Nnu Nōoŋ 17:17 - Ŋwaʼaŋlɨ Kɨǹ a Fhi

¹⁷ Nthɛ ŋa Minnwi kwo kāoŋ njùʼɔ yugu ŋa pugu chwīe nnu ŋa ju Minnwi tāʼa nu nɛ, ntɔgɔ pi ŋkuoŋ pɔ nu ni taʼaŋggi mfɛ ghrɨ́ yugu nɔ pa fùoŋ ni minyieŋ ghɔ, ti pa chrà Minnwi nuʼuŋ ndɔ̄gɔ lɨʼɨ.

Nnu Nōoŋ 17:17 ပူးပေါင်းရင်းမြစ်များ

Luka 22:22

Nthɛ ŋa Muuŋ Ŋoŋmishua shi ŋguʼɔ ŋgə̄ɨ pi ŋkwaŋ haʼaŋ Minnwi ni nūʼɔŋ nɛ, ndɔ ŋgəʼɨ wuwuru shi nii ŋoŋ ŋa a fīni vi nɛ.”

Luka 22:3

Judashi, ŋa pi ni mɛ̄iŋ vi ni Ishikario nɛ, ŋa a ni mbɔ taʼa ŋoŋ shɨna paanchrɔ ghaŋ younjiŋ Jishɔ nɛ, mieŋ noŋ yi Shata nii nùʼɔŋ yu.

Luka 22:37

Nthɛ yie ghɔ, ǹchhu ni pəɨ ŋa chrà Minnwi yei ŋa pi nāʼaŋ ŋa, ‘pi shia vi shɨna ghaŋ chwīe phɨ nɛ,’ shi ŋguʼɔ ndɔ̄gɔ lɨʼɨ mbɨŋ mu nthɛ ŋa pa nnu pɛ ŋa pi nāʼaŋ nthɛ a nɛ thɔ ŋguʼɔ ndɔ̄gɔ lɨʼɨ ŋkwaŋ haʼaŋ pi ni nāʼaŋ nɛ.”

Jouŋ 10:35

Ti a mɛ̄iŋ vugu ŋa chrà Minnwi ni nthɔ mbhɔ pugu nɛ ni pa nnwi, ndɔ pia ji ŋa mbaʼa pi pəʼɨ chrà ‘minnwi’,

Jouŋ 13:18

“Ǹdɔ nchrā nthɛ pi ŋguoŋ yəɨ ghao, ǹji ŋgwa pɛ ŋa ǹchuʼɔ vugu nɛ. Ndɔ nnu ŋa Ŋwaʼaŋlɨ Minnwi chhu nɛ shi ndɔ̄gɔ lɨʼɨ ŋa, ‘Ŋoŋ ŋa pigi yu jɨ maoŋ kaʼa nɛ kara māʼaŋ a ni nchhɔ̀.’

Jouŋ 13:2

A ni ŋga mbɔ ndɨɨ jɨ maoŋ, devɨ kwo kāoŋ njùʼɔ Judashi Ishikario muuŋ Shemu, ŋa a fīni Jishɔ.

Jouŋ 19:24

Nɛnnɛ pugu chhu ni noŋ pugu ŋa, “Kiʼi pia shāa, pia ka māʼaŋ pi yaoŋ nɔ yəɨ nu ŋa a shi mbɔ yi gɔ̌?” Yei ni mbɔ nɔ chwīe nu Ŋwaʼaŋlɨ Minnwi lɔ̄gɔ lɨʼɨ ŋa a chhu ŋa, “Pugu ni ŋgrā mmɛ ndhwí fɨgəɨ a shɨna pugu, māʼaŋ yaoŋ shhɛ nɔ jɨ nu muuŋ ndhwí a,” nnɛ pa shoogɛ pighɔ chwīe nnu pei.

Jouŋ 19:28

Jishɔ ni nji ndwɛ ŋa ŋguoŋ nnu kwo mmɛ, nchhu ŋa (nɔ chwīe nu chrà Minnwi pɔ nnu shini), “Njùʼɔ a yaoŋ.”

2 Koriŋ 8:16

Ndɔ pia tōo Minnwi ŋa a fɛ taʼa ŋkwaŋ niʼiŋ njùʼɔ ŋa pigi fāʼo nɔ lɨna nu ni pəɨ nɛ njùʼɔ Taitu.

Nnu Nōoŋ 10:7

Ndɔ ŋgaŋ ntaoŋ Minnwi mbɔ ŋgaŋ khwachəɨ shɨna shi ŋga ntua ntàŋ yi, kaŋ Minnwi shi nchwīe nnu lə̄ɨŋ ŋa a ni ŋkāʼa nɛ. A shi ndɔ̄gɔ lɨʼɨ pi wuʼɔ nɔ haʼaŋ a ni nchīi ni puoŋ fàʼa pi mbɔ pa njəɨlɨʼɨ Minnwi.”

Nnu Nōoŋ 15:1

Nnɛ, ǹjəɨ yichəɨ lì po, a pɔ mmɛ yi ndɔ mbɔ yi ghraoghrao, khwachəɨ pa ghaŋ ntaoŋ Minnwi ni khwachəɨ pa ŋkwaŋ ŋgəʼɨŋgəʼɨ, mbɔ pa ndugwi pi nthɛ ŋa a ndugwi njiŋ nōoŋ nu pɨgɨtua Minnwi.

Nnu Nōoŋ 17:13

Wuŋ fùoŋ pei pɔ pi ni taʼaŋggi, mfɛ njɨ yugu pugu pa ghrɨ́ yugu nɔ shaʼa nu ni minyieŋ ghɔ.

Nnu Nōoŋ 19:9

Ŋgaŋ ntaoŋ Minnwi ghɔ chhu vəɨ ŋa, “Nāʼaŋ yei: Mbɔrɔ yi ŋgwa pɛ ŋa pi gɛ̄ vugu lɨʼɨ jɨ tini Muuŋ Minjɨɨ nɛ.” Mbɨnɨ nchhu vəɨ ŋa, “Yei ya mbɔ pi pa chrà Minnwi shishini.”

Nnu Nōoŋ 6:11

Nnɛ pi fɛ mmɛ ndhwí fhu ni shesheŋoŋ vugu, nchhu ni pugu ŋa pugu fɛrɛ nɔ kuo ndɨɨ, ti pi nuʼuŋ njwi pichəɨ pakwo fàʼa pugu, pugu pa lǐŋ pugu ŋkwaŋ haʼaŋ pi jwi vugu nɛ, ti fɨʼɨ yugu nuʼuŋ ŋkāʼo.