Jɛiŋ 4:2 - Ŋwaʼaŋlɨ Kɨǹ a Fhi

² Pəɨ tāʼa pa yaoŋ ndɔ paʼa ndɔ mfāʼo, nɛnnɛ, pəɨ jwi. Pəɨ shɔ̄rɔ pa yaoŋ nɔ fāʼo nu ndɔ paʼa ndɔ mfāʼo, nɛnnɛ, pəɨ fɛ̄ʼi fɛ̀ʼi ndɔ ŋgwie ŋkrɔ̀. Pəɨ lɔ njiʼi mfāʼo yaoŋ ŋa pəɨ tāʼa nu nɛ nthɛ ŋa pəɨ lɔ njiʼi nduoŋ mbhɔ Minnwi.

Jɛiŋ 4:2 ပူးပေါင်းရင်းမြစ်များ

Jouŋ 16:24

Ndɔ ti nchəɨŋ ndwɛ, pəɨ shi lɔ mbie sheshe yaoŋ yaʼa nɔ ligi a. P̂əɨ pie kaŋ pəɨ shi mfāʼo nnɛ ŋa pwanjuʼɔ yəɨ lɨnaoŋ.

Jouŋ 4:10

Jishɔ khwɛ̄ ghɔ ŋa, “Ɔ kaŋ nji fɛ́ Minnwi, ki nji ŋoŋ yɛ ŋa a thɔ nchhu nu ŋa, ‘Fɛ ŋkhǐ nnu nɛ’, ɔ kaŋ mbie vi, a fɛ ŋkhǐ ŋa a ghà mfɛ chɔmbhi nɛ vɛ.”

Jɛiŋ 1:5

S̈hesheŋoŋ shɨna pəɨ mbou shiethɔ, â luoŋ mbhɔ Minnwi ŋa a ghà mfɛ ni ŋguoŋ ŋgwa ki lɔ ŋgīʼɛ, ki lɔ ŋkrɛ̄i ŋoŋ nɛ, kaŋ a shi mfɛ ghɔ.

Jɛiŋ 5:6

Pəɨ wɛ̄iŋ ŋoŋ ndɨndɨ nɔ ŋgushaʼa, njwi vi ndɔ paʼa a lɔ ndɨʼɨ vəɨ.

1 Jouŋ 3:15

Shesheŋoŋ ŋa a pɨ̄na ndǐŋ vi nɛ pɔ pi njwi ŋoŋ, ndɔ pəɨ ji ŋa mbaʼa pa ghaŋ jwi ŋgwa fāʼo chɔmbhi ki mmɛ moŋ njùʼɔ pugu.