Nnu Nōoŋ 18:18 - Ŋwaʼaŋlɨ Kɨǹ a Fhi

¹⁸ Pugu ni ŋkə̄ɨ ni njɨ nɔ haʼaŋ pugu ni njəɨ ndindhi ŋa a taoŋ nu moŋ móŋoŋ ŋa a ni nchhɔ ŋkie vi nɛ, ŋa, “A yəɨ laʼataoŋ ŋa a ni mbɔ nɔ mmɛ Babiloŋ?”

Nnu Nōoŋ 18:18 ပူးပေါင်းရင်းမြစ်များ

Nnu Nōoŋ 13:4

Pugu ni ŋgaʼo mmɛ mikwokwo ghɔ nthɛ ŋa a fɛ ghrɨ́ yi ni minyieŋ ghɔ ndɔ pugu ghaʼo minyieŋ ghɔ, nchhu nu ŋa, “A gɔ̌ nɔ minyieŋ yei, ndɔ a nthɛ a wie pugu gɔ̌ ŋgwie ŋkrɔ̀?”

Nnu Nōoŋ 14:11

Ndindhi móŋoŋ ŋgəʼɨ yugu kuʼɔ tɔthɨ ki ndugwi yi, fɛrɛnoŋ lɔ mbɔ moŋ naoŋchɨ pugu pa tuʼu ni ŋgwa pei ŋa pugu ghaʼo minyieŋ ghɔ pugu pa yaoŋ ŋa pi chwīe nɔ fhi yi nɛ, pugu pa shesheŋoŋ ŋa a piŋ pi nūʼɔŋ lì ligi yi mbɨŋ yu nɛ.

Nnu Nōoŋ 16:19

Mmɛ laʼataoŋ ghɔ ni nshɨna ntaoŋ trɛi krao, pa moŋ laʼa moŋ pa taoŋ taoŋ gu. Minnwi kwiŋ mmɛ Babiloŋ nchwīe vi a nnu làʼo llɔ moŋ ndua mmɛ pɨgɨtua yi.

Nnu Nōoŋ 18:16

nchhu nu ŋa, “A nnu wuwuru! A nnu wuwuru ni mmɛ laʼataoŋ ŋa a ni māʼaŋ pi ŋkiɛŋ ndhwí nɛ, ndhwí ŋa a pie shishini pugu pa ndhwí pipie, mbūoŋ noŋ yi ni laoŋgo pugu pa shɨ́ga ni pa ŋgùʼɔ tɨnɨnchuoŋ pi mɛ̄iŋ ni pəə!