Jouŋ 16:13 - Ŋwaʼaŋlɨ Kɨǹ a Fhi

¹³ Ndɔ ndɨɨ ŋa Jijwɛ nnu shini thɔ nɛ, a shi nōoŋ ŋguoŋ nnu shini ghao ni pəɨ, nthɛ ŋa mbaʼa a yiʼi nchrā pi ni thɔ yi, sheshe nnu ŋa a yaʼo nɛ a shi nchhu, ndɔ shwei vəɨ ni pa nnu ŋa a shi nthɔ nɛ.

Jouŋ 16:13 ပူးပေါင်းရင်းမြစ်များ

Jouŋ 12:49

Nthɛ ŋa ǹdɔ njiʼi nchrā pi ni nyaŋ njɨ. Ndɔ ti Tǎa ŋa a taoŋ a nɛ fɛ gɨ́ vəɨ ni nnu ŋa ǹshi nchrā ndɔ nchhu nɛ.

Jouŋ 14:17

mbɔ Jijwɛ nnu shini ŋa mbaʼa ŋgwa ŋkuoŋ mbhi piŋ vi, nthɛ ŋa pugu shi lɔ njəɨ ki nji vi, ndɔ pəɨ ji vi nthɛ ŋa pəɨ pugu chhɔ kaʼa ndɔ shi mbɔ moŋ chɔmbhi yəɨ.

Jouŋ 14:26

Ndɔ ŋgaŋ ghɛ̀rɛ, mbɔ Jijwɛ Minnwi, ŋa Tǎa shi ntaoŋ nɔ ligi a nɛ, shi njɛʼi vəɨ ni ŋguoŋ yaoŋ ghao ndɔ mbɨnɨ nuʼuŋ ŋkwiŋ vəɨ ni ŋguoŋ yaoŋ ŋa ǹchhu nɛ.

Jouŋ 14:6

Jishɔ chhu ghɔ ŋa, “A mmu mbɔ shɛndaoŋ, mbɔ nnu shini mbɔ chɔmbhi. Yichəɨ ŋoŋ nthɛ paʼa a lɔ ŋgə̄ɨ njəɨ Tǎa ki lɔ ntɔgɔ pi mbhɔ mu.

Jouŋ 15:26

“Ndɔ ndɨɨ ŋa ŋgaŋ ghɛ̀rɛ, mbɔ Jijwɛ nnu shini ŋa ǹshi ntaoŋ llɔ mbhɔ Tǎa shi nthɔ nɛ, kaŋ a shi ŋkwe ntie a.

Jouŋ 16:12

“Ŋ̀guʼɔ mbɨnɨ mfāʼo ntou nnu nɔ chhu nu ni pəɨ, ndɔ a chaa ghrɨ́ yəɨ nɔ yaʼo nu ndwɛ.

Jouŋ 3:32

A chhu nnu pɛ ŋa a yəɨ ndɔ njaʼo nɛ, ndɔ paʼa kaŋ taʼa ŋoŋ lɔ mbiŋ ŋkɨ̀nɨ yi.

Jouŋ 8:38

Ǹchrā nthɛ pi pa nnu ŋa Tǎa a nōoŋ vəɨ ndɔ pəɨ chwīe pi nnu ŋa tǎa vəɨ chhu ni pəɨ nɛ.”

Fàʼa 11:28

Taʼa ŋoŋ shɨna pugu, ligi yi pɔ Agabu, lɔllɔ, Jijwɛ Minnwi nōoŋ ghɔ a chhu ŋa, ŋkiɛŋ mmɛ njì shi ŋgū moŋ ŋguoŋ mbhi. Njì ghɔ ni ŋgū ndɨɨ ŋa Klaudiu ni nthɔ nshaʼa ŋguoŋ mbhi Roma nɛ.

Fàʼa 20:23

ŋkiɛŋ ŋa Jijwɛ Minnwi kwo shūu tə́nə a ŋa moŋ sheshe laʼataoŋ, chə́ɨŋ pugu pa ŋgəʼɨ thɔ njwɛrɛ a.

Fàʼa 27:24

nchhu ŋa, ‘Kiʼi fāʼo pɔgɔ gu, ma Pɔɔ, ɔ shi ŋguʼɔ nthi sháʼa shhɨ Kaisha. Minnwi kwo kwe ŋguoŋ ŋgwa ŋa pəɨ pugu nyīeŋ nu kaʼa moŋ mitu ŋkhǐ nɛ.’

