Jɛiŋ 1:1 - Ŋwaʼaŋlɨ Kɨǹ a Fhi

¹ Ŋwaʼaŋlɨ yei llɔ mbhɔ mu Jɛiŋ, mbɔ muuŋ fàʼa Minnwi pugu Jishɔ Krishto ŋa a Taathɔ nɛ. Ǹchrā ni ŋguoŋ ŋgwa Minnwi llɔ moŋ paanchrɔ laʼataoŋ Ishrae ŋa pugu sha moŋ ŋguoŋ mbhi nɛ.

Jɛiŋ 1:1 ပူးပေါင်းရင်းမြစ်များ

Matio 10:3

Fili pugu Batolomiu, Toma ni Matio mbɔ ŋgwɛ̄iŋ taashi, ni Jɛiŋ muuŋ Afioshi, ni Tadio,

Matio 13:55

Yei lɔ mbɔ muuŋ kaminda? Ligi mǔuŋ vi lɔ mbɔ Meri? Jɛiŋ, Joshɛ, Shemu pugu Judashi shi lɔ mbɔ pa lǐŋ pi?

Matio 19:28

Jishɔ chhu ni pugu ŋa, “Shishini, ǹchhu ni pəɨ ŋa pəɨ ŋa pəɨ yōu njiŋ a nɛ, a shi ŋga mbɔ moŋ mbhi fhi ndɨɨ ŋa Muuŋ Ŋoŋmishua shi nchhɔ ŋkuoŋ faaŋ ndighaʼo yi nɛ, pəɨ ŋkaa pəɨ shi nchhɔ ŋkuoŋ paanchrɔ faaŋ nthɔ shaʼa paanchrɔ laʼataoŋ Ishrae.

Maaku 3:18

ni Andru, pugu Fili, ni Batolomiu, pugu Matio, ni Toma, ni Jɛiŋ mbɔ muuŋ Afioshi, ni Tadio, ni Shemu ŋa a kwìni laʼa nɛ,

Luka 22:30

nɛnnɛ ŋa pəɨ shi njɨ ndɔ nnu ŋkuoŋ taprɛi a moŋ Shaʼafuoŋ a, ndɔ nchhɔ ŋkuoŋ pa faaŋ nshaʼa ŋgwa paanchrɔ taoŋ Ishrae.

Luka 6:15

ni Matio, pugu Toma, ni Jɛiŋ mbɔ muuŋ Afioshi, ni Shemu ŋa pi ni mɛ̄iŋ vi ni kwìni laʼa nɛ,

Jouŋ 12:26

S̈hesheŋoŋ mfāʼa mbhɔ mu, a yiʼi ŋa a yōu njiŋ a, nnɛ ŋa lɨʼɨ ŋa m̀bɔ nɛ, muuŋ fàʼa a shi mbɔ fɔ ŋkaa yu. S̈hesheŋoŋ mfāʼa mbhɔ mu, kaŋ Tǎa a shi ŋgaʼo vi.

Jouŋ 7:35

Pa thishɨ ŋgwa Juu chhu ni noŋ pugu ŋa, “Ŋoŋ vei tāʼa ŋgə̄ɨ pi hɨŋ ŋa mbaʼa pigi yiʼi njəɨ vi? A tāʼa nu ŋgə̄ɨ moŋ laʼataoŋ nduoŋ lɨʼɨ haʼaŋ ŋgwa pia pɔ nɛ, njɛʼi pa ŋgwa nduoŋ pighɔ?

Fàʼa 1:13

Pugu ni ŋga nii fɔ, ŋkuʼɔ moŋ njiɛŋ nda tɔthɨ lɨʼɨ haʼaŋ pugu ni ndaʼa nu nɛ. Pugu ni mbɔ: Pita ni Jouŋ ni Jɛiŋ ni Andru, Fili pugu Toma, Batolomiu pugu Matio, Jɛiŋ muuŋ Afioshi ni Shemu, mbɔ kwìni laʼa, ni Judashi, mbɔ muuŋ Jɛiŋ.

Fàʼa 12:17

A nōoŋ ni mbhɔ yi ŋa p̂ugu lɛrɛ laŋ, mfɨ̄ʼɨ ni pugu ŋkwaŋ haʼaŋ Taathɔ mfuʼu vi moŋ chə́ɨŋ nɛ, ndɔ nchhu ni pugu ŋa, “Pəɨ shwei Jɛiŋ pugu pa pichəɨ ghaŋ piŋ ni nnu pei.” A lɔllɔ kiʼɛ ŋga ntaoŋ mbhi ŋgə̄ɨ lɨʼɨ nduoŋ.

