Jouŋ 17:5 - Ŋwaʼaŋlɨ Kɨǹ a Fhi

⁵ Ndɔ ndwɛ, ma Tǎa, ghaʼo a shhɨ ghɔ ni ŋkwaŋ ndighaʼo ŋa mi ni mfāʼo pɔgɔ ŋkaoŋ mbhi maa mbɔ nɛ.

Jouŋ 17:5 ပူးပေါင်းရင်းမြစ်များ

Matio 25:34

“Nnɛ fùoŋ ghɔ shi nchhu ni pɛ ŋgwa ŋa pugu pɔ ŋgei mbhɔ jɨ nɛ ŋa, ‘Pəɨ ŋa mbɔrɔ Tǎa a pɔ mbɨŋ pəɨ nɛ thɔ, pəɨ shi nshei Shaʼafuoŋ ŋa pi ni mbīri ni pəɨ moŋ njɛ̄ mbhi nɛ.

Jouŋ 1:18

Yichəɨ kaŋ taʼa ŋoŋ lɔ naa njəɨ Minnwi, ndɔ fiɛŋ taʼa Minnwi ŋa a pɔ yəɨ Tǎa nɛ, chwīe pi ji Minnwi.

Jouŋ 10:30

Mmu pigi Tǎa a pɔ pi taʼa yi.”

Jouŋ 14:9

Jishɔ chhu ghɔ ŋa, “Pia kwo pɔ nɔ fɨʼɨ ntaaŋ ndɨɨ yei, pəɨ wuʼɔ mbiʼi ki lɔ nji a, Fili? Ŋoŋ ŋa a kwo yəɨ a nɛ kwo yəɨ Tǎa. Ti minthɛ ɔ kie pi nɛiŋ nchhu ŋa, ‘Nōoŋ Tǎa ghɔ ni pigi?’

Jouŋ 17:1

Jishɔ ni ŋga ŋkwo chrā pa nnu pei, mbɨʼɨ ligi yi ndīi po nchhu ŋa, “Tǎa, ndɨɨ ghɔ kāʼo, ghaʼo muuŋ ghɔ nnɛ ŋa muuŋ ghaʼo ghɔ,

Jouŋ 17:24

Tǎa, ŋ̀khwā ŋa pugu ŋkaa pugu ŋa ɔ fɛ vəɨ nɛ nshi mbɔ pigi pugu kaʼa lɨʼɨ ŋa m̀bɔ nɛ, nɔ yəɨ nu ndighaʼo a ŋa ɔ fɛ vəɨ nthɛ ŋa ɔ khwā a ŋkaoŋ pi maa nchwīe mbhi nɛ.

Jouŋ 3:13

Yichəɨ kaŋ taʼa ŋoŋ lɔ naa ŋkuʼɔ po ŋkiɛŋ ŋoŋ ŋa a llɔ po nshwiʼi shhɛ nɛ, mbɔ Muuŋ Ŋoŋmishua.

Jouŋ 8:58

Jishɔ chhu ni pugu ŋa, “Shishini, ǹchhu ni pəɨ ŋa, ŋkaoŋ Abrahaŋ maa mbɔ, A Mmu!”

Filipai 2:6

Njiʼi nthɛ pi nɔ haʼaŋ Krishto ni mbɔ moŋ púoŋ Minnwi nɛ, a shini ndɔ ndīi pi ŋa pugu Minnwi pɔ ndɨndɨ, ŋgwɛ̄iŋ nthi ŋkuoŋ ghɔ.

Hibru 1:10

A pɨnɨ nuʼuŋ nchhu ŋa, “Gɔ̀, Taathɔ, a chwīe gɔ̀ ŋkuoŋ shhɛ nɔ njɛ̄ yi, pa po pɔ fàʼa mbhɔ mɔ,

Hibru 1:3

A pɔ pi chiachia thɛ nu ndighaʼo Minnwi. A ya mbɔ pi ywrì ŋkwaŋ haʼaŋ Minnwi pɔ nɛ. A ju mbɔ ŋoŋ ŋa a chwīe ŋguoŋ yaoŋ chhɔ mbɔ nu nɔ haʼaŋ pugu pɔ nu nɛ, ntɔgɔ pi ŋkuoŋ ghrɨ́ chrà yi. A ni ŋga ŋkwo shɨ̄gao phɨ ŋgwamishua, nchɔchhɔ ŋgei mbhɔ jɨ Ju ŋa a chaapifuoŋ tɔthɨ nɛ.

1 Pita 1:20

Ŋkaoŋ Minnwi maa nchwīe mbhi, a ni ŋkwo chuʼɔ Krishto, ndɔ nōoŋ vi moŋ ndugwi llɛ́ pei nthɛ pi pəɨ,

1 Pita 1:21

ŋa pəɨ tɔgɔ mbhɔ yu mbiŋ Minnwi nɛ. A ni mbɨʼɨ Minnwi ghɔ mbɨʼɨ vi moŋ gu mfɛ ndighaʼo ghɔ, nnɛ ŋa piŋ yəɨ pugu pa kwàʼa yəɨ pɔ pi mbɨŋ Minnwi.

1 Jouŋ 1:2

Chɔmbhi ghɔ ni nōoŋ noŋ yi, pigi yəɨ, ndɔ kwe ntie yi ndwɛ, ndɔ nchīi chɔmbhi ki ndugwi yi ghɔ ŋa a ni mbɔ pugu Tǎa nɛ.

Nnu Nōoŋ 13:8

Ŋguoŋ pa ŋgwa ŋa pugu chhɔ ŋkuoŋ mbhi nɛ shi ŋgaʼo vi, ŋkiɛŋ ŋgwa pɛ ŋa pi ni nāʼaŋ ligi yugu ŋkaoŋ Minnwi maa chwīe mbhi moŋ ŋwaʼaŋlɨ chɔmbhi mbɔ yi Muuŋ Minjɨɨ ŋa pi ni njwi vi nɛ.

Nnu Nōoŋ 3:21

Ni ŋoŋ ŋa a māʼaŋ ti ŋgaʼa nɛ, ǹshi fɛ ghrɨ́ ghɔ a chhɔ yəɨ a ŋkuoŋ faaŋ a, wuʼɔ nɔ haʼaŋ mummu ni māʼaŋ ti ŋgaʼa nchhɔ yəɨ Tǎa a ŋkuoŋ faaŋ yi nɛ.