Hibru 13:17 - Ŋwaʼaŋlɨ Kɨǹ a Fhi

¹⁷ P̂əɨ yaʼo nchò pa thishɨ pəɨ mfɛ noŋ yəɨ ni pugu, nthɛ ŋa pugu chhɔ ndɨna nu ni nchə̌ɨ yəɨ nɔ pa ŋgwa haʼaŋ pugu lɛ mfɨ̄ʼɨ ni Minnwi ŋkwaŋ haʼaŋ pugu fāʼa nɛ. P̂əɨ chwīe nɛnnɛ nthɛ ŋa a pie ŋa pugu chwīe fàʼa yei moŋ pwanjuʼɔ, ki lɔ mbɔ pi ni shɔnɔ nu, nthɛ ŋa mbaʼa yinɛ ghɛ̄rɛ vəɨ.

Hibru 13:17 ပူးပေါင်းရင်းမြစ်များ

Luka 16:2

Nthɛ yie ghɔ, a mɛ̄iŋ vi nchhu ghɔ ŋa, ‘Yei khɔ ŋa ǹthɔ njaʼo nu nthɛ ghɔ? Fɨ̄ʼɨ vəɨ ŋkwaŋ nɔ haʼaŋ ɔ thɔ ntuo maoŋ paŋ nɛ, nthɛ ŋa mbaʼa ɔ nuʼuŋ mbiʼi nthishɨ pa puoŋ fàʼa paŋ.’

Fàʼa 20:28

“Nɛnnɛ, p̂əɨ lɨna ni noŋ pəɨ ndɔ mbɨnɨ ndɨna ni pa ŋgwa Minnwi ŋa Jijwɛ Minnwi nūʼɔŋ vəɨ ŋa pəɨ tigi ligi yəɨ mbɨŋ pugu nɛ, nɔ lɨna nu ni chɔshi Minnwi ŋa a yuoŋ ni chhǐ Muuŋ vi nɛ.

Roma 14:12

Nnɛ kiʼɛ, shesheŋoŋ via ma mfɛ khwɛ̀ ni Minnwi nɔ pa nnu pɛ ŋa a chwīe nɛ.

1 Koriŋ 16:16

p̂əɨ yaʼo nchò ŋkwaŋ ŋgwa pei pugu pa ŋguoŋ pichəɨ ŋgwa ŋa pugu nii moŋ fàʼa ghɔ ndɔ mfɛ njùʼɔ yugu moŋ ghɔ nnɛ nɛ.

Ɛfɛshɔ 5:21

P̂əɨ fɛ noŋ pəɨ ni noŋ pəɨ moŋ pɔ́gɔ Krishto.

Filipai 1:4

pugu pa moŋ ŋguoŋ luoŋ nu Minnwi a ni pəɨ ŋa ǹduoŋ nu moŋ pwanjuʼɔ,

Filipai 2:12

Nthɛ yie ghɔ, ma ŋkiɛŋ lǐŋ paŋ, wuʼɔ ŋkwaŋ nɔ haʼaŋ pəɨ ghà ŋguʼɔ njaʼo a ndɨɨ ŋa pia ni mbɔ kaʼa nɛ, a pɨnɨ ŋka ya mbwa mbīgi nɔ yaʼo nu ma ndwɛ ŋa ǹdɔ mbɔ yəɨ pəɨ nɛ. P̂əɨ ghə̄ɨ nchhɔ mfāʼa lūgu nu məɨ ni pɔgɔ pugu pa wrū nu.

Filipai 2:16

nchhɔ ŋgwɛ̄iŋ chrà chɔmbhi a tɨnɨ, nnɛ ŋa moŋ llɛmbhi ŋa Krishto shi mbɨnɨ nthɔ nɛ, minthɛ m̀fāʼo titɛnɛ nthɛ vəɨ, ŋa ŋguoŋ paʼo nu ma pugu pa fàʼa a shini, lɔ njiʼi mbɔ pi gha.

Filipai 2:29

Nnɛ, p̂əɨ lɔ̄gɔ vi ni ŋguoŋ pwanjuʼɔ ghao nthɛ piŋ yi mbɨŋ Taathɔ, ndɔ ŋgaʼo ŋkwaŋ ŋgwa pei.

Filipai 3:18

Nthɛ ŋa ntou ŋgwa ŋa mi ni ŋkwo shwei vəɨ, ndɔ mbɨnɨ nthɔ nshwei vəɨ ndwɛ pi ni ŋkhǐ ligi nɛ, chhɔ chɔmbhi yugu pi nɔ pa mbɨ̌na pa pishaʼakhɔ nthɛ wáʼa Krishto.

Filipai 4:1

Nthɛ yie ghɔ, ma lǐŋ paŋ ŋa ŋ̀khwā ndɔ mbɨnɨ ntāʼa nu njəɨ vugu, p̂əɨ chwīe mfāʼo pwanjuʼɔ, ndɔ mbɨnɨ mbɔ ŋgáʼo a. P̂əɨ tithi a tɨnɨ moŋ Taathɔ, ma ŋkiɛŋ pa lǐŋ paŋ ŋa ŋ̀khwā.

2 Teshalonika 3:14

S̈hesheŋoŋ mieŋ ki lɔ nchwīe nnu ŋa pigi nāʼaŋ moŋ ŋwaʼaŋlɨ yei nɛ, pəɨ līi ŋgaŋ vi shiʼi mfɛ mbra yi nnɛ ŋa thɔ yi lrī.

1 Timoti 5:17

Pa thishɨ ghaŋ chhu chrà Minnwi ŋa pugu tuo ŋgwa pugu shiʼi nɔ pa thishɨ nɛ, pie ŋa pi fɛ paa yɛrɛ ghaʼo nu ni pugu, mīʼɛŋ mbɔ ghaŋ yɛʼi ŋgwa ŋa pugu wie noŋ yugu nɔ chīi nu pugu pa yɛʼi nu chrà Minnwi nɛ.

Hibru 13:24

P̂əɨ chrā ni ŋguoŋ pa thishɨ pəɨ, mbɨnɨ nchrā ni ŋguoŋ pa ŋgwa Minnwi pi taoŋtaoŋ. Pa ŋgwa llɔ moŋ laʼataoŋ Itali chhu ŋa pi chrā ni pəɨ.

Hibru 13:7

P̂əɨ kwiŋ pa thishɨ pəɨ, mbɔ pɛ ŋa pugu chhu chrà Minnwi ni pəɨ nɛ. Pəɨ pīʼi ŋkwaŋ haʼaŋ pugu ni nchhɔ chɔmbhi yugu ti nuʼuŋ ŋkhu nɛ mbīni piŋ yugu.

Jɛiŋ 4:7

Nthɛ yie ghɔ, p̂əɨ fɛ noŋ yəɨ ni Minnwi. P̂əɨ thi a tɨnɨ nɔ māʼaŋ nu devɨ, kaŋ a shi ntei vəɨ.

1 Pita 5:5

Wuʼɔ nɛnnɛ, p̂əɨ ŋa pəɨ pa mikəʼɨ nɛ, yaʼo nchò pa thishɨ ŋa pugu yɛʼi ŋgwa nɛ. Ŋguoŋ vəɨ ghao pɔ pa ghaŋ jū noŋ ni noŋ pəɨ nthɛ ŋa, “Minnwi lāa ŋgwa haʼaŋ pugu kə̄rə noŋ yugu tɔthɨ nɛ, nōoŋ pwapuŋ yi ni ŋgwa haʼaŋ pugu shwiʼi noŋ yugu shhɛ nɛ.”