Fàʼa 15:13

Pugu ni ŋga mfɨ̄ʼɨ ti mīʼɛŋ, Jɛiŋ khwɛ̄ ŋa, “Lǐŋ paŋ, p̂əɨ yaʼo vəɨ!

Fàʼa 15:21

Nthɛ ŋa llɔ llɛshhɨ Mushi fāʼo ŋgwa ŋa pugu gha mɛ̄iŋ gɨ́ yi moŋ ŋguoŋ laʼataoŋ ghao, pi ghà mɛ̄iŋ chrà yi ŋguoŋ llɛ́ ji ghao moŋ pa nda luoŋ Minnwi.”

Fàʼa 15:23

Ntaoŋ vugu ni yei ŋwaʼaŋlɨ, ŋwaʼaŋlɨ ghɔ chhu ŋa, “Pigi, mbɔ pa ghaŋ ntaoŋ Jishɔ pugu pa thishɨ, mbɔ pa lǐŋ pəɨ, nchrā ni pəɨ, mbɔ pa ghaŋ piŋ llɔ laʼataoŋ nduoŋ nchhɔ nu moŋ Antiɔ, pugu pa Shiria ni Shilishia nɛ.

Fàʼa 2:5

Moŋ pɨɨ ndɨɨ ghɔ, pa ŋgwa Juu ŋa pugu ni mfāʼo pɔgɔ Minnwi nɛ ni ndaʼa nu Jerushalɛiŋ llɔ moŋ ŋguoŋ mbhi ghao.

Fàʼa 21:18

Mbhi gha ndaŋ, pigi pa Pɔɔ ghə̄ɨ njəɨ Jɛiŋ. Ŋguoŋ pa thishɨ ni mbɔ fɔ.

Fàʼa 23:26

“Ŋwaʼaŋlɨ yei nāʼaŋ mmu Klaudiu Lishia vɛ, ma Feli ŋoŋ ndiɛŋ, ǹchrā vɛ.

Fàʼa 26:7

Mbɔ yaoŋ ŋa paanchrɔ laʼataoŋ ŋgwa pigi kwāʼa nu nɔ haʼaŋ pugu ghaʼo Minnwi ni taʼanjuʼɔ yugu moŋ tuʼu pugu pa naoŋchɨ nɛ. A chwīe nthɛ kwàʼa yei ŋa m̀fāʼo nɛ ŋa pa ŋgwa Juu pei tigi pa nnu thɔ mu, ma Fùoŋ Agripa.

Fàʼa 8:1

Shɔɔ ni mbiŋ ŋa pi jwi Shitifiŋ ghɔ. Llɛ́ ghɔ ŋgwa yrɛi nthɔ mfɛ ŋkiɛŋ ŋgəʼɨ ni chɔshi Jerushalɛiŋ, pugu sha moŋ ŋguoŋ Judia pugu pa Shamaria, a twiʼa pa ghaŋ ntaoŋ Jishɔ.

Roma 1:1

Ŋwaʼaŋlɨ yei llɔ mbhɔ mu Pɔɔ, mbɔ muuŋ fàʼa Krishto Jishɔ. Pi gɛ̄ a ŋa m̀bɔ ŋgaŋ ntaoŋ Krishto, Minnwi chuʼɔ a ŋa ǹchīi pwa pishaʼakhɔ yi,

Galashia 1:19

Ǹshini ndɔ njəɨ kaŋ taʼa ŋgaŋ ntaoŋ Jishɔ ŋkiɛŋ Jɛiŋ ndǐŋ Taathɔ.

Galashia 2:12

Ŋkāoŋ pichəɨ ŋgwa ŋa Jɛiŋ ni ntaoŋ vugu nɛ maa nchəɨŋ, Kefa ni nthɔ njɨ maoŋ pugu pa ŋgwa taoŋ nduoŋ, ŋgwa pighɔ gha nthɔ nchəɨŋ, a fuʼu noŋ yi mbɨ̄nɨ njiŋ nthɛ ŋa a ni nthɔ mbɔgɔ ŋgwa pɛ ŋa pugu ni nthi yugu pi ŋa pi niʼiŋ ŋgwa taoŋ nduoŋ ŋgunu mbrɛi nɛ.

