Nnu Nōoŋ 13:7 - Ŋwaʼaŋlɨ Kɨǹ a Fhi

⁷ Pi ni mbɨnɨ mieŋ vi ŋa a māʼaŋ pa ŋgwa Minnwi pi taoŋtaoŋ ni nchhɔ̀ ndɔ ŋgaʼa vugu, pi fɛ ghrɨ́ mbɨŋ pa ŋguoŋ pa ndaaŋoŋ, pugu pa kɨrɨ ŋgwa, ni pa ŋgwa llɔ moŋ chrà taoŋ taoŋ pugu pa laʼataoŋ.

Nnu Nōoŋ 13:7 ပူးပေါင်းရင်းမြစ်များ

Luka 4:6

Nchhu ghɔ ŋa, “Ǹshi mfɛ njɨ vɛ nɔ shaʼa nu ŋguoŋ taoŋ, fàʼo yugu pɔ jɔ ti ɔ̈ ŋgaʼo a, m̀fɛ vɛ, nthɛ ŋa pi kwo fɛ vəɨ, ti m̈i ŋkhwā m̀fɛ ni shesheŋoŋ ŋa ŋ̀khwā nɛ.”

Jouŋ 19:11

Jishɔ khwɛ̄ ghɔ ŋa, “Ɔ fāʼo ghrɨ́ mbɨŋ mu ŋguʼɔ nthɛ pi ŋa a fɛ Minnwi vɛ. Nthɛ yie ghɔ, ŋoŋ yɛ ŋa a chaʼa a mfɛ vɛ nɛ fāʼo ju mmɛ phɨ.”

Nnu Nōoŋ 10:11

Pi chhu vəɨ ŋa, “Ɔ shi mbɨnɨ nuʼuŋ nchhu ŋkɨ̀nɨ Minnwi nthɛ ntou pa ŋgwa pugu pa taoŋ taoŋ pugu ŋkwaŋ ŋkwaŋ chrà pa taoŋ pugu pa fùoŋ.”

Nnu Nōoŋ 11:18

Pa laʼataoŋ fāʼo pɨgɨtua, ndɔ pɨgɨtua yɔ ni nthɔ, mbɔ ndɨɨ ŋa pi shi nshaʼa ŋgwa ŋa pugu kwo khu nɛ. Ndɨɨ thɔ nɔ kɨ̄nɛiŋ nu puoŋ fàʼa pɔ, mbɔ pa njəɨlɨʼɨ pɔ pugu pa ŋgwa pɔ, mbɔ ŋgwa pɛ ŋa pugu pɔgɔ ghɔ nɛ, pa miŋkwasha pugu pa ŋgwa liɛŋliɛŋ. Ndɨɨ kwo thɔ nɔ pɨrɨ nu ŋgwa pɛ haʼaŋ pugu pɨrɨ ŋkuoŋ shhɛ nɛ.”

Nnu Nōoŋ 11:7

Pugu shi ŋga ŋkwo mīʼɛŋ ni chīi nu ŋkɨ̀nɨ yugu, minyieŋ pɨphɨ yɛ ŋa a taoŋ moŋ shiŋ ki ndugwi yi nɛ, māʼaŋ vugu ni nchhɔ̀, ŋgaʼa vugu, ndɔ njwi vugu.

Nnu Nōoŋ 12:17

Nɛnnɛ, túa minyieŋ ghɔ pɨgɨ mbɨŋ miŋgwɛ ghɔ, a ghə̄ɨ nɔ māʼaŋ nu pɨgəɨ puoŋ miŋgwɛ ghɔ ni nchhɔ̀, mbɔ ŋguoŋ pa ŋgwa pɛ ŋa pugu nūʼɔŋ kɨ̀na Minnwi ndɔ ŋgwɛ̄iŋ nnu shini ŋa Jishɔ nōoŋ nɛ.

Nnu Nōoŋ 17:15

Ŋgaŋ ntaoŋ Minnwi ghɔ chhu vəɨ ŋa, “Pa ŋkhǐ pɛ ŋa ɔ ni njəɨ lɨʼɨ ŋa shakhɨ ghɔ ni nchhɔ nɛ, pɔ pi pa ŋgwa pa laʼalaʼa taoŋ, ŋkiɛŋ ntou pa yú ŋgwa, pugu pa ŋgwa pa taoŋ taoŋ, pugu pa ŋgwa llɔ moŋ pa ŋkwaŋ ŋkwaŋ chrà.

Nnu Nōoŋ 5:9

Pugu yrāo ŋkhǐ fhi, nchhu nu ŋa, “A kāʼo gɔ̀ nɔ lɔ̄gɔ nu ŋwaʼaŋlɨ ghɔ mbāʼa pa lěi ŋa pi lēi nɔ ghɔ nɛ. Nthɛ ŋa pi ni nsho ghɔ, ndɔ ntɔgɔ pi ŋkuoŋ chhǐ yɔ ɔ yuoŋ ŋgwa mfuʼu mfɛ ni Minnwi llɔ moŋ ŋguoŋ kɨrɨ ndaaŋoŋ pugu pa llɔ moŋ ŋguoŋ ŋkwaŋ chrà taoŋtaoŋ pugu pa kɨrɨ pa ŋgwa pugu pa laʼataoŋ.