Nnu Nōoŋ 22:4 - Ŋwaʼaŋlɨ Kɨǹ a Fhi

⁴ Pugu shi njəɨ miŋi mi, pi nāʼaŋ ligi yi ŋkuoŋ pa choyei yugu.

Nnu Nōoŋ 22:4 ပူးပေါင်းရင်းမြစ်များ

Matio 5:8

Mbɔrɔ yi ŋgwa pɛ ŋa njùʼɔ yugu yi taoŋtaoŋ nɛ, nthɛ ŋa pugu shi njəɨ Minnwi.

Jouŋ 12:26

S̈hesheŋoŋ mfāʼa mbhɔ mu, a yiʼi ŋa a yōu njiŋ a, nnɛ ŋa lɨʼɨ ŋa m̀bɔ nɛ, muuŋ fàʼa a shi mbɔ fɔ ŋkaa yu. S̈hesheŋoŋ mfāʼa mbhɔ mu, kaŋ Tǎa a shi ŋgaʼo vi.

Jouŋ 17:24

Tǎa, ŋ̀khwā ŋa pugu ŋkaa pugu ŋa ɔ fɛ vəɨ nɛ nshi mbɔ pigi pugu kaʼa lɨʼɨ ŋa m̀bɔ nɛ, nɔ yəɨ nu ndighaʼo a ŋa ɔ fɛ vəɨ nthɛ ŋa ɔ khwā a ŋkaoŋ pi maa nchwīe mbhi nɛ.

1 Koriŋ 13:12

Nthɛ ŋa ndwɛ, pia yəɨ yaoŋ pi nɔ haʼaŋ a pɔ pi moŋ mililigi fuŋfuŋ, ndɔ ndɨɨ ghɔ pia pa Jishɔ shi njəɨ ligi. Yaoŋ ŋa ǹji ndwɛ nɛ wuʼɔ mbɔ pi ghrà yi, ndɔ ndɨɨ ghɔ, ǹshi nja nji ŋguoŋ pa nnu ghao wuʼɔ nɔ haʼaŋ Minnwi ya nji a shishiʼi nɛ.

Hibru 12:14

Kāa nɔ pɔ nu ni taʼaŋggi pəɨ pa shesheŋoŋ ndɔ mbɨnɨ nchhɔ chɔmbhi taoŋtaoŋ ŋa a ŋkiɛŋ paʼa kaŋ taʼa ŋoŋ lɔ shi njəɨ Taathɔ nɛ.

Nnu Nōoŋ 14:1

Nnɛ m̀bɛʼi, ŋga njəɨ nu nɛ, Muuŋ Minjɨɨ ghɔ thi ŋkuoŋ Mbra Shayaoŋ pugu pa taʼa ŋkɨɨ ŋkaŋ ni khwɛ wuŋ ŋkaŋ ni ŋkaŋ ŋgwa yi khwɛ ŋa pugu ni mfāʼo ligi yi pugu ligi Tǎa vi choyei pugu.

Nnu Nōoŋ 3:12

Ŋoŋ ŋa a māʼaŋ ti ŋgaʼa nɛ, ǹshi nchwīe vi a pɔ kwìni Nda Minnwi a. Mbaʼa a lɛ ma nuʼuŋ ntaoŋ fɔ, ǹdɔ mbɨnɨ nāʼaŋ ligi Minnwi a mbɨŋ yu, mbɨnɨ nāʼaŋ ligi laʼataoŋ Minnwi a mbɔ Jerushalɛiŋ fhi, ŋa a taoŋ po nshwiʼi nu shhɛ llɔ mbhɔ Minnwi a, pugu pa ligi a yi fhi nɛ, mbɨŋ yu.

Nnu Nōoŋ 7:3

Nchhu nu ŋa, “Kiʼi pəɨ yiʼi mfɛ ŋgəʼɨ ni ŋkuoŋ shhɛ pugu pa ŋkhǐ ki pa thɨ, ti pigi nuʼuŋ nūʼɔŋ lì puoŋ fàʼa Minnwi yia nɔ choyei yugu.”