Ɛfɛshɔ 3:9 - Ŋwaʼaŋlɨ Kɨǹ a Fhi

⁹ ndɔ mbɨnɨ nōoŋ kàʼa Minnwi lɨʼɨ wo ni ŋguoŋ ŋgwa ghao, mbɔ kàʼa ŋa a ni ndə̄ɨŋ llɔ llɛshhɨ nɛ. Minnwi yei ŋoŋ ŋa a ni nchwīe ŋguoŋ yaoŋ.

Ɛfɛshɔ 3:9 ပူးပေါင်းရင်းမြစ်များ

Matio 10:27

Nnu ŋa ǹchhu ni pəɨ moŋ njíŋ nɛ, pəɨ chhu nthɛ minaoŋ, yaoŋ ŋa pəɨ yaʼo pi chūuŋ nɛ, pəɨ thi ŋkuoŋ pa thɔnda nchīi.

Matio 13:35

Yei ni mbɔ nɔ chwīe nu nnu ŋa njəɨlɨʼɨ Minnwi ni nchhu nɛ lɔ̄gɔ lɨʼɨ ŋa, “Ǹshi ŋaʼaŋ nchò a nchrā moŋ pa luʼɔ chrà. Ǹshi nchhu pa nnu ŋa pi shi ki lɔ nji llɔ moŋ ndɨɨ ŋa pi ni nchwīe mbhi nɛ.”

Matio 25:34

“Nnɛ fùoŋ ghɔ shi nchhu ni pɛ ŋgwa ŋa pugu pɔ ŋgei mbhɔ jɨ nɛ ŋa, ‘Pəɨ ŋa mbɔrɔ Tǎa a pɔ mbɨŋ pəɨ nɛ thɔ, pəɨ shi nshei Shaʼafuoŋ ŋa pi ni mbīri ni pəɨ moŋ njɛ̄ mbhi nɛ.

Matio 28:19

Nthɛ yie ghɔ, p̂əɨ ghə̄ɨ nchwīe ŋgwa pugu pɔ pa ghaŋ younjiŋ paŋ moŋ ŋguoŋ pa laʼataoŋ ghao nchhɔ ŋkwe vugu ni ŋkhǐ moŋ ligi Tǎa ni Muuŋ ni Jijwɛ Minnwi,

Luka 24:47

Pugu pa ŋa moŋ ligi Krishto ghɔ, pi shi nchīi ni pa ŋguoŋ ŋgwa ŋkuoŋ mbhi ŋa pugu pāʼa ŋkǔnu yugu ni phɨ, Minnwi liʼɛ mfɛ ni pugu, p̂əɨ jɛ̄ Jerushalɛiŋ.

Jouŋ 10:30

Mmu pigi Tǎa a pɔ pi taʼa yi.”

Jouŋ 5:17

Ndɔ Jishɔ khwɛ̄ ni pugu ŋa, “Tǎa a wuʼɔ nthɔ mfāʼa fāʼa ti nchəɨŋ ndwɛ. Nnɛ, mummu fāʼa nu.”

Jouŋ 5:19

Nnɛ Jishɔ chhu ni pugu ŋa, “Shishini, ǹchhu ni pəɨ ŋa, minthɛ paʼa Muuŋ lɔ nchwīe nnu ni thɔ yi, a wuʼɔ nchwīe pi nnu ŋa a yəɨ Tǎa vi chwīe nu nɛ. Nthɛ ŋa sheshe nnu ŋa Tǎa ghà nchwīe nɛ, Muuŋ ghà ŋguʼɔ nchwīe pi yie ghɔ ŋkaa yu.

Fàʼa 15:18

Yei nnu ŋa Taathɔ, ŋa a ni nchwīe ŋgwa ji yei nnu fie llɛshhɨ, chhu nɛ.’

Roma 11:25

Ǹtāʼa nu ŋa pəɨ ji nnu lə̄ɨŋ yei ŋa Minnwi nōoŋ nɛ, ma pa lǐŋ paŋ, nnɛ ŋa kiʼi pəɨ shi mbīʼi nu ni noŋ pəɨ ŋa pəɨ pɔ pi pa ghaŋ shiethɔ. Pi ni fɨ̄nɨ njùʼɔ pichəɨ pa ŋgwa Ishrae nɔ kuo ndɨɨ, ti ŋgə̄ɨ nchəɨŋ fɨʼɨ ndɨɨ ŋa fɨʼɨ ŋgwa taoŋ nduoŋ haʼaŋ a pie ŋa pugu thɔ njəɨ Minnwi kwo thɔ njəɨ Minnwi nɛ.

