Jouŋ 10:38 - Ŋwaʼaŋlɨ Kɨǹ a Fhi

³⁸ Ndɔ m̈i nchwīe pi fàʼa yi, njiʼi nthɛ pi nɔ haʼaŋ pəɨ lɔ njiʼi mbiŋ a nɛ, pəɨ piŋ nɛ fàʼa pighɔ, nnɛ ŋa pəɨ shi nji, thɔ yəɨ lɔ nshie ŋa Tǎa pɔ mbɨŋ mu, m̀bɔ mbɨŋ Tǎa.”

Jouŋ 10:38 ပူးပေါင်းရင်းမြစ်များ

Jouŋ 10:25

Jishɔ khwɛ̄ ni pugu ŋa, “Mi ni ŋkwo shwei vəɨ ndɔ paʼa pəɨ lɔ mbiŋ. Pa fàʼa ŋa m̀fāʼa nu ni ligi Tǎa nɛ kwe ntie a ni yaoŋ ŋa mi yie nɛ.

Jouŋ 10:30

Mmu pigi Tǎa a pɔ pi taʼa yi.”

Jouŋ 11:4

Ndɔ Jishɔ ni ŋga njaʼo, nchhu ŋa, “Ghɨ̌nɔ ghɔ lɔ mbɔ yi gu. A pɔ pi nɔ fɛ nu ndighaʼo ni Minnwi nnɛ ŋa Muuŋ Minnwi tɔgɔ ŋkuoŋ ghɔ mfāʼo ndighaʼo.”

Jouŋ 14:20

A shi ŋga mbɔ llɛ́ ghɔ, pəɨ ji ŋa m̀bɔ moŋ Tǎa, pəɨ pɔ mbɨŋ mu, mummu pɔ mbɨŋ pəɨ.

Jouŋ 17:11

Ndɔ ndwɛ, ǹthɔ mbɨnɨ nu njəɨ ghɔ, ǹdɔ nuʼuŋ mbiʼi ŋkuoŋ mbhi, a pugu ŋkuoŋ mbhi. Tǎa ŋa a pɔ taoŋtaoŋ nɛ, nūʼɔŋ vugu ki kàʼa lɔ ŋkēe vugu ni ghrɨ́ ligi yɔ ŋa ɔ fɛ vəɨ nɛ, nnɛ ŋa pugu pɔ taʼa yi wuʼɔ nɔ haʼaŋ pɔgɔ taʼa yi nɛ.

Jouŋ 3:2

Ŋoŋ vei thɔ njəɨ Jishɔ ni tuʼu nchhu ghɔ ŋa, “Masha, pigi ji ŋa ɔ ŋgaŋ yɛʼi ŋgwa llɔ mbɔ Minnwi, nthɛ ŋa a nthɛ paʼa ŋoŋ lɔ nōoŋ pa lì pei ŋa ɔ nōoŋ nɛ ki Minnwi lɔ mbɔ pugu yu kaʼa.”

Jouŋ 5:36

“Ndɔ m̀fāʼo yichəɨ miŋkwentie ŋa a chaa pɛ nnu ŋa Jouŋ ni nchhu nthɛ a nɛ. Nthɛ ŋa pa fàʼa ŋa Tǎa fɛ vəɨ ŋa m̀fāʼa nɛ, mbɔ fàʼa pɛ ŋa m̀fāʼa nu nɛ, kwe ntie a ŋa a taoŋ Tǎa ntaoŋ a.

Fàʼa 2:22

“Ŋgwa Ishrae, pəɨ yaʼo chrà yei! Jishɔ llɔ Nasharɛ, ŋoŋ ŋa Minnwi ni nōoŋ ŋa a taoŋ ju ntaoŋ vi, ŋkie pi ŋkuoŋ pa nnu ghraoghrao pugu pa lì ŋa a ni mfɛ ghrɨ́ ghɔ a chwīe nɔ ghɔ shɨna pəɨ nɔ haʼaŋ pəɨ ŋkaa pəɨ ji nɛ.

1 Jouŋ 3:24

Shesheŋoŋ ŋa a nūʼɔŋ kɨ̀na Minnwi nɛ, kɨna mbɨŋ Minnwi, Minnwi kɨna mbɨŋ yu. Pia ji ŋa a kɨna mbɔ taʼa yi pia pugu, ntɔgɔ pi ŋkuoŋ Jijwɛ yi ŋa a fɛ ni pia nɛ.