Taitu 2:13 - Ŋwaʼaŋlɨ Kɨǹ a Fhi

¹³ ǹchhɔ njwɛrɛ kwàʼa ŋa a gha nthɔ ni mbɔrɔ nɛ, mbɔ thɔ nu Minnwi yia ndɔ mbɔ Minnwi ndiɛŋ, ndɔ mbɔ ŋkwe via, mbɔ Jishɔ Krishto moŋ ndighaʼo.

Taitu 2:13 ပူးပေါင်းရင်းမြစ်များ

Matio 16:27

Nthɛ ŋa Muuŋ Ŋoŋmishua shi nthɔ pugu pa ghaŋ ntaoŋ pi moŋ ndighaʼo Tǎa vi, ŋkɨnɛiŋ shesheŋoŋ wuʼɔ ŋkwaŋ nɔ haʼaŋ ŋoŋ ghɔ fāʼa nɛ.

Matio 25:31

“Ndɨɨ ŋa Muuŋ Ŋoŋmishua shi nthɔ moŋ ndighaʼo yi, pugu pa ŋguoŋ pa ghaŋ ntaoŋ Minnwi po, kaŋ a shi nchhɔ kiʼɛ ŋkuoŋ faaŋ ndighaʼo yi.

Matio 26:64

Jishɔ chhu ghɔ ŋa, “Ɔ chhu nɛnnɛ. Ndɔ ǹshwei ghɔ, llɔ ndwɛ ŋgə̄ɨ nu shhɨ, pəɨ shi njəɨ Muuŋ Ŋoŋmishua a chhɔ ŋgei mbhɔ jɨ ju ŋa a fāʼo ghrɨ́ nɔ chwīe nu sheshe nnu nɛ, ndɔ nshwiʼi nu moŋ lúluŋ llɔ po.”

Maaku 14:62

Jishɔ chhu ŋa, “MI JU! Pəɨ shhi njəɨ Muuŋ Ŋoŋmishua pi chərə vi ŋgei mbhɔ jɨ Ŋoŋ ŋa a Fāʼo Ŋguoŋ Ghrɨ́ nɛ, a thɔ nu pugu pa lúluŋ po.”

Maaku 8:38

S̈hesheŋoŋ mfāʼo lrithɔ nthɛ a pugu pa chrà a moŋ mbhi ŋgwrɛiŋgwa ki fāʼo pɔgɔ Minnwi, pugu pa ŋgwrɛiŋgwa pɨphɨ yei, kaŋ Muuŋ Ŋoŋmishua shi mfāʼo lrithɔ nthɛ vi ndɨɨ ŋa a thɔ moŋ ndighaʼo Tǎa vi pugu pa yi ghaŋ ntaoŋ Minnwi pi taoŋtaoŋ nɛ.”

Fàʼa 24:15

M̀fāʼo kwàʼa mbɨŋ Minnwi ŋa pugu ŋkaa pugu fāʼo nɛ, ŋa ŋguoŋ ŋgwa ghao, ŋgwa shiʼi pugu pa pi pɨphɨ shi ndɛ mbɨnɨ ŋkuʼɔ moŋ gu.

Roma 15:13

Minnwi ŋa a ghà mfɛ kwàʼa nɛ lɨnaoŋ vəɨ ni ŋguoŋ pwanjuʼɔ pugu pa ghɨghrɨ nɔ haʼaŋ pəɨ piŋ vi nɛ, nnɛ ŋa minthɛ kwàʼa yəɨ ghə̄ɨ shhɨ ŋkuʼɔ nu ntɔgɔ pi ŋkuoŋ njɨ Jijwɛ Minnwi.

Roma 5:5

ndɔ kwàʼa shiʼa njiʼi njɨrɨ ŋoŋ, nthɛ ŋa Minnwi shāʼo khwǎ yi moŋ njùʼɔ pia ntɔgɔ pi ŋkuoŋ Jijwɛ yi ŋa a ni mfɛ ni pia nɛ.

Roma 8:18

Ǹja mfāʼo tɨnɨnjuʼɔ ŋa ŋgəʼɨ ŋa a pɔ ndwɛ nɛ lɔ njiʼi mbɔ yichəɨ yaoŋ nɔ haʼaŋ ɔ mbīʼi fɨʼɨ ndighaʼo yɛ ŋa Minnwi thɔ nu nōoŋ ni pia nɛ.

1 Koriŋ 1:7

nnɛ ŋa kiʼi pəɨ pou sheshe fɛ́ moŋ Jijwɛ nɔ haʼaŋ pəɨ thɔ njwɛrɛ nu ŋa pi nōoŋ Taathɔ via mbɔ Jishɔ Krishto nɛ.

2 Koriŋ 4:4

Nnwi ŋkuoŋ mbhi yei fhɨligi ŋgwa pɛ ŋa pugu lɔ mbiŋ, nnɛ ŋa kiʼi pugu yəɨ líʼɛ pwa pishaʼakhɔ ndighaʼo Krishto mbɔ fhi Minnwi.

