Nnu Nōoŋ 16:7 - Ŋwaʼaŋlɨ Kɨǹ a Fhi

⁷ Ǹjaʼo, lɨʼɨ fɛʼiŋgiɛŋ Minnwi chhu nu ŋa, “Ooŋ, ma Taathɔ, mbɔ Minnwi ŋa a chaa ŋguoŋ njɨ nɛ, pa njɔ́ pɔ kāʼo ndɔ mbɔ yi nnu shini!”

Nnu Nōoŋ 16:7 ပူးပေါင်းရင်းမြစ်များ

Nnu Nōoŋ 1:8

Minnwi Taathɔ chhu ŋa, “Mi njɛ̄ yi ndɔ mbɔ ndugwi yi, mbɔ ju ŋa a pɔ, ni mbɔ, ndɔ shi nthɔ, ju ŋa a chaa ŋguoŋ njɨ nɛ.”

Nnu Nōoŋ 13:10

S̈hesheŋoŋ mbɔ ŋa pi shi ŋgwɛ̄iŋ vi nɔ ŋgaŋ chə́ɨŋ, kaŋ pi shi ŋgwɛ̄iŋ vi nɔ ŋgaŋ chə́ɨŋ. S̈hesheŋoŋ mbɔ ŋa pi shi nsho vi ni kafa, kaŋ pi shi nsho vi ni kafa. Yei gɛ̀ ni ŋgwa Minnwi pi taoŋtaoŋ nɔ tīi nu shii pugu pa piŋ.

Nnu Nōoŋ 14:10

kaŋ ju ŋkaa yu shi nnu làʼo Minnwi, mbɔ làʼo pɨgɨtua yi, ŋa a shāʼo ni ŋguoŋ njɨ moŋ ndua pɨgɨtua yi nɛ. Ŋguoŋ pa ŋgwa ŋa pugu chwīe nnu yei nɛ, pi shi mfɛ ŋgəʼɨ ni pugu moŋ móŋoŋ pugu pa móŋoŋ ŋgùʼɔ mikaŋ ŋa a kɨɨ nu nɛ shhɨ pa ghaŋ ntaoŋ Minnwi pi taoŋtaoŋ pugu pa shhɨ Muuŋ Minjɨɨ.

Nnu Nōoŋ 14:18

Yichəɨ taʼa ŋgaŋ ntaoŋ Minnwi taoŋ lɨʼɨ fɛʼiŋgiɛŋ, mbɔ yɛ ŋgaŋ ntaoŋ ŋa a ni mfāʼo ghrɨ́ móŋoŋ nɛ, mɛ̄iŋ yɛ ŋa a ni mfāʼo minwi chəchɨgəɨ ghɔ nɛ ni njɨ ŋa, “Lɔ̄gɔ minwi yɔ njaʼa ntíɛŋ thɨ grape moŋ faaŋ grape ŋkuoŋ shhɛ, nthɛ ŋa pa ntíɛŋ thɨ grape pi kwo tɨnɨ.”

Nnu Nōoŋ 19:2

Nthɛ ŋa shaʼa nu mi pɔ pi yi nnu shini mbɨnɨ mbɔ yi ndɨndɨ, nthɛ ŋa a kwo shaʼa mmɛ shakhɨ ghɔ, ŋa a ni nthɔ mfuo pa ŋkuoŋ shhɛ moŋ pa nnu kwoshuoŋ mi. Minnwi fɛ njɔ́ ghɔ nthɛ ŋa a ni njwi puoŋ fàʼa ju Minnwi.”

Nnu Nōoŋ 6:9

A ni ŋga nchuʼɔ yichəɨ mbra lěi a pɔ yi tiɛŋ, ǹjəɨ nchə̌ɨ ŋgwa laʼo lɨʼɨ fɛʼiŋgiɛŋ Minnwi, mbɔ ŋgwa pɛ ŋa pi ni njwi vugu nthɛ chrà Minnwi pugu pa ŋa pugu thi tɨtɨnɨ moŋ pɔ nu pa miŋkwentie.