Matio 6:12 - Ŋwaʼaŋlɨ Kɨǹ a Fhi

¹² Ndɔ ndīʼɛ phɨ yigi, nɔ haʼaŋ pigi ŋkaa pigi ghà ndīʼɛ phɨ ŋgwa pɛ ŋa pugu fāaŋ mbɨŋ pigi nɛ.

Matio 6:12 ပူးပေါင်းရင်းမြစ်များ

Matio 26:28

Nthɛ ŋa làʼo yei chhǐ a ŋa a krao *kɨ̀na yɛ ŋa Minnwi wrā pugu pɔ ŋgwa pi nɛ, ŋa a ni ŋkwrī nthɛ ntou ŋgwa nɔ līʼɛ nu pa phɨ.

Matio 9:2

Ŋgaŋ njəɨ nu, pichəɨ ŋgwa thɔ ni yichəɨ ŋkwíni ŋkuoŋ kúoŋ. Jishɔ ni ŋga njəɨ fɨʼɨ piŋ yugu, nchhu ni ŋkwíni ghɔ ŋa, “Fāʼo tɨnɨnjuʼɔ, ma muuŋ a, pi līʼɛ pa phɨ pɔ.”

Maaku 11:25

Ndɔ sheshe ndɨɨ ŋa ɔ tithi nduoŋ Minnwi nɛ, ɔ̈ mfāʼo sheshe yaoŋ moŋ njùʼɔ ghɔ nthɛ yichəɨ ŋoŋ, ɔ līʼɛ phɨ yi, nnɛ ŋa Tǎa ghɔ ŋa a chhɔ po nɛ ŋkaa yu nthɛ a līʼɛ jɔ phɨ.”

Luka 11:4

ndɔ ndīʼɛ phɨ yigi, nthɛ ŋa pigi ghà ndīʼɛ phɨ ŋguoŋ ŋgwa pɛ ŋa pugu fāaŋ mbɨŋ pigi nɛ. Kiʼi nchwīe pigi nii moŋ tɨtɨnɨ mōoŋ nu!’ ”

Luka 13:4

Ki pəɨ pīʼi ŋa fuoŋnchrɔ ŋgwa laʼataoŋ Shiloaŋ, ŋa nda tɔthɨ ni ŋgū njwi vugu nɛ, ni mbɔ pi pa ŋgwo nnu mbɨmbhɨ nchaa ŋguoŋ pa ŋgwa ŋa pugu ni nchhɔ Jerushalɛiŋ nɛ?

Luka 6:37

“Kiʼi nshaʼa ŋgwa nduoŋ nnɛ ŋa kiʼi pi shaʼa ghɔ. Kiʼi ntuo ŋoŋ nɔ ŋgushaʼa, kaŋ mbaʼa ŋoŋ tuo ghɔ nɔ ŋgushaʼa. Līʼɛ phɨ ŋgwa, kaŋ pi shi ndīʼɛ jɔ.

Fàʼa 13:38

“Nthɛ yie ghɔ, ma lǐŋ paŋ, a pie ŋa pəɨ ji ŋa ntɔgɔ njiŋ Jishɔ vei, pi chīi ŋkɨ̀nɨ līʼɛ phɨ ni pəɨ.

Ɛfɛshɔ 1:7

Ntɔgɔ pi ŋkuoŋ chhǐ Krishto, a yuoŋ via mfuʼu moŋ ghrɨ́ phɨ, nnɛ Minnwi līʼɛ phɨ yia pi wuʼɔ nɔ fɨʼɨ pwapuŋ yi, yi yiɛŋyiɛŋ,

Ɛfɛshɔ 4:32

P̂əɨ ka nōoŋ pi mbha nnu shiʼi ni pa pichəɨ ŋgwa, mfāʼo njùʼɔ pɔpɔrɔ, ndīʼɛ phɨ ŋgwa wuʼɔ nɔ haʼaŋ Minnwi tɔgɔ mbɨŋ Krishto ndīʼɛ yəɨ phɨ nɛ.

Koloshe 3:13

mfāʼo wɛ̄iŋ njùʼɔ mbɨŋ ŋgwa nduoŋ, ti s̈hesheŋoŋ mfāʼo nnu ŋa a lɔ ŋkāʼo nthɛ ndǐŋ vi, pəɨ līʼɛ phɨ yi. Wuʼɔ nɔ haʼaŋ Taathɔ ni ndīʼɛ yəɨ phɨ nɛ, a yīʼi ŋa pəɨ ŋkaa pəɨ līʼɛ phɨ ŋgwa nduoŋ.