2 Koriŋ 4:6

Nthɛ ŋa Minnwi mbɔ ŋoŋ ŋa a ni nchhu ŋa, “Líʼɛ thɛ llɔ moŋ njiŋ nɛ,” kwo thɛ moŋ njùʼɔ pigi nɔ fɛ nu líʼɛ ji nu ndighaʼo Minnwi nɔ miŋi Jishɔ Krishto.

Koloshe 1:23

nɔ haʼaŋ pəɨ nja ŋgə̄ɨ shhɨ shishini moŋ piŋ ki lɔ nchɨʼɨ, ndɔ nthi a tɨnɨ, ki lɔ nchənə ndɔllɔ yəɨ kwàʼa pwa pishaʼakhɔ yɛ ŋa pəɨ ni njaʼo nɛ. Pi ni ŋkwo chīi pwa pishaʼakhɔ yei ni ŋguoŋ pa yaoŋ puoŋ laʼo po, mbɔ yɛ ŋa mmu, Pɔɔ, ni ŋgū muuŋ fàʼa pwa pishaʼakhɔ ghɔ nɛ.

Koloshe 1:27

Minnwi ni ndɔ̄gɔ nthi mi nɔ chwīe nu pugu ji fɨʼɨ ŋkwaŋ haʼaŋ nnu lə̄ɨŋ yei ghaʼo shɨna ŋgwa haʼaŋ pugu lɔ mbɔ pa Juu nɛ, mbɔ ŋa Krishto pɔ njùʼɔ pəɨ, pəɨ fāʼo kwàʼa fāʼo nu ndighaʼo.

Koloshe 1:5

nthɛ pi fɨʼɨ kwàʼa ŋa pəɨ fāʼo ŋkuoŋ yaoŋ ŋa Minnwi nūʼɔŋ ni pəɨ po nɛ. Pəɨ ni ŋkwo fǔoŋ njaʼo yei moŋ chrà nnu shini, mbɔ ŋkɨ̀nɨ pwa pishaʼakhɔ,

Koloshe 3:4

Ndɨɨ ŋa Krishto, ŋa a ya chɔmbhi yəɨ, shi nōoŋ noŋ yi nɛ, kaŋ pəɨ ŋkaa pəɨ shi nōoŋ noŋ yəɨ moŋ ndighaʼo pəɨ pugu.

2 Teshalonika 2:16

Ǹduoŋ ŋa Taathɔ via, mbɔ Jishɔ Krishto nduthɔ yi, pugu Minnwi Tǎa via, ŋa a khwā via, māʼaŋ njùʼɔ yia ki ndugwi yi ndɔ mbɨnɨ nuʼuŋ mfɛ ŋkiɛŋ kwàʼa shiʼi ni pia ntɔgɔ pi moŋ pwapuŋ yi nɛ,

2 Teshalonika 2:8

Nɛnnɛ kiʼɛ, ŋgūo nnu mbɨmbhɨ ghɔ nōoŋ noŋ yi, Jishɔ Taathɔ jwi vi ni taʼa chrà ŋa a shi ntaoŋ nchò yu nɛ, ndɔ nshiʼi vi ni chiachia líʼɛ thɔ nu mi.

1 Timoti 1:1

Ŋwaʼaŋlɨ yei llɔ mbhɔ mu Pɔɔ, mbɔ ŋgaŋ ntaoŋ Krishto Jishɔ, ntɔgɔ pi ŋkuoŋ gɨ́ Minnwi, mbɔ ŋkwe via, pugu Krishto Jishɔ, ŋa kwàʼa yia pɔ mbɨŋ yu nɛ.

2 Timoti 1:2

Ǹāʼaŋ ŋwaʼaŋlɨ yei mfɛ vɛ, ma Timoti muuŋ a ŋa ǹja ŋkhwā. Ǹduoŋ ŋa Minnwi Tǎa pugu Krishto Jishɔ Taathɔ via nōoŋ pwapuŋ, ni kwoshɨnɨ, ni ghɨghrɨ vɛ.

2 Timoti 4:1

M̀fɛ gɨ́ vɛ ki lɔ nchhɔ ntɔtɔnɔ shhɨ Minnwi pugu Krishto Jishɔ ŋa a shi nshaʼa ŋgwa maoŋ pugu pa ŋgwa khu nɛ, pugu pa ŋa a thɔ nu nshaʼa nɔ fùoŋ nɛ,

2 Timoti 4:8

Jɛ̄ ndwɛ ŋgə̄ɨ nu shhɨ, pi kwo nūʼɔŋ ŋgáʼo chɔmbhi ndɨndɨ vəɨ, ŋa Taathɔ, mbɔ ŋoŋ ŋa a ghà nshaʼa ni ndɨndɨ nɛ, shi mfɛ vəɨ llɛ́ ghɔ, ndɔ ki lɔ ŋguʼɔ mbɔ pi vəɨ təʼɨ a, mbɨnɨ mbɔ ni ŋguoŋ ŋgwa pɛ ŋa pugu khwā thɔ nu mi nɛ.