1 Koriŋ 2:7

Ndɔ pigi ghà nchīi shiethɔ Minnwi ŋa a lə̄ɨŋ ki ŋgwa lɔ nji nɛ, mbɔ shiethɔ lə̄ɨŋ ŋa Minnwi ni nchuʼɔ ŋkaoŋ mbhi maa njɛ̄ nɔ ndighaʼo yia nɛ.

Ɛfɛshɔ 1:4

Wuʼɔ nɔ haʼaŋ a chuʼɔ via nthɛ Krishto ŋkaoŋ maa nchwīe mbhi nɛ, ŋa p̂ia pɔ yi taoŋtaoŋ ki lɔ mfāʼo ntəɨ shhɨ yu. Moŋ khwǎ,

Ɛfɛshɔ 3:2

Nɔ haʼaŋ ä mbɔ yɛ ŋa shishini, pəɨ kwo yaʼo fàʼa yɛ ŋa Minnwi fɛ vəɨ moŋ pwapuŋ yi nthɛ vəɨ nɛ,

Ɛfɛshɔ 6:19

Ndɔ nduoŋ mfɛ vəɨ ŋkaa mu, ŋa Minnwi shi mfɛ chrà yi vəɨ ndɨɨ ŋa ǹtāʼa nu nchrā nɛ, ǹchrā ni tɨnɨnjuʼɔ, nnɛ ŋa n̂chwīe pi ji ŋkɨ̀nɨ pwa pishaʼakhɔ ŋa a ni mbɔ yi lə̄ɨŋ, ndɔ Minnwi chwīe ŋgwa ji nɛ.

Koloshe 1:23

nɔ haʼaŋ pəɨ nja ŋgə̄ɨ shhɨ shishini moŋ piŋ ki lɔ nchɨʼɨ, ndɔ nthi a tɨnɨ, ki lɔ nchənə ndɔllɔ yəɨ kwàʼa pwa pishaʼakhɔ yɛ ŋa pəɨ ni njaʼo nɛ. Pi ni ŋkwo chīi pwa pishaʼakhɔ yei ni ŋguoŋ pa yaoŋ puoŋ laʼo po, mbɔ yɛ ŋa mmu, Pɔɔ, ni ŋgū muuŋ fàʼa pwa pishaʼakhɔ ghɔ nɛ.

Koloshe 1:26

mbɔ nnu lə̄ɨŋ ŋa a ni mbɔ nɔ pa ŋgaʼo ŋgaʼo, pugu pa ŋgwrɛiŋgwa ŋkuoŋ ŋgwrɛiŋgwa, ndɔ ndwɛ, a chwīe ŋgwa Minnwi pi taoŋtaoŋ ji.

Koloshe 3:3

Nthɛ ŋa pəɨ kwo khu, chɔmbhi yəɨ pɔ yi lə̄ɨŋ ni Krishto mbhɔ Minnwi.

Koloshe 4:3

Luoŋ Minnwi mfɛ ni pigi ŋkaa pigi, ŋa Minnwi ŋaʼaŋ chonda ni chrà yi, pigi chīi nnu lə̄ɨŋ Krishto, mbɔ nnu ŋa m̀bɔ chə́ɨŋ nthɛ yie ghɔ nɛ.

2 Teshalonika 2:13

Ndɔ pigi fāʼo nɔ tōo nu Minnwi ŋguoŋ ndɨɨ nthɛ vəɨ, ma pa lǐŋ paŋ ŋa Taathɔ khwā, nthɛ ŋa Minnwi chuʼɔ vəɨ nɔ fǔoŋ ŋgwa nɔ lūgu nu ntɔgɔ pi ŋkuoŋ Jijwɛ Minnwi ŋa a chwīe pəɨ pɔ yi taoŋtaoŋ nɛ, pugu pa piŋ yəɨ moŋ nnu shini.

1 Timoti 3:16

Shishini nnu lə̄ɨŋ ŋa pi chwīe ndwɛ pi ji moŋ piŋ yia nɛ ghaʼo, ŋa, A ni nōoŋ noŋ yi moŋ frɛinoŋ, Jijwɛ Minnwi nōoŋ ŋa a yi ndɨndɨ, Ghaŋ ntaoŋ Minnwi yəɨ vi, Pi chīi ligi yi moŋ pa laʼataoŋ ghao, Pi piŋ vi moŋ ŋguoŋ mbhi ghao, ŋkuʼɔ ni ju po moŋ ndighaʼo.

2 Timoti 1:9

ŋa a ni ŋkwe via ŋgɛ̄ via ŋa pia pɔ ŋgwa pi pi taoŋtaoŋ, ki lɔ mbɔ nthɛ pi fàʼa yia, mbɔ nthɛ pi ji nu nnu pugu pa pwapuŋ yi ŋa a ni nōoŋ ni pia ntɔgɔ pi mbɨŋ Krishto Jishɔ ŋkaoŋ mbhi maa njɛ̄ nɛ.

2 Timoti 4:17

Ndɔ Taathɔ ni nthi yəɨ a, māʼaŋ ghrɨ́ a, nnɛ ŋa ntɔgɔ mbhɔ a ŋkɨ̀nɨ Minnwi shi nja nyīeŋ, ŋguoŋ ŋgwa, taoŋ nduoŋ yaʼo. Nnɛ pi ni mfuʼu a nchò paʼo.

Taitu 1:2

ntɔgɔ pi ŋkuoŋ kwàʼa fāʼo nu chɔmbhi ki mmɛ. Minnwi, ŋa a shiʼa ma ndɛʼi ŋgiɛŋ, ni ŋkāʼa chɔmbhi yei ŋkaoŋ mbhi maa njɛ̄.

1 Pita 1:20

Ŋkaoŋ Minnwi maa nchwīe mbhi, a ni ŋkwo chuʼɔ Krishto, ndɔ nōoŋ vi moŋ ndugwi llɛ́ pei nthɛ pi pəɨ,

Nnu Nōoŋ 13:8

Ŋguoŋ pa ŋgwa ŋa pugu chhɔ ŋkuoŋ mbhi nɛ shi ŋgaʼo vi, ŋkiɛŋ ŋgwa pɛ ŋa pi ni nāʼaŋ ligi yugu ŋkaoŋ Minnwi maa chwīe mbhi moŋ ŋwaʼaŋlɨ chɔmbhi mbɔ yi Muuŋ Minjɨɨ ŋa pi ni njwi vi nɛ.

Nnu Nōoŋ 14:6

Ǹjəɨ yichəɨ taʼa ŋgaŋ ntaoŋ Minnwi, a yei ntɔgɔ nu thɔ pigi ni pwa pishaʼakhɔ ŋa a lɔ njiʼi mfāʼo ndugwi yi nɔ chīi nu ni ŋgwa ŋa pugu pɔ ŋkuoŋ shhɛ nɛ, ni ŋguoŋ pa laʼataoŋ, ni kɨrɨ ndaaŋoŋ, ni ŋgwa llɔ moŋ chrà taoŋ taoŋ, ni kɨrɨ ŋgwa.

Nnu Nōoŋ 17:8

Minyieŋ ghɔ ŋa ɔ ni njəɨ nɛ ni mbɔ yi maoŋ ndɔ ki lɔ mbɔ ndwɛ, ndɔ ntāʼa nu ŋkuʼɔ llɔ moŋ tiɛŋ ki ndugwi yi ŋgə̄ɨ pi pɨrɨ vi. Pa ŋgwa ŋa pugu chhɔ nu ŋkuoŋ shhɛ ŋa pi lɔ nāʼaŋ ligi yugu moŋ ŋwaʼaŋlɨ chɔmbhi llɔ ndɨɨ ŋa Minnwi ni nchwīe mbhi nɛ shi ŋgrāo nɔ yəɨ mi minyieŋ ghɔ, nthɛ ŋa a ni mbɔ ndɔ paʼa ndɔ nuʼuŋ mbɔ ndɔ mfāʼo nɔ thɔ nu.

Nnu Nōoŋ 4:11

“A kāʼo gɔ̌, ma Taathɔ yigi, mbɔ Minnwi yigi, nɔ kwe nu ndighaʼo, ni ghaʼo nu, ni ghrɨ́, nthɛ ŋa ɔ ni mbuoŋ gɔ̀ mbuoŋ ŋguoŋ yaoŋ ghao, maoŋ pighɔ wuʼɔ mbɔ ntɔgɔ pi ŋkuoŋ pwatua yɔ.”