Jouŋ 17:23 - Ŋwaʼaŋlɨ Kɨǹ a Fhi

²³ M̀bɔ mbɨŋ pugu ɔ pɔ mbɨŋ mu, nnɛ ŋa pugu ya mbɔ taʼa yi shiʼi, nnɛ ŋa ŋkuoŋ mbhi ji ŋa ɔ taoŋ a ndɔ ŋkhwā vugu wuʼɔ nɔ haʼaŋ ɔ khwā a nɛ.

Jouŋ 17:23 ပူးပေါင်းရင်းမြစ်များ

Jouŋ 10:38

Ndɔ m̈i nchwīe pi fàʼa yi, njiʼi nthɛ pi nɔ haʼaŋ pəɨ lɔ njiʼi mbiŋ a nɛ, pəɨ piŋ nɛ fàʼa pighɔ, nnɛ ŋa pəɨ shi nji, thɔ yəɨ lɔ nshie ŋa Tǎa pɔ mbɨŋ mu, m̀bɔ mbɨŋ Tǎa.”

Jouŋ 13:35

Ŋguoŋ ŋgwa shi nji ŋa pəɨ ghaŋ younjiŋ paŋ nɔ haʼaŋ p̈əɨ mfāʼo khwǎ noŋ pəɨ.”

Jouŋ 14:10

Ɔ lɔ mbiŋ ŋa m̀bɔ moŋ Tǎa, Tǎa pɔ moŋ noŋ mu? Pa chrà ŋa ǹchrā nu nɛ, ǹdɔ njiʼi nchrā pi ni thɔ a, ndɔ Tǎa ŋa a chhɔ moŋ noŋ mu nɛ thɔ nchwīe fàʼa yi.

Jouŋ 14:23

Jishɔ khwɛ̄ ghɔ ŋa, “S̈hesheŋoŋ ŋkhwā a, kaŋ a shi njaʼo nchò a, Tǎa a khwā vi, pigi thɔ njəɨ vi, nchhɔ pigi pugu.

Jouŋ 15:9

“Nɔ haʼaŋ Tǎa khwā a nɛ, a haʼaŋ ŋ̀khwā vəɨ nɛ. P̂əɨ kɨna moŋ khwǎ a.

Jouŋ 16:27

Nthɛ ŋa nduthɔ Tǎa ŋkaa yu khwā vəɨ nthɛ ŋa pəɨ khwā a, ndɔ ni mbiŋ ŋa ǹdhɔ mbhɔ Minnwi.

Jouŋ 17:11

Ndɔ ndwɛ, ǹthɔ mbɨnɨ nu njəɨ ghɔ, ǹdɔ nuʼuŋ mbiʼi ŋkuoŋ mbhi, a pugu ŋkuoŋ mbhi. Tǎa ŋa a pɔ taoŋtaoŋ nɛ, nūʼɔŋ vugu ki kàʼa lɔ ŋkēe vugu ni ghrɨ́ ligi yɔ ŋa ɔ fɛ vəɨ nɛ, nnɛ ŋa pugu pɔ taʼa yi wuʼɔ nɔ haʼaŋ pɔgɔ taʼa yi nɛ.

Jouŋ 17:21

nnɛ ŋa ŋguoŋ yugu shi nchīri mbɔ taʼa yi, wuʼɔ nɔ haʼaŋ gɔ̀ Tǎa pɔ mbɨŋ mu, mmu nduthɔ a pɔ mbɨŋ ghɔ nɛ, nnɛ ŋa pugu pɔ mbɨŋ pɔgɔ, nnɛ ŋa minthɛ ŋkuoŋ mbhi piŋ ŋa a taoŋ gɔ̀ ntaoŋ a.

Jouŋ 17:24

Tǎa, ŋ̀khwā ŋa pugu ŋkaa pugu ŋa ɔ fɛ vəɨ nɛ nshi mbɔ pigi pugu kaʼa lɨʼɨ ŋa m̀bɔ nɛ, nɔ yəɨ nu ndighaʼo a ŋa ɔ fɛ vəɨ nthɛ ŋa ɔ khwā a ŋkaoŋ pi maa nchwīe mbhi nɛ.

Jouŋ 17:26

Mi ni nchwīe pugu ji ghɔ, ndɔ shi ŋguʼɔ ŋgə̄ɨ shhɨ nchwīe nu, nnɛ ŋa khwǎ ŋa ɔ khwā a nɔ ghɔ nɛ, pugu shi mfāʼo, mummu ŋkaa mu pɔ mbɨŋ pugu.”

Jouŋ 17:3

Ndɔ yei pɔ chɔmbhi ki mmɛ, ŋa pugu ji ghɔ mbɔ fiɛŋ taʼa Minnwi shini, ndɔ mbɨnɨ nji Jishɔ Krishto ŋa ɔ taoŋ nɛ.

Jouŋ 17:8

Mi ni māʼaŋ ŋkɨ̀nɨ yɛ ŋa ɔ ni mfɛ vəɨ nɛ ni pugu, pugu piŋ ŋkɨ̀nɨ ghɔ, ndɔ nji shishini ŋa ǹdhɔ pi mbhɔ ghɔ ndɔ mbiŋ ŋa a taoŋ gɔ̀ ntaoŋ a.

Jouŋ 3:17

Nthɛ ŋa Minnwi shini ndɔ ntaoŋ muuŋ vi ŋkuoŋ mbhi pi ŋa a thɔ nshaʼa mbhi shaʼa, a ni ntaoŋ vi pi ŋa a thɔ nnɛ ŋa ŋgwa ŋkuoŋ mbhi hɛiŋ kie mbɨŋ yu ndūgu.

