Jouŋ 16:3 - Ŋwaʼaŋlɨ Kɨǹ a Fhi

³ Pugu shi nchwīe pa nnu pei nthɛ ŋa pugu lɔ nji Tǎa, ki nji a.

Jouŋ 16:3 ပူးပေါင်းရင်းမြစ်များ

Luka 10:22

“Tǎa a kwo chaʼa ŋguoŋ yaoŋ mfɛ mbhɔ mu, yichəɨ ŋoŋ lɔ nji ŋoŋ ŋa Muuŋ yie ghɔ nɛ ŋkiɛŋ Tǎa, ki nji ŋoŋ ŋa Tǎa yie ghɔ nɛ ŋkiɛŋ Muuŋ pugu pa shesheŋoŋ ŋa Muuŋ chuʼɔ nɔ nōoŋ nu Tǎa ghɔ nɛ.”

Jouŋ 15:21

Ndɔ pugu shi nchwīe ŋguoŋ nnu pei ghao mbɨŋ pəɨ nthɛ ligi a, nthɛ ŋa pugu lɔ njiʼi nji ŋoŋ ŋa a taoŋ a nɛ.

Jouŋ 15:23

Shesheŋoŋ ŋa a pɨ̄na a nɛ, pɨ̄na Tǎa a ŋkaa yu.

Jouŋ 17:25

“Yo Tǎa ndɨndɨ, njiʼi nthɛ pi nɔ haʼaŋ ŋkuoŋ mbhi lɔ njiʼi nji ghɔ nɛ, ǹji ghɔ, pa ghaŋ younjiŋ pei ji ŋa a taoŋ gɔ̀ ntaoŋ a.

Jouŋ 17:3

Ndɔ yei pɔ chɔmbhi ki mmɛ, ŋa pugu ji ghɔ mbɔ fiɛŋ taʼa Minnwi shini, ndɔ mbɨnɨ nji Jishɔ Krishto ŋa ɔ taoŋ nɛ.

Jouŋ 8:19

Nthɛ yie, pugu chhu ghɔ ŋa, “Tǎa ghɔ ghɔ hɨŋ?” Jishɔ khwɛ̄ ni pugu ŋa, “Pəɨ lɔ njiʼi nji a ki Tǎa a, pəɨ kaŋ ni nji a, pəɨ kaŋ nji Tǎa a ŋkaa yu.”

Jouŋ 8:55

Ndɔ pəɨ lɔ nji vi, ǹji vi. Ŋka ni nchhu ŋa ǹdɔ njiʼi nji vi, kaŋ mbɔ pi ndɛʼiŋgiɛŋ nɔ pəɨ. Ndɔ ǹji vi, ndɔ nchwīe nnu ŋa chrà yi chhu nɛ.

Fàʼa 3:17

“Ndwɛ, lǐŋ paŋ, ǹji ŋa pəɨ ni nchwīe nnu yei moŋ ki ji, pəɨ pa thishɨ pəɨ.

1 Koriŋ 2:8

Kaŋ taʼa ŋgaŋ shaʼa ŋgwa ŋkuoŋ mbhi yei lɔ njiʼi nji shiethɔ yei, nthɛ ŋa pugu kaŋ nji, pugu shi kaŋ ŋkwīŋ Taathɔ ndighaʼo ŋkuoŋ wáʼa.

2 Teshalonika 1:8

A shi nthɔ pugu pa ghaŋ ntaoŋ pi pighɔ moŋ lɨŋ móŋoŋ nɔ fɛ nu njɔ́ ni ŋgwa pɛ ŋa pugu lɔ njiʼi nji Minnwi nɛ pugu pa ŋgwa pɛ ŋa pugu lɔ njiʼi nchwīe nnu ŋa pwa pishaʼakhɔ Jishɔ Taathɔ via chhu nɛ.

1 Timoti 1:13

Njiʼi nthɛ pi nɔ haʼaŋ ŋki fǔoŋ mbɔ pi ŋgaŋ wɛʼi ligi Minnwi nthɔ fɛ ŋgəʼɨ ni ŋgwa pi, ndɔ nchɨ̄ʼə vi nɛ, Minnwi ni nōoŋ kwoshɨnɨ vəɨ nthɛ ŋa ŋki chwīe nnu pei pi moŋ ki ji pugu pa pou piŋ.

1 Jouŋ 2:23

Shesheŋoŋ ŋa a lāa Muuŋ nɛ lāa Tǎa ŋkaa yu, shesheŋoŋ ŋa a piŋ Muuŋ ndɔ nchhu nɛ, piŋ Tǎa ŋkaa yu.

1 Jouŋ 3:1

Līi njəɨ fɨʼɨ khwǎ ŋa Tǎa fāʼo mbɨŋ pia nɛ njəɨ, a mɛ̄iŋ via ni puoŋ pi, pia lɔ mbɔ yie shini. Nnu ŋa a chwīe paʼa ŋkuoŋ mbhi lɔ nji via nɛ pɔ ŋa ŋkuoŋ mbhi shini ndɔ nji vi.

1 Jouŋ 4:8

Shesheŋoŋ ŋa a lɔ nōoŋ khwǎ nɛ lɔ njiʼi nji Minnwi, nthɛ ŋa Minnwi khwǎ.

1 Jouŋ 5:20

Pia ji ŋa Muuŋ Minnwi thɔ ndɔ mfɛ shiethɔ ni pia, nnɛ ŋa a nthɛ pia ji Minnwi, mbɔ ju ŋa a yi shini nɛ. Pia pɔ moŋ ju ŋa a yi shini nɛ, moŋ Muuŋ vi, mbɔ Jishɔ Krishto. A ju mbɔ ŋkiɛŋ Minnwi shini mbɔ chɔmbhi ki mmɛ.