Nnu Nōoŋ 3:4 - Ŋwaʼaŋlɨ Kɨǹ a Fhi

⁴ “ ‘Ndɔ pi wuʼɔ mfāʼo shɨgɛi ŋgwa moŋ Shadi, mbɔ ŋgwa pɛ ŋa pugu lɔ njiʼi mfuo noŋ yugu. Pugu shi māʼaŋ mmɛ ndhwí fhu nyīeŋ pigi pugu kaʼa, nthɛ ŋa pugu kāʼo.

Nnu Nōoŋ 3:4 ပူးပေါင်းရင်းမြစ်များ

Matio 10:11

“Sheshe mmɛ laʼataoŋ ki muuŋ laʼataoŋ ŋa pəɨ nii fɔ nɛ, p̂əɨ līi ŋoŋ ŋa a kāʼo ndɔ ŋkhwā nɔ tuo nu vəɨ nɛ, ndaʼa pəɨ pugu ti shi nuʼuŋ ŋgə̄ɨ.

Maaku 16:5

Pugu gha nii moŋ fúŋ ghɔ, njəɨ yichəɨ maʼaŋ mikhwa chhɔ fɔ ŋgei mbhɔ jɨ, māʼaŋ shalaoŋ fhu, pugu ghrāo.

Luka 20:35

Ndɔ ŋgwa pɛ ŋa pugu shi ŋkāʼo nɔ pɨnɨ nu nuʼuŋ ŋkuʼɔ ndɨɨ ŋa pugu khu nɛ ndɔ fāʼo chɔmbhi moŋ yɛ mbhi ŋa a shi nthɔ nɛ, mbaʼa pugu ma nuʼuŋ ndaŋ ki ŋgə̄ɨ nda láŋ.

Luka 21:36

Ndɔ lɨna nu ŋguoŋ ndɨɨ, nduoŋ nu ŋa ɔ fāʼo ghrɨ́ nɔ ləʼɨ nu ŋguoŋ nnu pei ŋa a shi ndɔ̄gɔ lɨʼɨ nɛ, nnɛ ŋa mimfɛ ɔ thi shhɨ Muuŋ Ŋoŋmishua.”

Fàʼa 1:15

Moŋ llɛ́ pighɔ Pita lɔllɔ ntithi shɨna taʼa ŋkɨɨ ni pa wuŋ ghaŋ piŋ, nchhu ŋa,

2 Teshalonika 1:5

Yei pɔ pi nɔ lì ŋa sháʼa Minnwi pɔ pi yi ndɨndɨ, ŋa minthɛ pi shia vəɨ ŋa pəɨ kāʼo nɔ pɔ nu ŋgia Shaʼafuoŋ Minnwi, ŋa pəɨ thɔ njəɨ ŋgəʼɨ nthɛ yie ghɔ nɛ.

Jude 1:23

Ŋkwe pichəɨ ŋgwa, ntɔgɔ pi ŋkuoŋ jā nu vugu mfuʼu moŋ móŋoŋ, ndɔ nōoŋ kwoshɨnɨ ni pichəɨ moŋ pɔ́gɔ, nchhɔ mbɨ̄na phɨ pighɔ haʼaŋ a trao chɔmbhi yugu nɛ.

Nnu Nōoŋ 1:11

a chhu nu ŋa, “Nāʼaŋ nnu ŋa ɔ shi njəɨ nɛ moŋ ŋwaʼaŋlɨ ntaoŋ ni khwachəɨ chɔshi pɛ ŋa pugu pɔ laʼataoŋ Ɛfɛshɔ, ni Shimaina, ni Pegamuŋ, ni Tiatira, ni Shadi, ni Filadefia, ni Laodeshia nɛ.”

Nnu Nōoŋ 11:13

Wuʼɔ ndɨɨ ghɔ, shhɛ chɨ̄ʼɨ ŋkiɛŋ yie ghɔ nshɨna, taʼa ghrà moŋ laʼataoŋ ghɔ nɔ haʼaŋ ɔ̈ ŋgrā wuŋ lɨʼɨ a pɔ yie ghɔ nɛ, gū shhɛ. Khwachəɨ ŋkaŋ ŋgwa ni ŋkhu nɔ haʼaŋ shhɛ ghɔ ni nchɨʼɨ ŋkaʼa nɛ, pɨgəɨ yugu fāʼo mmɛ pɔgɔ gu, pugu fɛ ndighaʼo ni Minnwi po.

