Nnu Nōoŋ 16:13 - Ŋwaʼaŋlɨ Kɨǹ a Fhi

¹³ Ǹjəɨ trɛi jijwɛ pɨphɨ pugu pɔ nɔ mishɨnɔ. Pugu ni nchhɔ ntaoŋ nu nchò mmɛ ndaoŋ mikwokwo, pugu pa nchò minyieŋ ghɔ, ni nchò njəɨlɨʼɨ mifɨɨ.

Nnu Nōoŋ 16:13 ပူးပေါင်းရင်းမြစ်များ

Matio 7:15

“P̂əɨ chhɔ ndɨna pa njəɨlɨʼɨ mifɨɨ ŋa pugu thɔ ni pəɨ moŋ ŋgrào pa minjɨɨ ndɔ moŋ ghɔ pugu pɔ pa miŋaŋieŋ pɨgɛi lɨʼɨ.

Nnu Nōoŋ 16:14

Pugu ni mbɔ pa jijwɛ pa miŋwɛiŋ nthɔ nōoŋ pa lì ndɔ ŋgə̄ɨ njəɨ pa fùoŋ moŋ ŋguoŋ mbhi nɔ kɨrɨ nu vugu taʼa lɨʼɨ nɔ nchhɔ̀ moŋ mmɛ llɛ́ Minnwi ŋa a chaa ŋguoŋ njɨ nɛ.

Nnu Nōoŋ 18:2

A mɛ̄iŋ ni ŋkiɛŋ mmɛ ŋggì ŋa, “Mmɛ Babiloŋ gū, a gū! A gū lɨʼɨ chhɔ pa miŋwɛiŋ, mbɔ lɨʼɨ ŋa ŋguoŋ pa jijwɛ pɨphɨ ghà ŋgə̄ɨ ŋkra fɔ ŋguoŋ ndɨɨ nɛ, lɨʼɨ ŋa ŋguoŋ pa mishi pɨphɨ ghà ŋgə̄ɨ ŋkra fɔ ŋguoŋ ndɨɨ ghao, lɨʼɨ ŋa ŋguoŋ pa minyieŋ pɨphɨ, minyieŋ ŋa pi lɔ njiʼi ntāʼa nu nɛ ghà ŋgə̄ɨ fɔ ŋguoŋ ndɨɨ.

Nnu Nōoŋ 19:20

Pi ni ŋgwɛ̄iŋ minyieŋ ghɔ ni njəɨlɨʼɨ mifɨɨ ŋa a ni nōoŋ ntou pa lì shhɨ yu nɛ, mbɔ pa lì pɛ ŋa a ni mfɨ̄ɨ ŋgwa pɛ ŋa pugu ni mbiŋ mfāʼo lì minyieŋ, mbɔ ŋgwa pɛ ŋa pugu ni ŋgaʼo yaoŋ ŋa pi ni nchwīe a pɔ nɔ minyieŋ ghɔ nɛ. Pi ni māʼaŋ minyieŋ ghɔ pugu pa njəɨlɨʼɨ mifɨɨ ghɔ pi maoŋ moŋ lɨ̀ɨ móŋoŋ ŋa a kɨɨ nu ni ŋgùʼɔ mikaŋ nɛ.

Nnu Nōoŋ 20:10

Pi māʼaŋ devɨ ŋa a ni mfɨ̄ɨ vugu nɛ moŋ mmɛ lɨ̀ɨ móŋoŋ ŋgùʼɔ mikaŋ pugu pa ŋgùʼɔ móŋoŋ lɨʼɨ ŋa minyieŋ ghɔ pugu njəɨlɨʼɨ mifɨɨ ni mbɔ nɛ. Pi wūo ŋgəʼɨ mbɨŋ pugu fɔ ni naoŋchɨ pugu pa tuʼu, ki ndugwi yi.