Galashia 2:9

Ndɨɨ ŋa Jɛiŋ pugu Kefa, ni Jouŋ ŋa pugu ni mbɔ nɔ pa kwìni ni njəɨ fɨʼɨ pwapuŋ ŋa Minnwi ni nōoŋ vəɨ nɛ, pugu chrā ni pigi Banaba ni mbhɔ nɔ nōoŋ nu ŋa pugu piŋ nnu ŋa pigi yɛʼi nu nɛ, ŋa pigi ghə̄ɨ nchīi ni pa ŋgwa taoŋ nduoŋ, pugu chīi yugu ni ŋgwa ŋa pi niʼiŋ vugu ŋgunu mbrɛi nɛ.

Filipai 1:1

Ŋwaʼaŋlɨ yei llɔ mbhɔ mu Pɔɔ pigi Timoti, mbɔ puoŋ fàʼa Krishto Jishɔ. Ǹāʼaŋ mfɛ pi ni pa ŋgwa Minnwi pi taoŋtaoŋ moŋ Krishto Jishɔ laʼataoŋ Filipai pugu pa thishɨ moŋ chɔshi pugu pa ŋgwa ŋa pugu ghà ŋgɛ̄rɛ fàʼa moŋ chɔshi nɛ.

2 Timoti 4:21

Kāa ni ŋguoŋ ghrɨ́ nɔ thɔ nu laoŋ ma nchhu. Yubulu māʼaŋ chrà yɔ. Wuʼɔ nɔ haʼaŋ Pudeŋ ni Lainu, ni Klaudia ni ŋguoŋ lǐŋ pia moŋ piŋ ghao māʼaŋ ŋkaa pugu nɛ.

Taitu 1:1

Ŋwaʼaŋlɨ yei llɔ mbhɔ mu, Pɔɔ, mbɔ ŋkǔna Minnwi, ndɔ mbɨnɨ mbɔ ŋgaŋ ntaoŋ Jishɔ Krishto. Pi ni nchuʼɔ a ntaoŋ nɔ ghɛ̄rɛ nu piŋ pa ŋgwa haʼaŋ Minnwi chuʼɔ vugu nɛ, mbɨnɨ nuʼuŋ nchwīe pugu ji nnu shini ŋa a ghà nchwīe ŋoŋ fāʼo pɔ́gɔ Minnwi nɛ,

1 Pita 1:1

Ŋwaʼaŋlɨ yei llɔ pi mbhɔ mu Pita mbɔ ŋgaŋ ntaoŋ Jishɔ Krishto. M̀fɛ pi ni pa ŋgwa Minnwi ŋa a chuʼɔ nɛ. Ŋgwa pei sha, nchhɔ nu nɔ pa ghɨ̀nɨ moŋ ŋgei pa laʼataoŋ Pontu, Galashia, Kapadoshia, Eshia pugu pa Bitinia.

2 Pita 1:1

Ŋwaʼaŋlɨ yei llɔ mbhɔ mu Shemu Pita, mbɔ muuŋ fàʼa, ndɔ mbɨnɨ mbɔ ŋgaŋ ntaoŋ Jishɔ Krishto ŋgə̄ɨ nu ni pəɨ ŋa pəɨ fāʼo piŋ ŋa a taʼa ŋkwaŋ pugu pa yigi ntɔgɔ pi ŋkuoŋ ndɨndɨ Minnwi via ndɔ mbɔ ŋkwe via, Jishɔ Krishto nɛ.

Jude 1:1

Ŋwaʼaŋlɨ yei llɔ mbhɔ mu Jude, mbɔ muuŋ fàʼa Jishɔ Krishto mbɨnɨ mbɔ ndǐŋ Jɛiŋ, ŋgə̄ɨ nu ni ŋgwa pɛ ŋa Minnwi, mbɔ Tǎa, gɛ̄ vugu, ndɔ ŋkhwā vugu, nūʼɔŋ ni Jishɔ Krishto nɛ.

Nnu Nōoŋ 7:4

Ǹjaʼo fɨʼɨ ŋgwa ŋa pi ni nūʼɔŋ lì yugu nɛ pɔ taʼa ŋkɨɨ ŋkaŋ ni khwɛ wuŋ ŋkaŋ ni ŋkaŋ yi khwɛ llɔ moŋ ŋguoŋ ndaaŋoŋ Ishrae: