Galashia 4:18 - Ŋwaʼaŋlɨ Kɨǹ a Fhi

¹⁸ Ŋ̈oŋ mfāʼo ntou khwǎ nɔ chwīe nu shiʼi, kaŋ a pwa, ndɔ â chwīe ŋguoŋ ndɨɨ ghao, ki lɔ ŋguʼɔ mbɔ pi ndɨɨ ŋa pia pɔ kaʼa nɛ.

Galashia 4:18 ပူးပေါင်းရင်းမြစ်များ

Jouŋ 2:17

Pa ghaŋ younjiŋ pi kwiŋ ŋa pi ni nāʼaŋ ŋa, “Niʼiŋ njùʼɔ nthɛ Nda yɔ shi njɨ a.”

1 Koriŋ 15:58

Nthɛ yie ghɔ, ma ŋkiɛŋ pa lǐŋ paŋ, p̂əɨ thi a tɨnɨ, kiʼi pəɨ chɨ̄ʼɨ, ŋguʼɔ nchhɔ ŋgə̄ɨ ghə̄ɨ shhɨ moŋ fàʼa Taathɔ, nji nu ŋa fàʼa yəɨ moŋ Taathɔ shi lɔ nchhɔ mbhɛ pi ghagha.

Galashia 4:13

Pəɨ ji ŋa a ni mbɔ nthɛ pi ŋa noŋ a shini ndɔ nja mbɔ shiʼi nɛ ŋa ŋki chīi ŋkɨ̀nɨ pwa pishaʼakhɔ ni pəɨ fǔoŋ ŋgɛ.

Galashia 4:17

Ŋgwa pighɔ nōoŋ nu ŋa pugu fāʼo ndɨɨ yəɨ ntou yi ndɔ paʼa ndɔ mbīʼi pi shiʼi nthɛ vəɨ. Pugu tāʼa nu mfɛ̄nɛ vəɨ yəɨ mu, nnɛ ŋa pəɨ kɨna ni ŋguoŋ njùʼɔ yəɨ njiŋ pugu.

Galashia 4:20

Ǹjūa ŋa pia kaŋ ni mbɔ pi kaʼa, ŋ̀kwri ŋkwaŋ ŋggì ŋa ǹchrā nu nɔ nɛ, nthɛ ŋa m̀fāʼo ntou fiŋthɔ nthɛ vəɨ.

Filipai 1:27

P̂əɨ wuʼɔ nchwīe mbha chɔmbhi yəɨ nyīeŋ ŋkāʼo pugu pa pwa pishaʼakhɔ Krishto, nnɛ ǹji ŋa ki mi tɔthɔ njəɨ vəɨ ki mi lɔ nthɔ, minthɛ ŋ̀guʼɔ njaʼo ŋa pəɨ thi a tɨnɨ nu moŋ taʼanjuʼɔ, pugu pa ŋa ni taʼa kwāʼa nu, pəɨ thɔ mbaʼo nu kaʼa nthɛ piŋ pwa pishaʼakhɔ,

Filipai 2:12

Nthɛ yie ghɔ, ma ŋkiɛŋ lǐŋ paŋ, wuʼɔ ŋkwaŋ nɔ haʼaŋ pəɨ ghà ŋguʼɔ njaʼo a ndɨɨ ŋa pia ni mbɔ kaʼa nɛ, a pɨnɨ ŋka ya mbwa mbīgi nɔ yaʼo nu ma ndwɛ ŋa ǹdɔ mbɔ yəɨ pəɨ nɛ. P̂əɨ ghə̄ɨ nchhɔ mfāʼa lūgu nu məɨ ni pɔgɔ pugu pa wrū nu.

Taitu 2:14

Jishɔ Krishto yei ni mfɛ noŋ yi ŋkhu nthɛ via nɔ yuoŋ nu via mfuʼu moŋ ŋguoŋ pa nnu pɨphɨ ghao, nchwīe via pia pɔ pa ŋgwa taoŋtaoŋ ŋa pugu fāʼo niʼiŋ njùʼɔ nɔ chwīe nu shiʼi.

Nnu Nōoŋ 3:19

Ŋgwa pɛ ŋa ŋ̀khwā vugu nɛ, ŋ̀ga mfɛ̄ʼi vugu mbɨnɨ njuʼu vugu, nnɛ, pəɨ fāʼo ntou niʼiŋ njùʼɔ, mbāʼa ŋkǔnu yəɨ ni phɨ.