Jouŋ 5:14 - Ŋwaʼaŋlɨ Kɨǹ a Fhi

¹⁴ Yichəɨ ndɨɨ ni ŋga mbɔ, Jishɔ yəɨ vi moŋ Nda Minnwi nchhu ghɔ ŋa, “Līi njəɨ ŋa ɔ pɔ shiʼi. Kiʼi nuʼuŋ nchwīe phɨ ŋkamuʼɔŋ nnɛ ŋa kiʼi nnu wuwuru nchaa yie lɔ̄gɔ lɨʼɨ mbɨŋ ghɔ.”

Jouŋ 5:14 ပူးပေါင်းရင်းမြစ်များ

Matio 12:45

Nɛnnɛ, a pɨ̄nɨ kiʼɛ ndɔ̄gɔ khwachəɨ pichəɨ jijwɛ haʼaŋ pugu pɨgɨ nchaa vi nɛ pugu pugu thɔ nii ndaʼa nu fɔ, chɔmbhi ŋoŋ ghɔ pɨnɨ mbɨgɨ nchaa nɔ haʼaŋ a ni fǔoŋ mbɔ nɛ. A nɔ haʼaŋ a shi mbɔ ni ŋgwrɛiŋoŋ pɨphɨ yei nɛ.”

Maaku 2:5

Jishɔ ni ŋga njəɨ fɨʼɨ piŋ yugu, nchhu ni ŋkwíni ghɔ ŋa, “Muuŋ a, pi līʼɛ pa phɨ pɔ.”

Jouŋ 5:13

Ndɔ ŋoŋ ghɔ ŋa pi ni njɨ̄gɨ ghɨ̌nɔ yi nɛ shini ndɔ nji vi. Nthɛ ŋa yú ŋgwa ni mbɔ fɔ Jishɔ kwo phɛ shɨna pugu ŋgə̄ɨ.

Jouŋ 5:5

Ŋoŋ chəɨ ni mbɔ ŋa a ni ŋkwo ghɨ̌nɔ nɔ trɛi wuŋ ŋgaʼo ni yi fúoŋ.

Jouŋ 8:11

A chhu ŋa, “Kaŋ taʼa yi, ma Taathɔ!” Jishɔ chhu ghɔ ŋa, “Mummu ŋkaa mu shi lɔ ŋgwɛ̄iŋ ghɔ nɔ ŋgushaʼa, ghə̄ɨ, ndɔ jɛ̄ ndwɛ ŋgə̄ɨ nu shhɨ kiʼi nuʼuŋ nchwīe phɨ.”]

1 Pita 4:3

Nthɛ ŋa ndɨɨ ŋa a tɔgɔ nɛ kwo yiɛŋ nɔ chwīe nu nnu ŋa pa ghaŋ ki piŋ Minnwi khwā nɔ chwīe nu nɛ. Pəɨ ni nchhɔ chɔmbhi tɔtrɔ, nshɔ̄rɔ njùʼɔ, mbaa làʼo, ŋgə̄ɨ nu moŋ pa lɨʼɨ jɨ ki tou, pa lɨʼɨ nnu làʼo, niʼiŋ noŋ yəɨ moŋ wuwuru ghaʼo nu pa nnwi.