Luka 6:25 - Ŋwaʼaŋlɨ Kɨǹ a Fhi

²⁵ Ŋgəʼɨ pɔ ni pəɨ ŋa pəɨ yru ndwɛ nɛ, nthɛ ŋa njì lɛ njia vəɨ, Ŋgəʼɨ pɔ ni pəɨ ŋa pəɨ gwɛ̄ nu ndwɛ nɛ, nthɛ ŋa pəɨ lɛ ŋkə̄ɨ ndɔ njūa.

Luka 6:25 ပူးပေါင်းရင်းမြစ်များ

Luka 12:20

“Ndɔ Minnwi chhu ghɔ ŋa, ‘Yaoŋ na yei! Ni tuʼu yei ǹshi ŋkwe chɔmbhi yɔ. A shi ŋga mbɔ nɛnnɛ, maoŋ pinɛ ŋa ɔ kɨrɨ nɛ pɔ yi gɔ̌?’ ”

Luka 13:28

“Pəɨ shi ŋkə̄ɨ ndɔ ŋkru shua məɨ fɔ ndɨɨ ŋa pəɨ yəɨ Abrahaŋ, ni Aiji, ni Jakɔ, ni ŋguoŋ pa njəɨlɨʼɨ Minnwi, pugu pɔ moŋ ntuʼɔ fùoŋ Minnwi ndɔ, pi māʼaŋ vəɨ mbhi.

Luka 6:24

“Ndɔ ŋgəʼɨ pɔ ni pəɨ ŋa pəɨ ghaŋ fàʼo nɛ, nthɛ ŋa pəɨ kwo fāʼo yəɨ nchhɔ́ shiʼi.

Luka 6:26

Ŋgəʼɨ pɔ ni pəɨ ndɨɨ ŋa ŋguoŋ ŋgwa piŋ vəɨ piŋ nɛ, nthɛ ŋa a wuʼɔ ŋkwaŋ nɔ haʼaŋ pa tǎa pugu ni mbiŋ pa njəɨlɨʼɨ mifɨɨ nɛ.

Luka 8:53

Pugu gwɛ̄ vi nthɛ ŋa pugu ni nji ŋa a kwo khu.

Ɛfɛshɔ 5:4

ki ŋa pəɨ chrā pa chrà fɛfhɛ pugu pa chrà naa, pugu pa chrà michwe fɛfhɛ, mbɔ nnu ŋa a lɔ ŋkāʼo ni pəɨ nɛ. A ka pie pi ŋa pəɨ thɔ ntōo pi Minnwi.

1 Teshalonika 5:3

Ndɨɨ ŋa ŋgwa shi nchhu nu ŋa, “Lɨʼɨ yi juju, ŋguoŋ pa nnu pɔ shiʼi nɛ,” ŋguoŋ yaoŋ yugu shi mbɨrɨ nɔ haʼaŋ yúʼɔ phi ghà nshwiʼi mbɨŋ miŋgwɛ shūu nɛ, ndɔ mbaʼa pugu yiʼi ntei.

Jɛiŋ 4:9

P̂əɨ fāʼo pəʼɨ njùʼɔ, njwei ndɔ ŋkə̄ɨ, gwɛ̀ yəɨ kara mbɔ kə̄ɨ nu, pwanjuʼɔ yəɨ kara mbɔ yuʼɔ njùʼɔ.

Nnu Nōoŋ 3:17

Nthɛ ŋa pəɨ chhu ŋa, “Pigi fāʼo, pigi ya mbɔ shiʼi, pigi lɔ njiʼi mfāʼo chà!” Ndɔ ki lɔ nji ŋa pəɨ pou ŋgaʼa, a pie ŋa pi kwoshɨnɨ yəɨ, pəɨ ghaŋ pou, mbɔ ni chri ligi, ndɔ mbɔ ntii.