Jouŋ 8:29 - Ŋwaʼaŋlɨ Kɨǹ a Fhi

²⁹ Ndɔ ju ŋa a taoŋ a nɛ pɔ pigi yu, a lɔ njiʼi mieŋ a təʼɨ a nthɛ ŋa ŋ̀ga ŋguʼɔ nchwīe pi pa yaoŋ ŋa a khwā nɛ.”

Jouŋ 8:29 ပူးပေါင်းရင်းမြစ်များ

Matio 17:5

A ni ŋguʼɔ nchrā nu ŋga njəɨ nu nɛ, lúluŋ chiachia kuru vugu, ŋggì chhu moŋ lúluŋ ghɔ ŋa, “Yei ŋkiɛŋ Muuŋ a ŋa ŋ̀khwā, m̀fāʼo pwatua nthɛ vi. P̂əɨ yaʼo mbhɔ yu.”

Matio 3:15

Ndɔ Jishɔ khwɛ̄ ghɔ ŋa, “Mieŋ a pɔ nɛnnɛ ndwɛ, nthɛ ŋa yei ŋkwaŋ haʼaŋ pia shi nchwīe ŋguoŋ nnu ŋa Minnwi tāʼa nu nɛ.” Nɛnnɛ Jouŋ piŋ kiʼɛ.

Matio 3:17

Ŋga njəɨ nu nɛ, yichəɨ ŋggì chhu po ŋa, “Yei muuŋ a ŋa ŋ̀khwā ǹja mfāʼo pwanjuʼɔ nthɛ vi.”

Jouŋ 14:31

Ndɔ ŋ̀ga nchwīe pi nɔ haʼaŋ Tǎa a fɛ gɨ́ vəɨ ŋa ǹchwīe nɛ, nnɛ ŋa ŋgwa ŋkuoŋ mbhi ji ŋa ŋ̀khwā Tǎa. “Pəɨ lɔllɔ, p̂ia ghə̄ɨ.

Jouŋ 15:10

P̈əɨ nūʼɔŋ pa kɨ̀na paŋ, kaŋ pəɨ shi ŋkɨna moŋ khwǎ a, wuʼɔ nɔ haʼaŋ mummu nūʼɔŋ kɨ̀na Tǎa a nnɛ ŋkɨna moŋ khwǎ yi nɛ.

Jouŋ 16:32

Pəɨ līi njəɨ, ndɨɨ chhɔ nthɔ nu, ndɔ ŋkwo thɔ ŋa pi shi nshāaŋ vəɨ, shesheŋoŋ ghə̄ɨ laʼa yu mieŋ a təʼɨ a. Ndɔ ǹdɔ mbɔ pi təʼɨ a, nthɛ ŋa Tǎa pɔ pigi yu kaʼa.

Jouŋ 17:4

Mi ni mfɛ ndighaʼo vɛ ŋkuoŋ shhɛ hɛiŋ ndɨɨ ŋa mi ni ŋkwo mīʼɛŋ fàʼa ŋa ɔ ni mfɛ vəɨ ŋa m̀fāʼa nɛ.

Jouŋ 4:34

Jishɔ chhu ni pugu ŋa, “Maoŋ jɨ paŋ pɔ pi nɔ chwīe nu nnu ŋa ŋoŋ ŋa a taoŋ a khwā nɛ, ti mīʼɛŋ fàʼa yi ghɔ.

Jouŋ 5:30

“Minthɛ paʼa ǹdɔ nchwīe yichəɨ nnu pi ni nyaŋ ghrɨ́. Ŋ̀ga nshaʼa pi wuʼɔ nɔ haʼaŋ Minnwi chhu vəɨ ŋa ǹshaʼa nɛ, nnɛ shaʼa nu ma pɔ pi yi ndɨndɨ, nthɛ ŋa ǹchwīe pi nnu ŋa ŋoŋ haʼaŋ a taoŋ a tāʼa nu nɛ. Ǹdɔ njiʼi nchwīe pi nnu ŋa ǹtāʼa nu.

Jouŋ 6:38

Nthɛ ŋa ǹdɔ njiʼi nshwiʼi llɔ po pi nɔ chwīe nu nyaŋ nnu ŋa ǹtāʼa nu nɛ, ǹshwiʼi pi nɔ chwīe nu nnu ŋoŋ ŋa a taoŋ a nɛ.

Jouŋ 8:16

Ä njiʼi ndɔ mbɔ pi ŋa ǹshaʼa, kaŋ shaʼa nu ma yi ndɨndɨ, nthɛ ŋa ǹdɔ njiʼi nshaʼa pi təʼɨ a. Pigi Tǎa ŋa a taoŋ a nɛ pɔ kaʼa.

2 Timoti 4:17

Ndɔ Taathɔ ni nthi yəɨ a, māʼaŋ ghrɨ́ a, nnɛ ŋa ntɔgɔ mbhɔ a ŋkɨ̀nɨ Minnwi shi nja nyīeŋ, ŋguoŋ ŋgwa, taoŋ nduoŋ yaʼo. Nnɛ pi ni mfuʼu a nchò paʼo.

2 Timoti 4:22

Taathɔ pɔ pugu jijwɛ yɔ kaʼa. Pwapuŋ Minnwi pɔ ni pəɨ.

Hibru 4:15

Nthɛ ŋa pia lɔ njiʼi mfāʼo pi Taathɔ pa Thishɨ Ghaŋ Fɛʼiŋgiɛŋ ŋa minthɛ paʼa a lɔ njiʼi mfāʼo kwoshɨnɨ ni pia moŋ pɛ nnu ŋa pia pou ghrɨ́ fɔ nɛ. Pia fāʼo pi yɛ ŋa a kwo tɔgɔ moŋ mōoŋ nu moŋ ŋguoŋ puoŋ shɛndaoŋ ghao nɔ haʼaŋ pia pɔ nɛ, ndɔ ki lɔ nchwīe phɨ.

Hibru 7:26

Nthɛ ŋa shishini, a ni ŋkāʼo ŋa pia fāʼo Taathɔ pa Thishɨ Ghaŋ Fɛʼiŋgiɛŋ Minnwi ŋa a pɔ nɔ ju, ŋa a yi taoŋtaoŋ, ki lɔ mfāʼo sheshe ntəɨ ki nchhí, mfuʼu noŋ yi shɨna ghaŋ phɨ, pi kə̄rə vi a fərə ndugwi pa yɛrɛ po.

1 Jouŋ 2:1

Pa puoŋ mi puoŋ paŋ, ǹchhɔ nāʼaŋ pa nnu pei ni pəɨ nnɛ ŋa kiʼi pəɨ chwīe phɨ. Ndɔ ti s̈hesheŋoŋ nchwīe phɨ, kaŋ pia fāʼo ŋgaŋ lɨ̄gəɨ ŋa a shi ndɨ̄gəɨ Tǎa mfɛ via nɔ, mbɔ Jishɔ Krishto ŋoŋ ndɨndɨ.

1 Jouŋ 3:22

Ti sheshe yaoŋ ŋa pia pie mbhɔ yu nɛ kaŋ pia shi mfāʼo, nthɛ ŋa pia gha nūʼɔŋ kɨ̀na yi ndɔ nchwīe nnu ŋa a pwa vi nɛ.