Taitu 1:2

ntɔgɔ pi ŋkuoŋ kwàʼa fāʼo nu chɔmbhi ki mmɛ. Minnwi, ŋa a shiʼa ma ndɛʼi ŋgiɛŋ, ni ŋkāʼa chɔmbhi yei ŋkaoŋ mbhi maa njɛ̄.

Taitu 1:4

Ǹāʼaŋ ŋwaʼaŋlɨ yei mfɛ vɛ, ma Taitu, ŋkiɛŋ muuŋ a moŋ taʼa kwò piŋ. Ǹduoŋ ŋa Minnwi Tǎa pugu Krishto Jishɔ, mbɔ ŋkwe via, fɛ pwapuŋ pugu pa ghɨghrɨ vɛ.

Taitu 3:4

Ndɔ ndɨɨ ŋa pwapuŋ pugu pa khwǎ Minnwi ŋkwe via ni nōoŋ noŋ yi nɛ,

Hibru 9:28

wuʼɔ nɛnnɛ, pi fɛ Krishto taʼa ŋgɛ́ nɔ yaoŋ fɛʼiŋgiɛŋ nɔ kwe nu phɨ ntou ŋgwa, a shi mbɨnɨ nōoŋ noŋ yi mbra ŋgɛ́ ki lɔ nuʼuŋ nthɛ pi shɨ̄gao nu phɨ, ndɔ nthɛ pi kwe nu ŋgwa pɛ ŋa pugu chhɔ njwɛrɛ vi ŋkiɛŋ yie nɛ.

1 Pita 1:3

Mbɔrɔ pɔ ni Minnwi ndɔ mbɨnɨ mbɔ Tǎa Taathɔ via Jishɔ Krishto! Ntɔgɔ pi ŋkuoŋ mmɛ kwoshɨnɨ yi, a chwīe pia pɔ phi ŋkamuʼɔŋ ntɔgɔ pi ŋkuoŋ kuʼɔ nu ni Jishɔ Krishto moŋ gu. Yei chwīe pia fāʼo kwàʼa maoŋ,

1 Pita 1:7

nnɛ ŋa piŋ yɔ shi nōoŋ noŋ yi ŋa a ŋkiɛŋ yi, wuʼɔ nɔ haʼaŋ pi ghà njwɛʼi laoŋgo ni móŋoŋ nɔ chwīe nu a pɔ yi taoŋtaoŋ nɛ. Ndɔ piŋ yɔ ŋkiɛŋ yi nchaa laoŋgo, nthɛ ŋa laoŋgo ghà mbɨrɨ. Ndɨɨ ŋa piŋ yɔ nōoŋ noŋ yi ŋa a ŋkiɛŋ yi nɛ, kaŋ ɔ shi mfāʼo tōo nu pugu pa ndighaʼo ni ghaʼo nu ndɨɨ ŋa Jishɔ Krishto shi mbɨnɨ nōoŋ noŋ yi nɛ.

2 Pita 1:1

Ŋwaʼaŋlɨ yei llɔ mbhɔ mu Shemu Pita, mbɔ muuŋ fàʼa, ndɔ mbɨnɨ mbɔ ŋgaŋ ntaoŋ Jishɔ Krishto ŋgə̄ɨ nu ni pəɨ ŋa pəɨ fāʼo piŋ ŋa a taʼa ŋkwaŋ pugu pa yigi ntɔgɔ pi ŋkuoŋ ndɨndɨ Minnwi via ndɔ mbɔ ŋkwe via, Jishɔ Krishto nɛ.

2 Pita 3:18

Ndɔ p̂əɨ kuʼɔ nu moŋ pwapuŋ pugu pa ji nu Taathɔ via mbɨnɨ mbɔ Ŋkwe via Jishɔ Krishto. Ŋguoŋ ndighaʼo ghao pɔ ghɔ ndwɛ ti ŋgə̄ɨ nchəɨŋ moŋ llɛmbhi ŋa mbaʼa ndugwi yi pɔ nɛ. A pɔ nɛnnɛ.

1 Jouŋ 4:14

Pigi yəɨ ndɔ mbɔ pa miŋkwentie ŋa Tǎa taoŋ Muuŋ ŋa â thɔ mbɔ ŋkwe mbhi.

Jude 1:21

P̂əɨ nūʼɔŋ noŋ yəɨ moŋ khwǎ ŋa Minnwi fāʼo mbɨŋ pəɨ nɛ, nɔ haʼaŋ pəɨ ywɛrɛ kwoshɨnɨ Taathɔ via mbɔ Jishɔ Krishto nɔ fɛ nu chɔmbhi ki mmɛ ni pəɨ nɛ.

Nnu Nōoŋ 1:7

Līi njəɨ, a thɔ nu nɛ moŋ lúluŋ, ŋguoŋ ligi ghao shi njəɨ vi, njiʼi nthɛ pi ŋgwa pɛ ŋa pugu ni nchwɛʼi vi nɛ, ŋguoŋ pa laʼataoŋ ŋkuoŋ shhɛ ghao shi mbɔ ni tuʼuthɔ nthɛ vi. A haʼaŋ a lɛ mbɔ nɛ. A yie.