2 Teshalonika 2:12

nnɛ ŋa ŋguoŋ ŋgwa ŋa pugu lɔ njiʼi mbiŋ nnu shini, ndɔ nthɔ mfāʼo yugu nchhɔ shiʼi pi moŋ pa nnu pɨphɨ nɛ pɔ pa ŋgushaʼa.

2 Teshalonika 2:3

Kiʼi pəɨ mieŋ shesheŋoŋ fɨ̄ɨ vəɨ moŋ sheshe shɛndaoŋ. Mbaʼa llɛ́ ghɔ yiʼi nthɔ ki ndugwi njiŋ tɨnɨthɔ ni Minnwi lɔ mfǔoŋ nthɔ, ti ŋgūo nnu mbɨmbhɨ ŋa a yīʼi ŋa a ghə̄ɨ moŋ móŋoŋ nɛ nōoŋ noŋ yi.

Hibru 1:1

Fie llɛshhɨ, Minnwi ni nchrā ni pa tǎa pia ntɔgɔ pi mbɨŋ pa njəɨlɨʼɨ pi ntou ndɨɨ moŋ ntou shɛndaoŋ.

1 Jouŋ 2:20

Ju ŋa a yi taoŋtaoŋ nɛ shāʼo Jijwɛ Minnwi mbɨŋ ghɔ, nɛnnɛ ŋguoŋ vəɨ ji nnu shini.

1 Jouŋ 2:27

Ndɔ ni pəɨ, Jijwɛ Minnwi ŋa Krishto shāʼo mbɨŋ pəɨ nɛ kɨna mbɨŋ pəɨ, nnɛ paʼa pəɨ lɔ mfāʼo chà shesheŋoŋ nɔ yɛʼi nu vəɨ. Nthɛ ŋa Jijwɛ yi yɛʼi vəɨ ni ŋguoŋ nnu ghao, yaoŋ ŋa a yɛʼi nu nɛ pɔ pi nnu shini, ki lɔ mbɔ lɛʼiŋgiɛŋ. Wuʼɔ nɔ haʼaŋ a yɛʼi vəɨ nɛ, pəɨ kɨna pəɨ pa Krishto kaʼa.

1 Jouŋ 4:6

Ndɔ ti pia pɔ pi yi Minnwi. Shesheŋoŋ ŋa a ji Minnwi nɛ ghà njaʼo via; shesheŋoŋ ŋa a lɔ mbɔ yi Minnwi nɛ shiʼa njaʼo via. Yei ŋkwaŋ haʼaŋ pia ghà ŋkie nji Jijwɛ nnu shini pugu jijwɛ mifɨɨ nɛ.

1 Jouŋ 5:6

Yei ju ŋa a ni nthɔ ntɔgɔ pi ŋkuoŋ kwe ŋkhǐ moŋ ŋkhǐ pugu pa chhǐ nɛ, mbɔ Jishɔ Krishto, ki lɔ ŋguʼɔ ntɔgɔ pi moŋ ŋkhǐ təʼɨ vi, a ni mbɔ pugu pa chhǐ gu yi. Jijwɛ Minnwi pɔ miŋkwentie yi, nthɛ ŋa Jijwɛ Minnwi ghɔ Ju mbɔ nnu shini.

Nnu Nōoŋ 1:1

Yei pa nnu ŋa Jishɔ Krishto ni nōoŋ, ŋa Minnwi ni mfɛ ghɔ ŋa a nōoŋ ni pa puoŋ fàʼa pi, mbɔ pa nnu ŋa a tɔthɔ ndɔ̄gɔ lɨʼɨ nɛ. Jishɔ ni ntaoŋ pi ŋgaŋ ntaoŋ Minnwi ŋa a ghə̄ɨ nchwīe Jouŋ muuŋ fàʼa yi ji pa nnu pei.

Nnu Nōoŋ 1:19

“Nthɛ yie ghɔ, nāʼaŋ pa nnu ŋa ɔ yəɨ nɛ, pa nnu pɛ ŋa a pɔ ndwɛ nɛ, pugu pa nnu ŋa a shi ndɔ̄gɔ lɨʼɨ ndɨɨ nduoŋ nɛ.