1 DLAŊ MULINARA 12:17 - Boy Lonana

¹⁷ Goryoŋ Benjaminna u suu vi Yudana mbay ta ta tew ki hu li ma David ŋgay huna.

1 DLAŊ MULINARA 12:17 ပူးပေါင်းရင်းမြစ်များ

Magaara JUD Ɓiiriɗta 1:9

Ni Misel ma ŋgol suu sunda huulona li ka naɗi lay. Hu li ma nam ciwayra ko tam u Satanna kay maɗ Moizza ni nam di va ma co ka eg Satannaɗi, hin dam ɦawa ana, «Ko Bu Suuna hin gaɗaŋu.»

1 PIYER 2:23

Suuna ŋgulum lay ni nam hal dlara a ŋgul may kaɗi, suuna lasamu nam hal dlara sa sugulum kaɗi, nam hin boy namma halaŋŋi ko Lona ma kaɓakŋa u voɗom ɗegeena.

FILIPINA 1:27

Va ma ŋgolna ni poyogi jivi taɓi u Boy ma Ayra vi Kristu, an hin tuɗ ha gologi wanni hin wi ana, lini an ka dukugiɗi lay ni agi laki saɓaki, saa magira taɓi a duu u hurugi taɓi dew hu vira agi faɗ hu Boy ma Ayra.

2 KORINTNA 13:11

Gorsenna lakagi u ayra, lagi ɗegee gaɗagi tagiya tagiya, minigi tagiya, lakagi u heɓpa Lona mala minda mba li u agiya.

1 KORINTNA 1:10

Gorsenna an gaɗagi fok Bu Suuna mayna Yesu Kristu, wagi ki kaki ana vunugi mba ɓorow zeɗ zeɗɗi, taɓagi na dew, saa magira li dew ɗigil magira li dew lay.

SUNDA 4:32

Suu vina tok tasi halaŋ, hurusi taɓi dew, saa masira dew, sa ma dukusi ma di ana vaamma ni kay tamu kaɗi, tlegeyesi halaŋ taɓi dew.

ZAKARI 3:2

Sa sunda vi Yawe di Satanna ana, «Ko Yawe seŋeŋ vunuŋ kiyo, Satan. Gasi ko Yawe seŋeŋ vunuŋ kiyo, nam ma ŋgaɓ Yerusalem kina. Kay sa namma ni ko vun gu ma tlam ay ki duk kurana naɗi su?»

JEREMI 32:39

An ɦasi saara dewra u voɗta dewra lay. Hin mbuɗusi a asi van vunun tew tew kay jivi masira kay jivira vi goryosi ka balamasira lay.

SOOLLA 86:11

Yawe takan voɗ maŋga, an min tuɗ ni hu gasi maŋga, mbuɗun hurun a an laŋŋi ndaaraŋ dew.

SOOLLA 7:6

Ni saan ma gonokka cuɗun un, ay vanu. Ko nam baan iiri manda kiyo, ko nam bulumunda kaŋga duk ndaŋgara.

2 MULINA 10:15

Ҥuɗ ha ki na day ni Jehu wi Yonadab ma goŋ Rekabma tuɗ ay ŋgafam aya. Jehu gam deɓpa, joɓom ana, «Na ni huruŋ ɗegee u an ko ndal an hurun ɗegee egeŋga na may su?» Yonadab hoŋom dira ana, «Ҥaa.» Jehu hin di ana, «Jiviya mbay vay ko taya.» Jehu hin tlam kolo hu pus pus mamma.

2 MULINA 9:22

Hu li ma Joram wi Jehu may ni, nam joɓom ana, «Aŋ tuɗ na ni ɦawa ko su, Jehu?» Nam hoŋom dira ana, «Ҥawaa ni ana mege? Aŋ wi ana suŋ Jezabel cemi ka li dlara kumuna joɓ loogi suu ɦawana gak tuɗi su?»

1 MULINA 2:13

Adoniya ma goŋ Hagitna mbay eg Batseba, su Salomon. Ndaɗ joɓom ana, «Mbara nam mbay egeɗ na ni ɦawa ko su?» Nam hoŋoɗ dira ana, «Ҥawaa.»

1 SAMUEL 18:3

Na ɗaŋŋi Jonatan vi galamba u David, kay nam minim ko tamba na.

1 SAMUEL 18:1

Doli ɗini hu li ma David daɓ ɓakŋa maŋ Solna may ni, Jonatan njun tam eg David minim ko tamba na.

1 SAMUEL 16:4

Samuel li dlara Yawe dambara. Nam tuɗ hu Betlehem. Suu basi suu hu ɦoŋzinana mbay dlak ko ndaana ŋgafamu. Asi di ana, «Va tlaŋ ayna ni dlara furira su?»

URA TIN AYRA 31:53

Ko Lona vi Abraham u Nahor li duk ɦoŋoy a sa ma ka ɓakŋa.» Yakob suu tam u Lo ma bum Isaak lam ndaaramma.

URA TIN AYRA 31:42

Lini Loŋ bunna, Loŋ Abrahamma, ma Isaak lam ndaaramma u anɗi ni aŋ dikin ginni u kon ma vadlna. Lona wan las manda u sunda an laɗ u konda wa kaa ni nam kaan ɓak manna ki wa.»

1 DLAŊ MULINARA 12:16

Asi ni suu ɗiŋ lum ma Yurdanna ki hu til ma jewna hu li ma nam sulul ki na fuh fuhna, njay suu hu ɦuɗugumbana ki u maɗiina may u fiɗigina mayna.

1 DLAŊ MULINARA 12:18

Nam kal ay ki fokosi hin ɓakasi boyna dasi ana, «Lini agi mbay egenni u heɓpa a njununda ni an hin li ni na tok u hurun halaŋ a taɓ tan u agira may. Na may li ni a ganan yan maŋ suu babali mansinana ni, na ɗaŋŋi ko dla co li konɗi, ko Lo ma vi somoyoygina wi dla ndaɗta gaɗ iriɗ lay.»