Luka 9:35 - Ŋwaʼaŋlɨ Kɨǹ a Fhi

³⁵ Yichəɨ ŋggì chhu moŋ lúluŋ ghɔ ŋa, “Yei Muuŋ a ŋa ǹchuʼɔ vi, p̂əɨ yaʼo mbhɔ yu.”

Luka 9:35 ပူးပေါင်းရင်းမြစ်များ

Matio 12:18

“Līi njəɨ, muuŋ fàʼa a yei ŋa ǹchuʼɔ, mbɔ muuŋ yɛ ŋa ŋ̀khwā nɛ, m̀fāʼo pwanjuʼɔ mbɨŋ yu. Ǹshi nūʼɔŋ Jijwɛ a mbɨŋ yu, a shi nchīi ndɨndɨ ni ŋgwa pa taoŋ nduoŋ.

Matio 3:17

Ŋga njəɨ nu nɛ, yichəɨ ŋggì chhu po ŋa, “Yei muuŋ a ŋa ŋ̀khwā ǹja mfāʼo pwanjuʼɔ nthɛ vi.”

Maaku 1:11

Ŋggì taoŋ po, nchhu nu ŋa, “Ɔ muuŋ a ŋa ŋ̀khwā, ǹja mfāʼo pwatua nthɛ ghɔ.”

Luka 3:22

Jijwɛ Minnwi shwiʼi mbɨŋ yu mbɔ nɔ mintuʼɔlibuŋ, ŋggì taoŋ po, nchhu nu ŋa, “Ŋkiɛŋ muuŋ ŋa ŋ̀khwā, m̀fāʼo pwatua nthɛ ghɔ.”

Luka 9:34

A ni ŋga ŋguʼɔ nchrā nu, lúluŋ shwiʼi ŋkuru vugu, pɔgɔ gu wɛ̄iŋ vugu nɔ haʼaŋ lúluŋ ghɔ ni ŋkuru vugu nɛ.

Jouŋ 12:28

Tǎa ghaʼo ligi yɔ.” Ŋggì taoŋ po ŋa, “Ŋ̀kwo ghaʼo, ndɔ shi mbɨnɨ ŋgaʼo ŋkamuʼɔŋ.”

Jouŋ 3:16

“Nthɛ ŋa Minnwi ni ŋkhwā ŋgwa ŋkuoŋ mbhi yei ntou yi ti mfɛ taʼa fiɛŋ muuŋ vi, ŋa shesheŋoŋ ŋa a piŋ vi nɛ, mbaʼa a yiʼi ŋkhu, a shi mfāʼo chɔmbhi ki mmɛ.

Hibru 2:3

Ti minthɛ pia tei kiʼɛ pi nɛiŋ nɔ haʼaŋ p̈ia mieŋ ki tigi thɔ yia ŋkuoŋ ŋkiɛŋ shɛndaoŋ lūgu nu yei? A ni mfǔoŋ Taathɔ nchīi lūgu nu yei, pa ŋgwa pɛ ŋa pugu ni njaʼo nɛ nōoŋ ni pia ŋa a yie ghɔ shini.

Hibru 3:15

Nɔ haʼaŋ Ŋwaʼaŋlɨ Minnwi chhu nɛ, “Shiʼa, p̈əɨ njaʼo ŋggì yi, kiʼi pəɨ fɨ̄nɨ njùʼɔ yəɨ nɔ haʼaŋ pa ŋkhu tǎa pəɨ ni nchwīe ndɨɨ ŋa pugu ni mbāʼa ŋkǔnu yugu ni Minnwi nɛ.”

Hibru 5:9

Pi ni ŋga nchwīe vi a pɔ yi kaʼokaʼo, a gū ŋoŋ ŋa a shi ŋkwe ŋguoŋ ŋgwa haʼaŋ pugu yaʼo nchò yi nɛ. A kwe vugu nɔ ŋguoŋ ndɨɨ.