Jouŋ 20:2 - Ŋwaʼaŋlɨ Kɨǹ a Fhi

² Nɛnnɛ a tei ŋgə̄ɨ njəɨ Shemu Pita pugu yichəɨ taʼa ŋgaŋ younjiŋ Jishɔ ŋa Jishɔ khwā nɛ, nchhu ni pugu ŋa, “Pi fuʼu khu Taathɔ moŋ fúŋ, paʼa pigi lɔ nji lɨʼɨ yɛ ŋa pi nūʼɔŋ vi nɛ!”

Jouŋ 20:2 ပူးပေါင်းရင်းမြစ်များ

Jouŋ 13:23

Yichəɨ taʼa ŋgaŋ younjiŋ yi ŋa Jishɔ ni ŋkhwā vi nɛ ni nchhɔ ŋkuoŋ taprɛi yəɨ Jishɔ.

Jouŋ 19:26

Jishɔ ni ŋga njəɨ mǔuŋ vi, pugu ŋgaŋ younjiŋ yi yɛ ŋa ju Jishɔ ni ŋkhwā vi nɛ thi fɔ. A chhu ni mǔuŋ vi ŋa, “Ma, līi njəɨ, a muuŋ ghɔ!”

Jouŋ 20:13

Pugu pie vi ŋa, “Ma, ɔ kə̄ɨ pi khɔ?” A chhu ni pugu ŋa, “Pi lɔ̄gɔ Taathɔ a ŋgə̄ɨ nɔ ghɔ, ndɔ paʼa ǹdɔ nji lɨʼɨ ŋa pi nūʼɔŋ vi nɛ!”

Jouŋ 20:15

Jishɔ chhu ghɔ ŋa, “Ma, ɔ kə̄ɨ pi khɔ? Ɔ tāʼa pi gɔ̌?” A pīʼi nu ŋa a ŋgaŋ nyìeŋ ghɔ nchhu ghɔ ŋa, “Masha, a mbɔ ŋa ɔ fuʼu vi ŋgə̄ɨ nɔ ghɔ, ɔ shwei a ni lɨʼɨ ŋa ɔ nūʼɔŋ vi nɛ, kaŋ ǹshi ndɔ̄gɔ vi ŋgə̄ɨ nɔ ghɔ.”

Jouŋ 20:9

ndɔ paʼa thɔ yugu lɔ naa nshie ni chrà Minnwi yɛ ŋa a chhu ŋa a shi ŋguʼɔ ŋkuʼɔ moŋ gu nɛ.

Jouŋ 21:20

Pita kara ligi yi njəɨ yɛ taʼa ŋgaŋ younjiŋ ŋa Jishɔ ni ŋkhwā nɛ thɔ nu njiŋ pugu. Mbɔ yɛ ŋa a ni nchhɔ njɨ maoŋ yəɨ yu ŋkuoŋ taprɛi, ni nchhu ŋa, “Taathɔ, a gɔ̌ ŋa a shi fīni ghɔ?”

Jouŋ 21:24

Yei ni mbɔ ŋgaŋ younjiŋ Jishɔ yɛ ŋa a thɔ nchhu nnu pei nɛ, ndɔ nāʼaŋ nnu pei nɛ, ndɔ pia ji ŋa nnu ŋa a chhu nɛ nnu shini.

Jouŋ 21:7

Yie ŋgaŋ younjiŋ Jishɔ ŋa Jishɔ ni ŋkhwā vi nɛ chhu kiʼɛ ni Pita ŋa, “A Taathɔ!” Shemu Pita ni ŋga njaʼo ŋa a Taathɔ, ndɔ̄gɔ mmɛ ndhwí yi māʼaŋ nthɛ ŋa a ni nshrāo nɔ fāʼa nu fàʼa, a ni ndhi nchəɨŋ ŋkhǐ ntaoŋ nu mbhi.