Galashia 4:26 - Ŋwaʼaŋlɨ Kɨǹ a Fhi

²⁶ Ndɔ yɛ Jerushalɛiŋ ŋa a pɔ po nɛ, lɔ njiʼi mbɔ moŋ kǔna ndɔ mbɔ mǔuŋ via.

Galashia 4:26 ပူးပေါင်းရင်းမြစ်များ

Jouŋ 8:36

Nɛnnɛ ti m̈uuŋ ŋkɨ̄gɛi ŋkɨɨ mbɨŋ pəɨ, kaŋ pəɨ ya ntaoŋ moŋ ŋkɨɨ shishini.

Roma 6:14

Nthɛ ŋa mbaʼa phɨ nuʼuŋ nshaʼa vəɨ, nthɛ ŋa pəɨ lɔ nuʼuŋ nchhɔ chɔmbhi njaʼo pi mbhɔ gɨ́, pəɨ chhɔ chɔmbhi yəɨ ntɔgɔ pi mbhɔ pwapuŋ Minnwi.

Roma 6:18

ndɔ pi ni ŋga kwo fuʼu vəɨ moŋ phɨ, pəɨ gū pa ŋkǔna mbhɔ nnu ndɨndɨ.

Galashia 4:22

Nthɛ ŋa pi nāʼaŋ ŋa Abrahaŋ ni mfāʼo paa puoŋ pimbia, taʼa yi pɔ mǔuŋ vi pɔ miŋgwɛ ŋkǔna, yichəɨ pɔ muuŋ vɛ ŋa a shini ndɔ mbɔ kǔna nɛ.

Galashia 4:25

Haga yei pɔ pi nɔ mbra Shinai moŋ laʼataoŋ Arabia, mbɔ nɔ Jerushalɛiŋ shiʼa nthɛ ŋa a pɔ moŋ kǔna pugu pa puoŋ pi.

Galashia 5:1

Nɔ taoŋ nu moŋ kǔna, Krishto kwo fuʼu via moŋ ghɔ. Nthɛ yie ghɔ, thi a tɨnɨ ki lɔ nuʼuŋ mfɛ noŋ yɔ ni lrì kǔna.

Filipai 3:20

Pia pɔ pi ŋgwa po, llɔ fɔ, pia chhɔ njwɛrɛ ŋkwe, mbɔ Jishɔ Krishto Taathɔ.

Hibru 12:22

Ndɔ pəɨ thɔ pi yəɨ mbra ŋa pi mɛ̄iŋ ni Shayaoŋ nɛ, pugu pa mmɛ laʼataoŋ Minnwi maoŋ, mbɔ Jerushalɛiŋ ŋa a llɔ po, shhɨ pa ŋkaŋŋkaŋ pa ghaŋ ntaoŋ Minnwi ŋa pugu kɨrɨ moŋ mmɛ pwatua nɛ,

1 Pita 2:16

P̂əɨ chhɔ chɔmbhi yəɨ nɔ pa ŋgwa ŋa pugu lɔ njiʼi mbɔ pa kǔna, ndɔ ki lɔ ndɔ̄gɔ ji nu ŋa pəɨ lɔ njiʼi mbɔ pa kǔna nɛ ŋkuru pi nnu pɨphɨ nɔ ghɔ, pəɨ chhɔ pi nɔ puoŋ fàʼa Minnwi.

Nnu Nōoŋ 12:1

Ŋkiɛŋ mmɛ lì nōoŋ noŋ yi po, miŋgwɛ chəɨ ŋa ndhwí yi ni mbɔ pi minaoŋ, fhú pɔ laʼo kwò yu, ni ŋkie ni paanchrɔ fɨ́nəɨ ŋkuoŋ pɔ thɔ yu.

Nnu Nōoŋ 17:5

Pi ni nāʼaŋ yichəɨ nnu lə̄ɨŋ ŋkuoŋ choyei yi: Mmɛ Babiloŋ mbɔ mǔuŋ pa shakhɨ pugu pa ŋguoŋ pa nnu pɨphɨ ghao ŋkuoŋ shhɛ.

Nnu Nōoŋ 21:2

Nnɛ ǹjəɨ laʼataoŋ taoŋtaoŋ, mbɔ Jerushalɛiŋ fhi a shwiʼi nu llɔ po, llɔ mbhɔ Minnwi, pi pīri vi nɔ miŋgwɛ fhi ŋa pi chwīe vi nɔ ghə̄ɨ nu ntini ni ndaoŋ vi.

Nnu Nōoŋ 3:12

Ŋoŋ ŋa a māʼaŋ ti ŋgaʼa nɛ, ǹshi nchwīe vi a pɔ kwìni Nda Minnwi a. Mbaʼa a lɛ ma nuʼuŋ ntaoŋ fɔ, ǹdɔ mbɨnɨ nāʼaŋ ligi Minnwi a mbɨŋ yu, mbɨnɨ nāʼaŋ ligi laʼataoŋ Minnwi a mbɔ Jerushalɛiŋ fhi, ŋa a taoŋ po nshwiʼi nu shhɛ llɔ mbhɔ Minnwi a, pugu pa ligi a yi fhi nɛ, mbɨŋ yu.