Nnu Nōoŋ 13:10 - Ŋwaʼaŋlɨ Kɨǹ a Fhi

¹⁰ S̈hesheŋoŋ mbɔ ŋa pi shi ŋgwɛ̄iŋ vi nɔ ŋgaŋ chə́ɨŋ, kaŋ pi shi ŋgwɛ̄iŋ vi nɔ ŋgaŋ chə́ɨŋ. S̈hesheŋoŋ mbɔ ŋa pi shi nsho vi ni kafa, kaŋ pi shi nsho vi ni kafa. Yei gɛ̀ ni ŋgwa Minnwi pi taoŋtaoŋ nɔ tīi nu shii pugu pa piŋ.

Nnu Nōoŋ 13:10 ပူးပေါင်းရင်းမြစ်များ

Matio 26:52

Jishɔ chhu ghɔ ŋa, “Pɨnɨ niʼiŋ kafa yɔ lɨʼɨ ŋa ɔ fuʼu nɛ. Ghaŋ wie ŋkrɔ̀ ndɔ njwi ŋgwa ni kafa ghà ŋguʼɔ ŋkhu ntɔgɔ pi ŋkuoŋ kafa.

Matio 7:2

Nthɛ ŋa nɔ haʼaŋ pəɨ shaʼa ŋgwa nduoŋ nɛ, a ŋkwaŋ haʼaŋ pi shi nshaʼa vəɨ nɛ, nthɨŋkwo haʼaŋ pəɨ lɔ̄gɔ nɔ shaʼa nu ŋgwa nɔ nɛ, pi shi nshaʼa vəɨ pi wuʼɔ ni fɨʼɨ nthɨŋkwo ghɔ.

Luka 21:19

Moŋ thi nu a tɨnɨ, pəɨ shi ndūgu.

Koloshe 1:11

Ǹduoŋ ŋa pəɨ fāʼo ghrɨ́ ni ŋguoŋ njɨ ŋa a llɔ ŋkuoŋ njɨ yi moŋ ndighaʼo yi nɛ, nji ŋa pəɨ shi mfāʼo tiishii pugu pa wɛ̄iŋ njùʼɔ ni pwanjuʼɔ,

Hibru 6:12

nnɛ ŋa kiʼi pəɨ shūu noŋ yəɨ, ndɔ p̂əɨ pīni ŋgwa pɛ ŋa pugu tɔgɔ moŋ piŋ pugu pa wɛ̄iŋ njùʼɔ mfāʼo yaoŋ ŋa Minnwi kāʼa nɛ.

Nnu Nōoŋ 1:9

A mmu, Jouŋ ndǐŋ vəɨ, mbɔ ŋgaŋ kwo yəɨ moŋ ŋgəʼɨ pugu pa Shaʼafuoŋ Minnwi pugu pa wɛ̄iŋ nu njùʼɔ moŋ tiishii ŋa pia tɔgɔ nu moŋ ghɔ nɔ ghaŋ younjiŋ Jishɔ. Pi ni nūʼɔŋ a ŋkuoŋ muuŋ ŋkǔnu ŋa pi mɛ̄iŋ ni Pamo titri ŋkhǐ nthɛ ŋa ŋki chīi chrà Minnwi pugu pa ŋa ǹchhu nnu shini ŋa a pɔ nthɛ Jishɔ nɛ

Nnu Nōoŋ 11:18

Pa laʼataoŋ fāʼo pɨgɨtua, ndɔ pɨgɨtua yɔ ni nthɔ, mbɔ ndɨɨ ŋa pi shi nshaʼa ŋgwa ŋa pugu kwo khu nɛ. Ndɨɨ thɔ nɔ kɨ̄nɛiŋ nu puoŋ fàʼa pɔ, mbɔ pa njəɨlɨʼɨ pɔ pugu pa ŋgwa pɔ, mbɔ ŋgwa pɛ ŋa pugu pɔgɔ ghɔ nɛ, pa miŋkwasha pugu pa ŋgwa liɛŋliɛŋ. Ndɨɨ kwo thɔ nɔ pɨrɨ nu ŋgwa pɛ haʼaŋ pugu pɨrɨ ŋkuoŋ shhɛ nɛ.”

Nnu Nōoŋ 14:12

Yei gɛ̀ ni ŋgwa Minnwi pi taoŋtaoŋ nɔ tīi nu shii, mbɔ ŋgwa pɛ ŋa pugu nūʼɔŋ kɨ̀na Minnwi pugu pa piŋ yugu mbɨŋ Jishɔ nɛ.”