Jouŋ 6:56

Shesheŋoŋ ŋa a kru frɛinoŋ a ndɔ nnu chhǐ a nɛ ghà ŋkɨna mbɨŋ mu, ŋ̀kɨna mbɨŋ yu.

1 Koriŋ 1:30

Ndɔ a chwīe Minnwi ŋa pəɨ pɔ taʼa yi pəɨ pa Krishto Jishɔ. Minnwi chwīe ŋa Krishto pɔ yia shiethɔ, pugu pa ndɨndɨ yia, mbɔ ŋgaŋ chwīe pia pɔ yi taoŋtaoŋ ndɔ mbɔ njaʼandiʼi yia.

2 Koriŋ 5:21

Nthɛ via Minnwi ni nchwīe vi a pɔ phɨ, mbɔ ju ŋa a shini ndɔ nji phɨ nɛ, nnɛ ŋa moŋ pɔ nu taʼa yi pigi pugu, pigi shi mbɔ ndɨndɨ Minnwi.

Galashia 3:28

Nɛnnɛ, kwrí lɔ mbɔ shɨna pa Juu pugu pa ŋgwa taoŋ nduoŋ, shɨna pa kǔna pugu pa ŋgwa ŋa pugu lɔ mbɔ pa kǔna nɛ, shɨna mbia pugu pa piŋgɛ, nthɛ ŋa ŋguoŋ vəɨ ghao taʼa yi moŋ Krishto Jishɔ.

Filipai 3:15

Ŋguoŋ yia ŋa pia mɛmmɛ ŋgwa moŋ piŋ nɛ pīʼi nnu pi moŋ yei ŋkwaŋ shɛndaoŋ, ti p̈əɨ mbīʼi pi ŋkwaŋ nduoŋ moŋ sheshe yaoŋ, kaŋ Minnwi shi nōoŋ yie nnu, a pɔ yi liʼɛliʼɛ ni pəɨ ŋkaa pəɨ.

Koloshe 1:28

Pigi chīi pi Krishto ghɔ ni shesheŋoŋ, nchhɔ nshūu tə́nə yugu njɛʼi vugu ni ŋguoŋ shiethɔ, nnɛ ŋa minthɛ pigi thɔ ni ŋguoŋ yugu shhɨ Minnwi pugu kwo pɔ pa ntɨnɨmmɛ moŋ Krishto.

Koloshe 2:2

ŋa p̂ugu fāʼo māʼaŋ njùʼɔ, nɔ haʼaŋ pugu chīni taʼa lɨʼɨ moŋ khwǎ, nnɛ nɔ fāʼo nu tɨnɨnjuʼɔ ŋa ŋkiɛŋ ji nu nnu ghà nthɔ nɔ ghɔ nɛ. Pugu shi ŋkie moŋ yie shɛndaoŋ nji nnu lə̄ɨŋ, mbɔ yi Minnwi, ŋa a Krishto nduthɔ yi nɛ.

Koloshe 3:14

Nchaa ŋguoŋ pa nnu pei ghao, p̂əɨ gwɛ khwǎ ŋa a ghà nja nchīni ŋgwa pugu pɔ taʼa yi shiʼi ki kɔ̀rɔ nɛ.

1 Pita 5:10

Pəɨ shi ŋga ŋkwo yəɨ ŋgəʼɨ nɔ kuo ndɨɨ, Minnwi ŋa a fāʼo ŋguoŋ pwapuŋ, ŋgɛ̄ vəɨ ŋa pəɨ fāʼo yəɨ ghrà ndighaʼo yi ŋa a lɔ mfāʼo ndugwi yi moŋ Krishto nɛ, ju nduthɔ yi shi nchwīe pəɨ kāʼo, ntuoŋ vəɨ, māʼaŋ ghrɨ́ yəɨ ndɔ mbɨnɨ nchwīe pəɨ thi shiʼi.

1 Jouŋ 1:3

Nnu ŋa pigi ni njaʼo ndɔ njəɨ nɛ, pigi pɨnɨ nchīi ni pəɨ nnɛ ŋa pia pɔ nu kaʼa moŋ taʼanjuʼɔ nɔ haʼaŋ pia pa Tǎa ni muuŋ vi Jishɔ Krishto kwo pɔ taʼa yi moŋ taʼanjuʼɔ nɛ.

1 Jouŋ 3:1

Līi njəɨ fɨʼɨ khwǎ ŋa Tǎa fāʼo mbɨŋ pia nɛ njəɨ, a mɛ̄iŋ via ni puoŋ pi, pia lɔ mbɔ yie shini. Nnu ŋa a chwīe paʼa ŋkuoŋ mbhi lɔ nji via nɛ pɔ ŋa ŋkuoŋ mbhi shini ndɔ nji vi.

1 Jouŋ 4:19

Pia ghà nōoŋ khwǎ nthɛ ŋa Minnwi fǔoŋ ŋkhwā via.

Nnu Nōoŋ 3:9

Līi njəɨ, ǹshi nchwīe pɛ ŋgwa ŋa pugu pɔ moŋ kɨrɨ Shata, ŋa pugu chhu ŋa pugu ŋgwa Juu ndɔ ki lɔ mbɔ yie ghɔ nɛ, nchhɔ ndɛʼi lɛʼi nɛ, līi njəɨ, shi nchwīe pugu thɔ ntuʼu noŋ yugu shhɨ pəɨ, pugu shi nji ŋa ŋ̀khwā vəɨ.