Hibru 13:4 - Ŋwaʼaŋlɨ Kɨǹ a Fhi

⁴ Ŋguoŋ ŋ̂gwa ghao ghaʼo láŋ, kiʼi ŋoŋ nūaŋ pugu ŋoŋ nduoŋ ŋa a lɔ mbɔ ŋgwɛ vi ki ndaoŋ vi nɛ, nthɛ ŋa Minnwi shi nshaʼa pa ghaŋ kwoshuoŋ, pugu pa ghaŋ láŋ ŋa pugu kwoshuoŋ nɛ.

Hibru 13:4 ပူးပေါင်းရင်းမြစ်များ

1 Koriŋ 5:13

Minnwi shi nshaʼa ŋgwa pɛ ŋa pugu shi lɔ mbɔ ŋgia chɔshi nɛ. Ŋwaʼaŋlɨ Minnwi chhu ŋa, “P̂əɨ fuʼu ŋoŋ mbɨmbhɨ shɨna pəɨ.”

1 Koriŋ 6:18

P̂əɨ tei kwo nu shúoŋ. Sheshe phɨ nduoŋ ŋa ŋoŋ chwīe nɛ lɔ njiʼi mbɔ pi moŋ noŋ yu ndɔ ŋgaŋ kwo shúoŋ chwīe phɨ pi mbɨŋ noŋ yi.

1 Koriŋ 6:9

Ki pəɨ lɔ njiʼi nji ŋa mbaʼa ŋgwa təɨtəɨ fāʼo shɨna moŋ Shaʼafuoŋ Minnwi? Kiʼi pi fɨ̄ɨ vəɨ: mbaʼa ŋgaŋ kwo shúoŋ, ki ŋgaŋ ghaʼo pa nnwi, ki ŋgaŋ láŋ ŋa a kwo shúoŋ nɛ, ki pimbia ŋa pugu pa shakhɨ nɛ, ki pimbia ŋa pugu lɔ̄gɔ pichəɨ pimbia nɔ ŋgwɛ vugu nɛ,

1 Koriŋ 7:38

Nɛnnɛ kiʼɛ, ŋoŋ ŋa a laŋ miŋgwɛ ŋa pugu yu kāʼa láŋ nɛ chwīe a pwa, ndɔ yɛ ŋoŋ ŋa a lāa ki lɔ ndaŋ nɛ ka chwīe a pwapwa ŋgaʼa.

1 Koriŋ 9:5

A lɔ ŋkāʼo ŋa pigi thɔ pigi pa piŋgɛ ŋa pigi laŋ, mbɔ ghaŋ piŋ, nɔ haʼaŋ pichəɨ ghaŋ ntaoŋ Jishɔ pugu pa ndǐŋ Taathɔ pugu pa Kefa chwīe ŋkaa pugu nɛ?

2 Koriŋ 5:10

Nthɛ ŋa ŋguoŋ yigi ghao ma ŋguʼɔ nthi sháʼa shhɨ faaŋ Krishto, nnɛ ŋa shesheŋoŋ nthɛ a fāʼo yaoŋ ŋa a pie ŋa a fāʼo nthɛ nnu ŋa a ni nchwīe moŋ frɛinoŋ yei nɛ, ki a pɔ pi pwa ki phɨ.

Galashia 5:19

Pa mbha nnu ŋa frɛinoŋ ghà nchwīe nɛ lɔ nuʼuŋ mbɔ pi nnu lə̄ɨŋ: shúoŋ, mbha nnu tɔtrɔ, pa nnu shhunoŋ,

Galashia 5:21

chwīe nu pa nnu kighɨʼə, paa nu làʼo, ghə̄ɨ nu moŋ pa lɨʼɨ jɨ ki tou pugu pa ŋguoŋ ŋkwaŋ nnu pei. Ǹshūu tə́nə yəɨ ŋkwaŋ nɔ haʼaŋ ŋki ŋkwo shūu tə́nə yəɨ nɛ, ŋa mbaʼa ŋgwa pɛ ŋa pugu ghà nchwīe ŋkwaŋ nnu pei nɛ fāʼo shɨ̀na moŋ Shaʼafuoŋ Minnwi.

