Nnu Nōoŋ 18:23 - Ŋwaʼaŋlɨ Kɨǹ a Fhi

²³ Líʼɛ ŋa laŋ ghà mfɛ nɛ, mbaʼa a ma nuʼuŋ nthɛ shɨna pəɨ ŋkamuʼɔŋ. Ŋggì mimbia láŋ pugu miŋgwɛ fhi, mbaʼa pi ma nuʼuŋ njaʼo shɨna pəɨ ŋkamuʼɔŋ. Nthɛ ŋa ŋgwa ŋa pugu ni nthɔ mbiʼɛ taŋ nɛ ni mbɔ pugu mbɔ pa mmɛ ŋgwa ŋkuoŋ shhɛ. Pəɨ ni mfɨ̄ɨ ŋguoŋ ŋgwa laʼataoŋ ghao ni ŋgáŋ yəɨ.

Nnu Nōoŋ 18:23 ပူးပေါင်းရင်းမြစ်များ

Fàʼa 8:11

Pugu ni mfɛ ndɨɨ yugu ghɔ nɛnnɛ nthɛ ŋa nɔ ntaaŋ ndɨɨ a ni ŋgwīni vugu ni ŋgáŋ yi ŋa a ni ntou nu nɛ.

Nnu Nōoŋ 12:9

Pi māʼaŋ mmɛ minyieŋ ghɔ shhɛ, mbɔ mmɛ mitwɛʼi llɛshhɨ ŋa pi mɛ̄iŋ vi ni devɨ ki Shata nɛ, mbɔ ŋgaŋ fɨ̄ɨ ŋguoŋ mbhi. Pi ni māʼaŋ vi ŋkuoŋ shhɛ, māʼaŋ pa ghaŋ ntaoŋ pi pugu pugu.

Nnu Nōoŋ 17:2

A ju ŋa pa fùoŋ ŋkuoŋ shhɛ hɛiŋ kwo pɔ pugu pugu moŋ shúoŋ nɛ, ŋgwa ŋkuoŋ shhɛ hɛiŋ kwo paa nthɛ nnu nu làʼo kwoshuoŋ yi nɛ.”

Nnu Nōoŋ 17:5

Pi ni nāʼaŋ yichəɨ nnu lə̄ɨŋ ŋkuoŋ choyei yi: Mmɛ Babiloŋ mbɔ mǔuŋ pa shakhɨ pugu pa ŋguoŋ pa nnu pɨphɨ ghao ŋkuoŋ shhɛ.

Nnu Nōoŋ 18:22

Nnɛ ŋggì lóu ŋa pi ghà ŋkraokrao, pugu pa ghaŋ paʼo lóu, pugu pa yi maoŋ tua, ni ghaŋ tua ntàŋ, mbaʼa pi ma nuʼuŋ njaʼo shɨna ghɔ ŋkamuʼɔŋ ki ghaŋ chwīe sheshe ŋkwaŋ maoŋ ni mbhɔ, mbaʼa pi nuʼuŋ njəɨ vugu shɨna ghɔ ŋkamuʼɔŋ ki ŋggì ŋgùʼɔ wuʼɔ yaoŋ, mbaʼa pi nuʼuŋ njaʼo shɨna ghɔ.

Nnu Nōoŋ 18:3

Nthɛ ŋa ŋguoŋ pa laʼataoŋ ghao kwo nnu làʼo tɨtɨnɨ shɔ̄rɔ nu kwoshuoŋ yi, pa fùoŋ ŋkuoŋ shhɛ hɛiŋ kwo pɔ pugu pugu moŋ shúoŋ, pa ghaŋ piʼɛ taŋ ŋkuoŋ shhɛ hɛiŋ kwo gū ghaŋ fàʼo llɔ ŋkuoŋ tɨtɨnɨ pɨ̀ga pugu pa njùʼɔ shúoŋ yi.”

Nnu Nōoŋ 18:9

Pa fùoŋ ŋkuoŋ shhɛ, ŋa pugu pugu ni mbɔ moŋ nnu kwoshuoŋ, nchhɔ moŋ nchhɔ́ shiʼi pugu pugu nɛ shi ŋkə̄ɨ ndɔ njūa nthɛ vi ndɨɨ ŋa pugu shi njəɨ ndindhi móŋoŋ ŋa a chhɔ ŋkɨɨ vi nɛ.

Nnu Nōoŋ 21:8

Ndɔ ni pa mbɛnɛ njùʼɔ, ghaŋ ki fāʼo piŋ, pa ŋgwa pɨrɨ, pa ghaŋ jwi ŋgwa, pa ghaŋ kwoshuoŋ, pa ghaŋ tou ŋgaŋ, ghaŋ ghaʼo pa nnwi, pugu pa ŋguoŋ pa ndɛʼi ŋgiɛŋ, lɨʼɨ chhɔ yugu pɔ moŋ lɨ̀ɨ ŋa a kɨɨ nu ni móŋoŋ ŋgùʼɔ mikaŋ pugu pa ŋgùʼɔ móŋoŋ, mbɔ mbra gu.”

Nnu Nōoŋ 22:15

Ndɔ pa miŋgu, pa ghaŋ tou ŋgaŋ, ni pa ghaŋ kwoshuoŋ, pa ghaŋ jwi ŋgwa ni pa ghaŋ ghaʼo pa nnwi pɔ pi mbhi pugu pa shesheŋoŋ ŋa pugu khwā pa nnu mbe ndɔ nchwīe nu nɛ.

Nnu Nōoŋ 22:5

Mbaʼa tuʼu ma nuʼuŋ mbɔ, mbaʼa chà líʼɛ, ki laŋ ki minaoŋ yiʼi mbɔ, nthɛ ŋa Minnwi Taathɔ shi mbɔ líʼɛ yugu, pugu shaʼa nɔ pa fùoŋ ki ndugwi yi.

Nnu Nōoŋ 6:15

Nnɛ pa fùoŋ ŋkuoŋ shhɛ pugu pa ŋgwa liɛŋliɛŋ, pugu pa mɛmmɛ thishɨ pa shoogɛ, pugu pa ghaŋ fāʼo, pugu pa ghaŋ ghrɨ́, pugu pa sheshe ŋkwaŋ ŋgwa, ŋkǔna pugu ŋgwa pɛ ŋa pugu lɔ njiʼi mbɔ ŋkǔna nɛ, lɛ̄rɛ moŋ pa pùo pugu pa shɨna pa ŋgùʼɔ ŋkuoŋ mbra,

Nnu Nōoŋ 9:21

Pugu shini ndɔ mbāʼa ŋkǔnu yugu njiʼi nthɛ pi nɔ pa nnu jwi ŋgwa, nnu tou ŋgaŋ, ki nnu shúoŋ pugu pa ŋgɨna.