1 DLAŊ MULINARA 15:29 - Boy Lonana

²⁹ Hu li ma Zandukka Galamba vi Yawera tew ki hu Ҥoŋzi Davidna, Mikal, goŋ Solla, gol ha ii zira. Ndaɗ wi mulna David weɗ kolo may, luu njoŋŋa may. Ndaɗ ɓeŋ huruɗ ki egem na gaw.

1 DLAŊ MULINARA 15:29 ပူးပေါင်းရင်းမြစ်များ

2 SAMUEL 6:16

Doli ɗini hu li ma Zanduk Yawera kal ay ki hu Ҥoŋzi Davidna, Mikal ta goŋ Solla tin iriɗ ay ki ii zira. Ndaɗ wi mulna David weɗ koloo, luu njoŋŋa fok Yawe, huruɗ ɓeŋ ki egemmi na gaw.

HEBRENA 9:4

Hu li namma ni givin ma togolla ma ŋgal ɓivun ma hisna mini u lorra ka huwa. Hu li namma ni Zandukka Galamba, taɗ hori u lor huruɗu, doyra lorra u manna huruɗu, u tokolora vi Aaron ta tin ɓorara, u ɦinira ceɗira u boyna vi galamba ɓiiri kaɗu.

2 KORINTNA 5:13

Lini yal ka irimiɗi ni kay Lona, lini yal mamina kaa ni kagi agi may.

1 KORINTNA 2:14

Sa ma ka u Musuk Lonara hurumbina ndak ka wi gasira vi Musukkaɗi may. Gasi ndaɗta irimmi ko va ma laɓa na, nam ndak ka a hum u boy nammaɗi, sana ndak a gi ii dlara kini u Musukka.

SUNDA 2:13

Suu daŋŋa pan suu vina ana asi ki ni guruɗi u summa.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

JEREMI 30:19

Suuna hin gi deɓpa ŋgol cocoo, vun sunna hin soo a li luuna. An hin mbuɗusi ki bolowo, asi hin ka hoŋ ki kaŋga oloɗi. An ɦasi saɓakŋa wa.

JEREMI 3:16

Hu coki ndaɗta hu li ma asi zul ki bolow coco hu mbassa wa ni, Yawe di ana, sa hin ka di ana, «Zandukka Galamba vi Yawera» oloɗi. Dlaɗ hin ka li kay sa dewɗi lay. Sa hin ka yaɗ seɗɗi lay. Sa hin ka saa ana ndaɗ ka dukuygiɗiraɗi lay. Sa hin ka hoŋoɗ lira oloɗi.

DI BOLLA 3:4

Buu ma tiina dew may, buu ma sanda ni dew may. Buu ma yoo tara ni dew, buu ma luu njoŋŋa ni dew may.

SOOLLA 150:4

geleɗem u dadarina u njoŋŋa, geleɗem u zewna u ŋguruɗ diffa,

SOOLLA 149:3

Ko asi ŋgaam sem u njoŋŋa, asi bu diŋŋa u dadarina.

SOOLLA 30:11

Humunu, Yawe, wan hahawanu. Yawe, mbay njununu.

1 SAMUEL 25:44

Sol ɦal goromba Mikal ta caŋ Davidta ki maŋ Palti ma goŋ Layisna ma ay hu Galimma.

1 SAMUEL 4:3

Suuna hoŋ hu kaŋ masina. Suu basi suu Israelna di ana, «Ni kay me Yawe hin suu Filistinna poŋoygi karam na nige? Tuɗuygi halaygi Zandukka Galamba vi Yawera ha hu Silo. Hoŋoygira ay dukuygiya a ndaɗ suɗuygi ki ko suu babali maygisina.»

SUU KAƁAKŊA 20:27

Suu Israelna joɓ Yawe. Hu li namma ɗaŋŋi, Zandukka vi Yawera ka tini huwa.

GA 8ATAMBARA 31:26

«Vagi magaara gaɗ ndaɗta, gagira ha na tok eg Zandukka Galamba vi Yawe Loogina. Ndaɗ ni a vara di ki kagira.

NDUMBA 10:33

Asi yow ha u ɦinira vi Yawera, tuɗ ta ta buuna hindi, Zandukka Galamba vi Yawera ka tuɗ fokosi hu buu ma hindi namma may, a takasi li ma asi hin vi ziisi huna.

KALKIRA 15:20

Miriyam, cara jok vun Lona, wayaŋ Aaronda, tli dadarira koɗu, boyogina cuk ay ki uɗ halaŋ halaŋ, gi soolla, luu may.

1 DLAŊ MULINARA 17:1

Na ɗaŋŋi David kak hu ziimu. Nam di sa jok vun Lona, Natan, ana, «Gola, an kaki ni hu zira yaɗ vii u gu sedrenara, Zandukka Galamba vi Yawera ka kurufu hu mbutluɓma.»

JOSUWE 4:7

Agi hin dasi ana, ni kay a tak mbo lum ma Yurdanna so ki fok Zandukka Galamba vi Yawe hu li ma asi taɓa ay dukum ndolna. Mbo lumma irim ɓorow ki duku, gogoyra ndaɗta hin ki cuki ɦawaa. Gogoy ndaɗta ca ni hin ka ni a gi humba maŋ suu Israelna ha kay goryosi na gak gak.»

1 DLAŊ MULINARA 15:28

Suu Israelna halaŋ tli Zandukka Galamba vi Yawera, tum soora uɗ may, bu tokolomma may, bu diffa may, bu diŋ ma zewem kalavandina may.