Nnu Nōoŋ 18:16 - Ŋwaʼaŋlɨ Kɨǹ a Fhi

¹⁶ nchhu nu ŋa, “A nnu wuwuru! A nnu wuwuru ni mmɛ laʼataoŋ ŋa a ni māʼaŋ pi ŋkiɛŋ ndhwí nɛ, ndhwí ŋa a pie shishini pugu pa ndhwí pipie, mbūoŋ noŋ yi ni laoŋgo pugu pa shɨ́ga ni pa ŋgùʼɔ tɨnɨnchuoŋ pi mɛ̄iŋ ni pəə!

Nnu Nōoŋ 18:16 ပူးပေါင်းရင်းမြစ်များ

Nnu Nōoŋ 17:3

A tiɛŋ a moŋ Jijwɛ ŋgə̄ɨ ni mmu moŋ ŋkǔnu njó, ǹjəɨ yichəɨ miŋgwɛ a chɔchɔ ŋkuoŋ minyieŋ pipie ŋa pi nāʼaŋ pa ligi ŋa a wɛʼi Minnwi nɛ ŋkuoŋ ŋguoŋ noŋ yi ghao. Minyieŋ ghɔ fāʼo khwachəɨ thɔ ni wuŋ ndua.

Nnu Nōoŋ 17:4

Miŋgwɛ ghɔ ni māʼaŋ ndhwí pipie, nchwīe noŋ yi ni pa shɨ́ga laoŋgo pugu pa ŋgùʼɔ pwapwa pugu pa pichəɨ ŋkwaŋ maoŋ ŋgɨ̀nɔ. A ni ntuo ndua ŋa pi chwīe ni laoŋgo a lɨnaoŋ ni pa nnu pɨphɨ pugu pa tɔtrɔ shúoŋ yi.

Nnu Nōoŋ 18:18

Pugu ni ŋkə̄ɨ ni njɨ nɔ haʼaŋ pugu ni njəɨ ndindhi ŋa a taoŋ nu moŋ móŋoŋ ŋa a ni nchhɔ ŋkie vi nɛ, ŋa, “A yəɨ laʼataoŋ ŋa a ni mbɔ nɔ mmɛ Babiloŋ?”

Nnu Nōoŋ 18:19

Pugu shāʼo pru thɔ pugu nɔ haʼaŋ pugu ni ŋkə̄ɨ nu ndɔ njūa nu nɛ, ŋkə̄ɨ nu ni njɨ ŋa, “A nnu wuwuru ni mmɛ laʼataoŋ ghɔ, mbɔ lɨʼɨ ŋa ŋguoŋ ŋgwa pɛ ŋa pugu fāʼo pa mitu ŋkhǐ moŋ ŋkhǐ nɛ, tɔgɔ pi ŋkuoŋ fàʼo yi ŋgū ghaŋ fàʼo! Nthɛ ŋa shɨna taʼa awa, a gū gha.”