Nnu Nōoŋ 16:6

Nthɛ ŋa pugu ni njwi ŋgwa Minnwi pi taoŋtaoŋ pugu pa njəɨlɨʼɨ Minnwi, nnɛ ɔ fɛ chhǐ ni pugu ŋa pugu nnu. A yaoŋ ŋa a pie ŋa pugu fāʼo nɛ.”

Nnu Nōoŋ 17:11

Ndɔ ni minyieŋ yɛ ŋa a ni mbɔ yi maoŋ, ndɔ paʼa ndɔ nuʼuŋ mbɔ yi maoŋ nɛ, a pɔ pi ŋgaŋ shɨ̀na yi fúoŋ ndɔ mbɔ pi taʼa yi shɨna yi khwachəɨ pighɔ ndɔ pi shi mbɨrɨ vi.

Nnu Nōoŋ 17:8

Minyieŋ ghɔ ŋa ɔ ni njəɨ nɛ ni mbɔ yi maoŋ ndɔ ki lɔ mbɔ ndwɛ, ndɔ ntāʼa nu ŋkuʼɔ llɔ moŋ tiɛŋ ki ndugwi yi ŋgə̄ɨ pi pɨrɨ vi. Pa ŋgwa ŋa pugu chhɔ nu ŋkuoŋ shhɛ ŋa pi lɔ nāʼaŋ ligi yugu moŋ ŋwaʼaŋlɨ chɔmbhi llɔ ndɨɨ ŋa Minnwi ni nchwīe mbhi nɛ shi ŋgrāo nɔ yəɨ mi minyieŋ ghɔ, nthɛ ŋa a ni mbɔ ndɔ paʼa ndɔ nuʼuŋ mbɔ ndɔ mfāʼo nɔ thɔ nu.

Nnu Nōoŋ 2:19

“ ‘Ǹji mbha fàʼa yəɨ, fɨʼɨ khwǎ yəɨ, piŋ yəɨ, fàʼa ghɛ̀rɛ yəɨ pugu pa wɛ̄iŋ nu njùʼɔ yəɨ moŋ tiishii, pugu pa ŋa pəɨ fāʼa ndwɛ nchaa haʼaŋ pəɨ ni mfǔoŋ mfāʼa nu nɛ.

Nnu Nōoŋ 2:2

“ ‘Ǹji mbha fàʼa pəɨ, fɨʼɨ wie noŋ yəɨ ni fɨʼɨ wɛ̄iŋ njùʼɔ yəɨ moŋ tiishii, pugu pa fɨʼɨ ŋkwaŋ nɔ haʼaŋ minthɛ paʼa pəɨ lɔ mieŋ shɨ̀na ni ŋgwa pɨphɨ, pəɨ kwo ywɛʼi ŋgwa pɛ ŋa pugu mɛ̄iŋ noŋ yugu ni pa ghaŋ ntaoŋ Jishɔ ndɔ paʼa ndɔ mbɔ yie ghɔ nɛ, njəɨ ŋa pugu ghaŋ mifɨɨ.

Nnu Nōoŋ 3:10

Nthɛ ŋa pəɨ nūʼɔŋ chrà a, mbɔ chrà wɛ̄iŋ njùʼɔ pugu tīi nu shii nɛ, ǹshi ndɨna ni pəɨ moŋ ndɨɨ ŋa ghaghaʼa thɔ nu moŋ ŋguoŋ mbhi nɛ, nɔ mōoŋ nu ŋgwa pɛ ŋa pugu pɔ chhɔ ŋkuoŋ shhɛ nɛ.

Nnu Nōoŋ 3:3

P̂əɨ chhɔ nɛ kiʼɛ ŋkwiŋ yaoŋ ŋa pəɨ ni mbiŋ ndɔ njaʼo nɛ. P̂əɨ nūʼɔŋ nnu ghɔ ndɔ mbāʼa ŋkǔnu yəɨ ni phɨ. P̈əɨ mieŋ ki lɔ njwiŋ ndɔllɔ, kaŋ ǹshi nthɔ nɔ ŋgɨna, paʼa pəɨ lɔ njiʼi nji ndɨɨ yɛ ŋa ǹshi nshwiʼi mbɨŋ pəɨ nɛ.