Nnu Nōoŋ 14:3 - Ŋwaʼaŋlɨ Kɨǹ a Fhi

³ Pugu ni nchhɔ njrāo ŋkhǐ fhi shhɨ faaŋ pugu pa shhɨ khwɛ pa miyaoŋ maoŋ pighɔ pugu pa thishɨ chɨɨchɨɨ. Yichəɨ ŋoŋ kaŋ ni mfɛ paʼa a lɔ njɛʼi ŋkhǐ ghɔ ŋkiɛŋ taʼa ŋkɨɨ ŋkaŋ ni khwɛ wuŋ ŋkaŋ ni ŋkaŋ yi khwɛ ŋa pi ni njuoŋ vugu shɨna pa ŋgwa ŋkuoŋ shhɛ nɛ.

Nnu Nōoŋ 14:3 ပူးပေါင်းရင်းမြစ်များ

1 Koriŋ 1:18

Nthɛ ŋa ŋkɨ̀nɨ nthɛ gu Krishto ŋkuoŋ wáʼa pɔ pi nnu na ni ŋgwa pɛ ŋa pugu phɛ nu gha nɛ, ndɔ ni pia ŋa pia lūgu nu nɛ, a ghrɨ́ Minnwi.

1 Koriŋ 2:14

Ŋoŋ ŋa a lɔ njiʼi mfāʼo Jijwɛ Minnwi nɛ minthɛ paʼa a lɔ njiʼi mbiŋ pa nnu ŋa a llɔ mbhɔ Jijwɛ Minnwi nɛ, nthɛ ŋa pa nnu pighɔ pɔ pi nɔ pa nnu na, nthɛ ŋa minthɛ pi wuʼɔ nji ghɛ̀rɛ nnu pighɔ pi moŋ Jijwɛ.

Nnu Nōoŋ 14:1

Nnɛ m̀bɛʼi, ŋga njəɨ nu nɛ, Muuŋ Minjɨɨ ghɔ thi ŋkuoŋ Mbra Shayaoŋ pugu pa taʼa ŋkɨɨ ŋkaŋ ni khwɛ wuŋ ŋkaŋ ni ŋkaŋ ŋgwa yi khwɛ ŋa pugu ni mfāʼo ligi yi pugu ligi Tǎa vi choyei pugu.

Nnu Nōoŋ 15:3

Pugu yrāo ŋkhǐ Mushi, mbɔ muuŋ fàʼa Minnwi pugu pa ŋkhǐ Muuŋ Minjɨɨ ghɔ, nchhu nu ŋa, “Fàʼa pɔ ghaʼo ndɔ mbɔ yi ghraoghrao, ma Minnwi Taathɔ, ŋa a chaa ŋguoŋ njɨ nɛ. Ɔ nōoŋ fàʼa yɔ yi ndɨndɨ ndɔ mbɔ yi shishini, ma Fùoŋ pa taoŋ taoŋ!

Nnu Nōoŋ 2:17

“ ‘Ŋoŋ ŋa a fāʼo tə́nə nɛ, â yaʼo nnu ŋa Jijwɛ chhu nu ni pa chɔshi nɛ. Ni ŋoŋ ŋa a māʼaŋ ti ŋgaʼa nɛ, ǹshi mfɛ yichəɨ ŋkwaŋ yaoŋ jɨ ŋa pi mɛ̄iŋ ni mana ŋa pi ni ndə̄ɨŋ nɛ ghɔ. Mbɨnɨ mfɛ muuŋ ŋgùʼɔ fhu ghɔ, ni ligi fhi ŋa pi nāʼaŋ ŋkuoŋ ghɔ ŋa shesheŋoŋ lɔ njiʼi nji ŋkiɛŋ ju ŋa a kwe nɛ.’

Nnu Nōoŋ 5:9

Pugu yrāo ŋkhǐ fhi, nchhu nu ŋa, “A kāʼo gɔ̀ nɔ lɔ̄gɔ nu ŋwaʼaŋlɨ ghɔ mbāʼa pa lěi ŋa pi lēi nɔ ghɔ nɛ. Nthɛ ŋa pi ni nsho ghɔ, ndɔ ntɔgɔ pi ŋkuoŋ chhǐ yɔ ɔ yuoŋ ŋgwa mfuʼu mfɛ ni Minnwi llɔ moŋ ŋguoŋ kɨrɨ ndaaŋoŋ pugu pa llɔ moŋ ŋguoŋ ŋkwaŋ chrà taoŋtaoŋ pugu pa kɨrɨ pa ŋgwa pugu pa laʼataoŋ.

Nnu Nōoŋ 7:4

Ǹjaʼo fɨʼɨ ŋgwa ŋa pi ni nūʼɔŋ lì yugu nɛ pɔ taʼa ŋkɨɨ ŋkaŋ ni khwɛ wuŋ ŋkaŋ ni ŋkaŋ yi khwɛ llɔ moŋ ŋguoŋ ndaaŋoŋ Ishrae: