Galashia 1:13 - Ŋwaʼaŋlɨ Kɨǹ a Fhi

¹³ Pəɨ ni njaʼo ŋkwaŋ haʼaŋ chɔmbhi a ni mbɔ, ndɨɨ ŋa mi ni nthɔ njōu njiŋ ŋkwaŋ nnu Minnwi pa ŋgwa Juu nɛ, ŋkwaŋ haʼaŋ ŋki thɔ mfɛ tɨtɨnɨ ŋgəʼɨ ni chɔshi Minnwi, mbaʼo nu nɔ shiʼi nu vi nɛ.

Galashia 1:13 ပူးပေါင်းရင်းမြစ်များ

Fàʼa 8:1

Shɔɔ ni mbiŋ ŋa pi jwi Shitifiŋ ghɔ. Llɛ́ ghɔ ŋgwa yrɛi nthɔ mfɛ ŋkiɛŋ ŋgəʼɨ ni chɔshi Jerushalɛiŋ, pugu sha moŋ ŋguoŋ Judia pugu pa Shamaria, a twiʼa pa ghaŋ ntaoŋ Jishɔ.

Fàʼa 8:3

Ndɔ Shɔɔ jɛ̄ nthɔ nshāaŋ chɔshi, nii nda nda nthɔ mfuʼu mbia pugu pa piŋgɛ mbɔ ghaŋ piŋ nthɔ māʼaŋ vugu chə́ɨŋ.

Fàʼa 9:21

Ŋguoŋ ŋgwa ŋa pugu ni njaʼo a thɔ nchīi nu nɛ ni ŋgrào, mbie ŋa, “Yei shi lɔ mbɔ ŋoŋ ŋa a ni nthɔ mfɛ wuwuru ŋgəʼɨ ni ŋgwa pɛ Jerushalɛiŋ, ŋa pugu ghà njɨʼə noŋ yugu mbɨŋ ŋoŋ ghɔ ŋa pi mɛ̄iŋ ni Jishɔ nɛ? A shini ndɔ ŋguʼɔ nthɔ hɛiŋ pi nɔ wɛ̄iŋ nu ŋgwa pighɔ ŋgə̄ɨ mfɛ vugu ni pa thishɨ ghaŋ fɛʼiŋgiɛŋ?”

Fàʼa 9:26

Shɔɔ ni ŋga ŋgə̄ɨ Jerushalɛiŋ, ŋkaa nu nɔ tūru nu pugu pa ghaŋ younjiŋ Jishɔ. Ndɔ paʼa pugu lɔ njiʼi mbiŋ ŋa a taʼa ŋgaŋ younjiŋ Jishɔ, ŋka pɔgɔ vi pɔgɔ.

1 Koriŋ 10:32

P̂əɨ chhɔ chɔmbhi yəɨ moŋ ŋkwaŋ shɛndaoŋ ŋa mbaʼa a yiʼi mbɔ kɨʼɨŋgɨnɨ ni pa Juu, ki ŋgwa taoŋ nduoŋ ki ni chɔshi Minnwi.

1 Koriŋ 15:9

Nthɛ ŋa mi ndugwi njiŋ shɨna ŋguoŋ pa ghaŋ ntaoŋ Jishɔ ghao, paʼa ndɔ ŋkāʼo ŋa pi mɛ̄iŋ a ni ŋgaŋ ntaoŋ Jishɔ nthɛ ŋa mi ni mfɛ ŋgəʼɨ ni chɔshi Minnwi.

Filipai 3:6

ŋga ŋgə̄ɨ nɔ niʼiŋ njùʼɔ, m̀bɔ pi ŋgaŋ fɛ ŋgəʼɨ ni chɔshi, ŋga ŋgə̄ɨ nɔ pɔ nu yi ndɨndɨ moŋ nūʼɔŋ nu gɨ́, m̀bɔ ki ntəɨ.

1 Timoti 1:13

Njiʼi nthɛ pi nɔ haʼaŋ ŋki fǔoŋ mbɔ pi ŋgaŋ wɛʼi ligi Minnwi nthɔ fɛ ŋgəʼɨ ni ŋgwa pi, ndɔ nchɨ̄ʼə vi nɛ, Minnwi ni nōoŋ kwoshɨnɨ vəɨ nthɛ ŋa ŋki chwīe nnu pei pi moŋ ki ji pugu pa pou piŋ.

1 Timoti 1:14

Ndɔ Taathɔ via shāʼo ntou pwapuŋ yi mbɨŋ mu pugu pa piŋ ni khwā ŋa a pɔ moŋ Krishto Jishɔ nɛ.