Ɛfɛshɔ 5:5

Pəɨ ya nji yei nnu shiʼi ŋa, mbaʼa ŋgaŋ kwo shúoŋ, pugu pa ŋgaŋ chwīe nnu nchhí, ki ŋgaŋ pɨ̀ga (ŋkwaŋ ŋoŋ yei pɔ pi nɔ ŋgaŋ ghaʼo pa nnwi), yiʼi mfāʼo sheshe yaoŋ moŋ Shaʼafuoŋ Krishto pugu pa yi Minnwi.

1 Teshalonika 4:6

Moŋ nnu yei, kiʼi shesheŋoŋ fāaŋ nnu mbɨŋ ndǐŋ vi ki nchīgi vi, nthɛ ŋa Taathɔ ghà mfɛ njɔ́ moŋ ŋguoŋ nnu pei, wuʼɔ nɔ haʼaŋ pigi ni ŋkwo shwei vəɨ ndɔ mbɨnɨ nuʼuŋ nshūu tə́nə yəɨ nɛ.

1 Timoti 3:12

Pa dikɨŋ fāʼo nɔ laŋ nu wuʼɔ taʼa miŋgwɛ, ntuo puoŋ pugu, pugu pa moŋ nda yugu shiʼi.

1 Timoti 3:2

Nthishɨ nɔ ŋgaŋ chhu chrà Minnwi fāʼo nɔ pɔ nu ki ntəɨ, ndaŋ wuʼɔ taʼa miŋgwɛ, ŋgwɛ̄iŋ noŋ yi, ntuo noŋ yi shiʼi, ŋoŋ chɨɨchɨɨ, ŋgaŋ tuo pa ghɨ̀nɨ shiʼi, nji yɛʼi nu.

1 Timoti 3:4

A fāʼo nɔ tuo nu mooŋ nda yi shiʼi, nchwīe puoŋ pi yaʼo nchò yi moŋ ŋguoŋ pɔ́gɔ.

1 Timoti 4:3

Pugu ŋgwa pɛ ŋa pugu lāa láŋ, pugu pa pichəɨ ŋkwaŋ maoŋ jɨ, mbɔ pa maoŋ jɨ ŋa Minnwi chwīe ŋa ŋgwa pɛ ŋa pugu piŋ ndɔ nji nnu shini nɛ, jɨ ni tōo nu.

1 Timoti 5:14

Nnɛ, ǹshi ŋkhwā ŋa pugu ŋa pugu pa mikəʼɨ nɛ laŋ, mbhi puoŋ, ndɨna ni mooŋ nda yugu, nnɛ ŋa kiʼi mimbɨna fāʼo shɨ̀na nɔ chrā nu phɨ nthɛ via.

Taitu 1:6

A pie ŋa nthishɨ nɔ ŋgaŋ chhu chrà Minnwi pɔ ki ntəɨ, ndaŋ wuʼɔ taʼa miŋgwɛ, puoŋ pi pɔ ghaŋ piŋ ndɔ ki pi lɔ ndīi vugu nɔ ŋgwa gha ki pa ntɨnɨthɔ.

Hibru 12:16

P̂əɨ yəɨ ŋa kiʼi shesheŋoŋ pɔ miŋkwoshuoŋ, ki ŋoŋ ki pɔgɔ Minnwi nɔ Ɛshɔ ŋa a ni mfīni lɨʼɨ yi nɔ muuŋ shhɨ nthɛ taʼa ŋgɛ́ maoŋ jɨ nɛ.

Nnu Nōoŋ 22:15

Ndɔ pa miŋgu, pa ghaŋ tou ŋgaŋ, ni pa ghaŋ kwoshuoŋ, pa ghaŋ jwi ŋgwa ni pa ghaŋ ghaʼo pa nnwi pɔ pi mbhi pugu pa shesheŋoŋ ŋa pugu khwā pa nnu mbe ndɔ nchwīe nu nɛ.