Matio 16:19 - Ŋwaʼaŋlɨ Kɨǹ a Fhi

¹⁹ Ǹshi mfɛ chuʼɔ nda Shaʼafuoŋ Po vɛ, sheshe yaoŋ ŋa ɔ krao ŋkuoŋ shhɛ hɛiŋ nɛ shi mbɔ yi krao po, sheshe yaoŋ ŋa ɔ fēi ŋkuoŋ shhɛ nɛ shi mbɔ yi fēi po.”

Matio 16:19 ပူးပေါင်းရင်းမြစ်များ

Matio 18:18

“Shishini, ǹshwei vəɨ, sheshe yaoŋ ŋa pəɨ krao ŋkuoŋ shhɛ hɛiŋ nɛ shi mbɔ yi krao po, sheshe yaoŋ ŋa pəɨ fēi ŋkuoŋ shhɛ nɛ shi mbɔ yi fēi po.

Jouŋ 20:23

P̈əɨ ndīʼɛ phɨ shesheŋoŋ, kaŋ pi liʼɛ. Ti pəɨ mieŋ ki liʼɛ, kaŋ pi lɔ njiʼi ndīʼɛ.”

Fàʼa 15:7

Pugu ni ŋga ŋkwo lōu nɔ ntaaŋ ndɨɨ, Pita lɔllɔ tɔthɨ nchhu ni pugu ŋa, “Lǐŋ paŋ, pəɨ ji ŋa fie moŋ pɨɨ ndɨɨ chəɨ, Minnwi ni nchuʼɔ a shɨna pəɨ nɔ māʼaŋ nu ŋkɨ̀nɨ pwa pishaʼakhɔ ni ŋgwa taoŋ nduoŋ, nnɛ ŋa a nthɛ pugu yaʼo ndɔ mbiŋ.

2 Koriŋ 2:10

Shesheŋoŋ ŋa pəɨ līʼɛ phɨ yi nɛ, mummu ŋkaa mu shi ndīʼɛ phɨ yi. Nthɛ ŋa sheshe ndɨɨ ŋa ŋ̀kwo līʼɛ phɨ nɛ, nɔ haʼaŋ ä mbɔ ŋa ŋ̀kwo līʼɛ phɨ, kaŋ a pɔ nthɛ pi pəɨ shhɨ Krishto,

1 Teshalonika 4:8

Nthɛ yie ghɔ, shesheŋoŋ ŋa a lāa ntɨ́gɨ yei nɛ lɔ njiʼi ndāa pi ŋoŋmishua, a lāa pi Minnwi ŋa a fɛ Jijwɛ yi ni pəɨ nɛ.

Nnu Nōoŋ 1:18

mbɔ ju ŋa a yi maoŋ nɛ. Mi ni ŋkhu, ndɔ līi njəɨ, mi yi maoŋ ki ndugwi yi, ndɔ mfāʼo chuʼɔ fɨ̀nɨ gu pugu pa lɨʼɨ ŋgwa khu.

Nnu Nōoŋ 11:6

Pugu fāʼo ghrɨ́ nɔ fɨ̄nɨ nu po, nnɛ ŋa kiʼi mbɨ̀ llɔ moŋ llɛ́ pighɔ ŋa pugu thɔ nchhu pa nnu ŋa pugu yəɨ nɛ, ndɔ pugu fāʼo njɨ mbɨŋ pa ŋkhǐ nɔ kara nu vugu pugu gū chhǐ pugu pa māʼaŋ nu ŋguoŋ ŋkwaŋ ŋgəʼɨ ghao ŋkuoŋ shhɛ moŋ sheshe ndɨɨ haʼaŋ pugu khwā nɛ.

Nnu Nōoŋ 3:7

“Nāʼaŋ mfɛ ni ŋgaŋ ntaoŋ Minnwi chɔshi Filadefia: ‘Pei pa chrà ju ŋa a yi taoŋtaoŋ ndɔ mbɔ ŋgaŋ nnu shini nɛ, a fāʼo chuʼɔ nda ŋa a ni mbɔ yi Devi, ŋa yaoŋ ŋa a chuʼɔ nɛ, minthɛ paʼa ŋoŋ lɔ mfɨ̄nɨ, ndɔ ti ä mfɨ̄nɨ paʼa ŋoŋ lɔ nchuʼɔ.

Nnu Nōoŋ 9:1

Nnɛ, yichəɨ taʼa ŋgaŋ ntaoŋ, mbɔ ŋgaŋ tiɛŋ shɨ̀na tua ji ntàŋ. Ǹjəɨ fɨ́nəɨ gū shhɛ llɔ po, pi fɛ chuʼɔ cho shiŋ ki ndugwi yi ghɔ.