1 DLAŊ MULINARA 18:11 - Boy Lonana

¹¹ Tlesuu asina may ni mulna David hinisi ki maŋ Yawe, doonora may, lorra may, suu nam yowosi ay ko njaf suunana, ko suu Edomma, ko suu Moabma, ko goryoŋ Amonna, ko suu Filistinna u suu Amalekŋa.

1 DLAŊ MULINARA 18:11 ပူးပေါင်းရင်းမြစ်များ

1 MULINA 7:51

Hu li ma mulna Salomon daɓ sun min Ziŋ Yawera ki daɓmi, nam mba tlesuu bum David hinisi ka maŋ Yawe Lonana ay ki hu Ziŋ Yawera. Gursuna, lorra u tlesuu daŋŋa zeɗ zeɗ. Nam mba cukusi ki hu zira ŋgay begera hu Ziŋ Yawera.

2 MULINA 12:18

Hu coki ndaɗta ni Hazael, mul ma Sirina, mba ndug zi ma Gatna, dikisi kiyo. Hazael min tam a tuɗ duu ɦoŋzi ma Yerusalemma may.

1 DLAŊ MULINARA 18:10

nam sun goromma Hadoram eg mulna David a gam deɓpa, furyum kay lira nam li duuna u Hadadezer hin cam kira, kay ana Hadadezer ni babali ma vi Touna, a ɦam tlesuu mini u lorrana njafasi dew dew bel, suu mini u doonora may suu u walakkana may.

1 DLAŊ MULINARA 18:12

Absay, goŋ Seruyana, ci suu Edomma buɓ buɓ doogo yam kalavandi hu ɦuɗugumba vuvuna.

1 DLAŊ MULINARA 22:14

«Gola an haw lay ni, an min tlena ka kaŋga kay zira vi Yawera lorra kelew 3,000,000, doonora kelew 30,000,000. Walakka u kawina ni sa ka ndak a tlasi nekesiɗi. Asi ŋgol cocoo. An min guna lay, gogoyra lay, aŋ hin hal ka fun tuwa.

1 DLAŊ MULINARA 26:20

Suu Levi suu ɦiw u gorsesina yasi ki kay a gol u tlesuu hu Ziŋ Lonara u tlesuu li ɓivunna.

1 DLAŊ MULINARA 29:14

Kay anni gege? Suu mansina ni gege? May a fi saɓak ma ɦal tlena u hurumi ma dewna ko tlesuu wanna na ni ge? Tlena halaŋ col ay ni koŋu, tlesuu ami ɦaŋsina wanna col ay ni koŋu.

2 DLAŊ MULINARA 5:1

Hu li ma Salomon daɓ sun Ziŋ Yawera ki daɓmi, nam hin mbaa tlesuu bum tinisi ka ki maŋ Yawena ay kiyo. Doonora, lorra u tlesuu daŋŋa zeɗ zeɗ. Nam mba cukusi ki hu zira gol begera hu Ziŋ Lonara.

KALKIRA 35:5

Tlesuu agi fasina halaŋ ɦasi yasi ki maŋ Yawe. Suu may suu ɦal u hurusi ma jivina halaŋ mbaarasi ay maŋ Bu Suuna, lorra, doonora u kawi ma tlawna.

MISE 4:13

Col kolo, to wana, goora vi Siyon, mekka kakka an hin mbuɗuɗ ki kawina, sek ma tin kaŋgana an hin mbuɗum ki walakka, ndak tegeɗ suuna ki bolow cocoo, ndak hin doorosi ki kay bege masira u givunna hin ɦaɗ ki maŋ Yawe, bege masira ki ni maŋ mala mbassa halaŋ.

JOSUWE 6:19

Doonora, lorra, u tlesuu yoori u kawi ma tlawna u kawi ma warna, asina halaŋŋi maŋ Yawe. Cukusi ni duk begera vi Yawera.»

JOSUWE 6:24

Ҥoŋzi ma Yerikona asi ŋgalam ki halaŋ halaŋ u suu may suu hurumma bel bel. Va ma asi hinimma ni doonora, lorra u tlesuu yoori u kawi ma tlawna u kawi ma warna. Asi mba cuk tle asina duk begera hu ziŋ Lonara.

1 SAMUEL 30:13

David dam ana, «Aŋŋi goŋ ge nage? Aŋ col ay ni arage?» Nam di ana, «Anni goozoŋ ma Egiptena, mbaɓuna vi sa ma Amalek ma dew. Malanna noyon ka ki ni kay an tuguɗiiyo, karam buuna ki ni hindi.

1 SAMUEL 30:20

David yow yoori suu gorina u suu ŋgolona halaŋ. Suu tuɗ fok yoori asina a takasi voɗtana di ana, «Gola, ni jo ma vi Davidɗina.»