Nnu Nōoŋ 14:4

A ŋgwa pei ŋa pugu shi lɔ njiʼi mfuo noŋ yugu ni piŋgɛ, nthɛ ŋa pugu shi yaʼa nūaŋ pugu pa piŋgɛ. A pugu mbɔ ŋgwa pɛ ŋa pugu yōu njiŋ Muuŋ Minjɨɨ ghɔ sheshe lɨʼɨ ŋa a ghə̄ɨ nu nɛ. Pi yuoŋ pei ŋgwa shɨna pa ŋgwa ŋkuoŋ shhɛ nɔ fǔoŋ ntíɛŋ thɨ mbhɔ Minnwi pugu Muuŋ Minjɨɨ.

Nnu Nōoŋ 19:14

Pa ghaŋ māʼaŋ nchhɔ̀ po yōu njiŋ yi. Nyīeŋ nu ŋkuoŋ pa minyieŋləɨ fhu, māʼaŋ ndhwí fhu taoŋtaoŋ.

Nnu Nōoŋ 19:8

Pi fɛ ŋkiɛŋ ndugwi ndhwí pwapwa ghɔ ŋa a māʼaŋ, ni mbɔ ndhwí shɛiŋshɛiŋ, ndɔ mbɔ yi taoŋtaoŋ.” Nthɛ ŋa ŋkiɛŋ ndugwi mbwa ndhwí ghɔ pɔ pi fàʼa ndɨndɨ ŋgwa Minnwi.

Nnu Nōoŋ 3:18

M̀fɛ ntɨ́gɨ nɛ ni pəɨ ŋa pəɨ yuoŋ laoŋgo ŋa pi chwīe a tɔgɔ pi moŋ móŋoŋ a ya mbɔ ŋkiɛŋ yie ghɔ nɛ mbhɔ mu, nnɛ ŋa minthɛ pəɨ pɔ ghaŋ fàʼo. P̂əɨ yuoŋ mmɛ ndhwí fhu mbhɔ mu, nji ŋa pəɨ shi māʼaŋ mbɨŋ pəɨ ki ŋgwa lɔ nuʼuŋ njəɨ nthīi yəɨ, nthɔ ndrithɔ. Pəɨ yuoŋ fhɔ̌ ligi mbhɔ mu niʼiŋ ligi pəɨ nji ŋa minthɛ pəɨ yəɨ lɨʼɨ.

Nnu Nōoŋ 3:5

Ŋoŋ yɛ ŋa a shi māʼaŋ ti ŋgaʼa nɛ shi māʼaŋ ndhwí fhu nɔ pugu, nnɛ paʼa ǹdɔ ma mfuʼu ligi yi moŋ ŋwaʼaŋlɨ chɔmbhi. Ǹshi nchhu shhɨ Tǎa a pugu pa ghaŋ ntaoŋ pi ŋa a nyaŋ.

Nnu Nōoŋ 4:4

Paa wuŋ faaŋ ni faaŋ yi khwɛ ghɨ̄ŋ yie faaŋ. Paa wuŋ thishɨ chɨɨchɨɨ ni yi khwɛ chhɔ ŋkuoŋ pa faaŋ pighɔ, māʼaŋ pa mɛmmɛ ndhwí fhu ni pa ŋkie laoŋgo thɔ pugu.

Nnu Nōoŋ 6:11

Nnɛ pi fɛ mmɛ ndhwí fhu ni shesheŋoŋ vugu, nchhu ni pugu ŋa pugu fɛrɛ nɔ kuo ndɨɨ, ti pi nuʼuŋ njwi pichəɨ pakwo fàʼa pugu, pugu pa lǐŋ pugu ŋkwaŋ haʼaŋ pi jwi vugu nɛ, ti fɨʼɨ yugu nuʼuŋ ŋkāʼo.

Nnu Nōoŋ 7:9

Yei ni ŋga ntɔgɔ, m̀bɛʼi njəɨ ŋkiɛŋ mmɛ yú ŋgwa ŋa minthɛ paʼa ŋoŋ lɔ njiʼi shia, llɔ moŋ ŋguoŋ pa laʼataoŋ ghao, pugu pa ŋguoŋ kɨrɨ ndaaŋoŋ, pugu pa llɔ moŋ pa chrà taoŋ taoŋ, pugu thi shhɨ faaŋ pugu pa Muuŋ Minjɨɨ ghɔ, māʼaŋ pa mmɛ ndhwí fhu, ntuo pa ghia taŋ mbhɔ pugu,