Nnu Nōoŋ 19:6 - Ŋwaʼaŋlɨ Kɨǹ a Fhi

⁶ Ǹjaʼo yaoŋ ŋa a pɔ nɔ ŋggì mmɛ yú nɛ, nɔ khɔ nu ntou ŋkhǐ, pugu pa ŋggì mmɛ wara nu mbɨ̀, kə̄ɨ nu ni njɨ ŋa, “Ghaʼo Yawe! Nthɛ ŋa Taathɔ, mbɔ Minnwi yia, mbɔ chaa ŋguoŋ njɨ, shaʼa.

Nnu Nōoŋ 19:6 ပူးပေါင်းရင်းမြစ်များ

Matio 6:13

Kiʼi nchwīe pigi nii moŋ tɨtɨnɨ mōoŋ nu ndɔ kwe vigi mbhɔ ŋoŋ mbɨmbhɨ.

Nnu Nōoŋ 1:15

Kwo mi pɔ nɔ yichəɨ ŋkwaŋ tɨ́nɨ ŋa pi tūoŋ moŋ móŋoŋ ndɔ njuʼɔ a lɨɨ. Ŋggì yi pɔ nɔ ntou ŋkhǐ ŋa a khīi ŋkhɔ̄ nu.

Nnu Nōoŋ 1:8

Minnwi Taathɔ chhu ŋa, “Mi njɛ̄ yi ndɔ mbɔ ndugwi yi, mbɔ ju ŋa a pɔ, ni mbɔ, ndɔ shi nthɔ, ju ŋa a chaa ŋguoŋ njɨ nɛ.”

Nnu Nōoŋ 12:10

Ǹjaʼo ŋkiɛŋ mmɛ ŋggì po chhu nu ŋa, “Ndwɛ lūgu nu pugu pa ghrɨ́ pugu pa Shaʼafuoŋ Minnwi via ni njɨ Ju ŋa Minnwi Chuʼɔ Ntaoŋ nɔ Ŋkwe nɛ kwo thɔ, nthɛ ŋa pi kwo māʼaŋ ŋgaŋ shwei fàŋ pa lǐŋ pia shhɨ Minnwi shhɛ, ŋa a ghà nchhu pa fàŋ pa lǐŋ pia moŋ naoŋchɨ pugu pa tuʼu shhɨ Minnwi yia nɛ.

Nnu Nōoŋ 14:2

Ǹjaʼo yichəɨ ŋggì llɔ po, a pɔ nɔ ntou pa ŋkhǐ ŋa a wara nu nɔ ŋggì mmɛ miwara mbɨ̀. Ŋggì ŋa mi ni njaʼo nɛ ni mbɔ nɔ ŋggì ntou ŋgwa ŋa pugu thɔ mbaʼo lóu.

Nnu Nōoŋ 19:1

Yei ni ŋga ntɔgɔ, ǹjaʼo yaoŋ ŋa a pɔ nɔ mmɛ ŋggì ntou yú po, paʼo ŋgòu, nchhu nu ŋa, “Ghaʼo Yawe! Lūgu nu pugu pa ndighaʼo pugu pa njɨ pɔ ni Minnwi yia.

Nnu Nōoŋ 19:4

Paa wuŋ thishɨ chɨɨchɨɨ ni yi khwɛ ghɔ pugu pa khwɛ mimaoŋ maoŋ pighɔ gū shhɛ ŋgaʼo Minnwi ŋa a ni nchhɔ ŋkuoŋ faaŋ, nchhu nu ŋa, “A pɔ nɛnnɛ. Ghaʼo Yawe!”

Nnu Nōoŋ 21:22

Ǹshini ndɔ njiʼi njəɨ Nda Minnwi moŋ mmɛ laʼataoŋ ghɔ, nthɛ ŋa Nda Minnwi ghɔ yi Minnwi Taathɔ ŋa a chaa ŋguoŋ njɨ nɛ, pugu Muuŋ Minjɨɨ.

Nnu Nōoŋ 4:5

Pa sheishei fiembɨ pugu pa miwara mbɨ̀ taoŋ nu ŋkuoŋ faaŋ ghɔ. Khwachəɨ ŋkiʼa móŋoŋ ni nthɔ ŋkɨɨ nu shhɨ faaŋ ghɔ mbɔ khwachəɨ Jijwɛ Minnwi.

Nnu Nōoŋ 6:1

Nnɛ m̀bɛʼi njəɨ ndɨɨ ŋa taʼa Muuŋ Minjɨɨ ghɔ ni mbəʼɨ mfēi taʼa lěi shɨna khwachəɨ lěi ghɔ nɛ, ǹjaʼo taʼa miyaoŋ maoŋ ghɔ chhu ni mmɛ ŋggì nɔ mbɨ̀ ŋa a wara ŋa, “Thɔ!”

Nnu Nōoŋ 8:5

Ŋgaŋ ntaoŋ ghɔ kwe pɛiŋ ghɔ ŋa pi chwīe pi ni laoŋgo nɛ niʼiŋ móŋoŋ moŋ ghɔ a lɨnaoŋ llɔ ŋkuoŋ lɨʼɨ fɛʼiŋgiɛŋ ghɔ, nchaʼa māʼaŋ ŋkuoŋ shhɛ, wara nu pugu pa luo nu mbɨ̀ lɔ̄gɔ lɨʼɨ, pa fiembɨ shēi nu, shhɛ chɨ̄ʼɨ shɨna nu.