Nnu Nōoŋ 6:2 - Ŋwaʼaŋlɨ Kɨǹ a Fhi

² Nnɛ m̀bɛʼi njəɨ minyieŋləɨ fhu! Ŋoŋ ŋa a ni nchhɔ ŋkuoŋ ghɔ nɛ tuo wùoŋ krɛ́i, pi fɛ ŋkie ghɔ a taoŋ nthɔ māʼaŋ ŋgaʼa nu, ndɔ shi ŋgaʼa.

Nnu Nōoŋ 6:2 ပူးပေါင်းရင်းမြစ်များ

Matio 28:18

Jishɔ thɔ nchhu ni pugu ŋa, “Pi kwo fɛ ŋguoŋ ghrɨ́ po pugu pa ŋkuoŋ shhɛ vəɨ.

1 Koriŋ 15:25

Nthɛ ŋa a shi ŋguʼɔ nshaʼa ti nuʼuŋ nūʼɔŋ ŋguoŋ pa mimbɨna pi laʼo kwò yu.

Nnu Nōoŋ 11:15

Nnɛ, ŋgaŋ ntaoŋ Minnwi mbɔ ŋgaŋ khwachəɨ shɨ̀na tua ji ntàŋ pa mmɛ ŋggì, chhu nu po ŋa, “Shaʼafuoŋ ŋkuoŋ mbhi gū Shaʼafuoŋ Taathɔ via pugu yi Ju ŋa Minnwi Chuʼɔ Ntaoŋ nɔ Ŋkwe nɛ, a shi nshaʼa nɔ ŋguoŋ ndɨɨ ghao.”

Nnu Nōoŋ 11:18

Pa laʼataoŋ fāʼo pɨgɨtua, ndɔ pɨgɨtua yɔ ni nthɔ, mbɔ ndɨɨ ŋa pi shi nshaʼa ŋgwa ŋa pugu kwo khu nɛ. Ndɨɨ thɔ nɔ kɨ̄nɛiŋ nu puoŋ fàʼa pɔ, mbɔ pa njəɨlɨʼɨ pɔ pugu pa ŋgwa pɔ, mbɔ ŋgwa pɛ ŋa pugu pɔgɔ ghɔ nɛ, pa miŋkwasha pugu pa ŋgwa liɛŋliɛŋ. Ndɨɨ kwo thɔ nɔ pɨrɨ nu ŋgwa pɛ haʼaŋ pugu pɨrɨ ŋkuoŋ shhɛ nɛ.”

Nnu Nōoŋ 14:14

Nɛnnɛ ǹdīi, ŋga njəɨ nu nɛ njəɨ lúluŋ fufhu, yichəɨ ŋoŋ chɔchɔ ŋkuoŋ lúluŋ ghɔ nɔ Muuŋ Ŋoŋmishua, ni ŋkie nɔ yi laoŋgo thɔ yu, ni ŋkwaŋ minwi yaʼa reshi mbɔ yi chəchɨgəɨ mbhɔ yu.

Nnu Nōoŋ 15:2

Ǹjəɨ yichəɨ yaoŋ ŋa a pɔ nɔ mmɛ ŋkhǐ ŋgrashi nyaŋ ni móŋoŋ. Mbɨnɨ nuʼuŋ njəɨ ŋgwa pɛ ŋa pugu ghaʼa minyieŋ ghɔ pugu yaoŋ ŋa pi chwīe a pɔ nɔ ju nɛ, ni ndigi yaoŋ ŋa a thi nɔ ligi yi nɛ a thi yəɨ ŋkhǐ ŋgrashi ghɔ, ni yaoŋ paʼo lóu Minnwi mbhɔ pugu.

Nnu Nōoŋ 17:14

Pugu shi māʼaŋ Muuŋ Minjɨɨ ghɔ ni nchhɔ̀, Muuŋ Minjɨɨ ghɔ ghaʼa vugu nthɛ ŋa a Taathɔ pa taathɔ, mbɔ Fùoŋ pa fùoŋ, ŋgwa pɛ ŋa pugu pugu pɔ nɛ, pɔ pi ŋgwa ŋa pi mɛ̄iŋ vugu, nchuʼɔ vugu pugu lɔ mbɨnɨ mbɔ ghaŋ younjiŋ pi ŋa pugu ghà njaʼo vi.”

Nnu Nōoŋ 19:14

Pa ghaŋ māʼaŋ nchhɔ̀ po yōu njiŋ yi. Nyīeŋ nu ŋkuoŋ pa minyieŋləɨ fhu, māʼaŋ ndhwí fhu taoŋtaoŋ.

Nnu Nōoŋ 3:21

Ni ŋoŋ ŋa a māʼaŋ ti ŋgaʼa nɛ, ǹshi fɛ ghrɨ́ ghɔ a chhɔ yəɨ a ŋkuoŋ faaŋ a, wuʼɔ nɔ haʼaŋ mummu ni māʼaŋ ti ŋgaʼa nchhɔ yəɨ Tǎa a ŋkuoŋ faaŋ yi nɛ.

Nnu Nōoŋ 9:7

Pa ŋgwíŋ pighɔ ni mbɔ nɔ pa minyieŋləɨ ŋa pi pīri vugu nɔ māʼaŋ nu nchhɔ. Pichəɨ yaoŋ ni mbɔ thɔ pugu nɔ ŋkie ŋa pi chwīe ni laoŋgo, miŋi muŋu pɔ nɔ miŋi ŋgwamishua.