelna halaŋ, lasi dlara jivira u ɗegeera masi asi suu mamsina halaŋ.

1 SAMUEL 18:14

Hu sun mamba bel ni, nam fi u dlaamba kiyo, Yawe u nam lay.